MAZMUR 21:10 - KITAB NU TUMPU ALLA LELE MA'IMAI'

¹⁰ Ia toka mae sumo apu anu moakmo kahanda'mo mompatei aha. Tinambuha'anmo nu Tumpu na aha kalana aitu aha ohopu'imo, ka' nuangotimu nu apu.

MAZMUR 21:10 ပူးပေါင်းရင်းမြစ်များ

2 SAMUEL 23:7

mau pe'e samian madi' ko anu mongka'oho' mongkanyang ia de madi' mompake kau' kabai besak. Mian haha aijo' nohopu'mo tinoyo'an nu apu.

1 TOMU-TOMUNDO' 13:34

Kalakuannyo anu ma'idek aijo' na nonsaduakonmo lee'nyo nohumpak balaa' ka' sinilakamo iwi-iwi'.

AYUB 20:28

Iwi-iwi' na kakayannyo ningkotmo, kalana talalomo tinambuha'an nu Tumpu Allah.

MAZMUR 109:13

Bakas da iwi-iwi' na lee'nyo opateimo, ka' sanggonyo nu kolilimimo nu tulunan anu aiya mae i ahop.

MAZMUR 37:28

Kalana Tumpu na mongka'ima'i ahi' palabuatan anu ma'ima' ka' adin, mian anu tulu-tulutan hi Ia madi' ola Nu pojohok tumuu' susa'. Ia monjagai aha sampe toka sidu-sidutu', panyo lee' nu mian anu ma'idek na kinyonyoanyo na opateimo ahi'.

YESAYA 14:20

Beleyum nonsilakaimo lipu' nu beleyum ka' mule' nosi pateimo posi bansa nu beleyum. Kalana aijo' beleyum madi' olamun susumo to tomu-tomundo' sangga'at. Madi' kosamian pe'e na to julu-julu mae nu beleyum anu toto ide-idek na kinyonyoa nu aha haha aijo' na oposalamat.

MALEAKHI 4:1

Tumpu Anu Daka' na Kuasanyo notataemo, “Tokaje na sinaanyo iwi-iwi' na mian anu buulon tiba mian anu ma'idek na palabuatannyo opapuimo susumo hat. Kona i sinaa aijo' aha opapuimo sampe motanggot iwi-iwi', sahingga aha aijo' madi'mo daagi ko anu tontuha'.