MAZMUR 20:3 - KITAB NU TUMPU ALLA LELE MA'IMAI'

³ O'amalakon da Ia mompakatu mae bau pontulungi lengkat mae i Laigan-Nyo, ka' mombee'i mae bau pontulungi lengkat mae i Bungkutnyo nu Sion.

MAZMUR 20:3 ပူးပေါင်းရင်းမြစ်များ

KAJADIAN 4:4

Lantas i Habel nongalamo anak nu domba tumpenyo i sala'sa'angu' na dombanyo, kinolotnyomo, lantas sinombahkonnyomo na bagian anu talalo ma'ima' hi Tumpu. Tumpu sinanangmo hi Habel ka' suele anu sinombahkonmo aijo' kina'ima'an-Nyomo.

1 TAWARIKH 21:26

Lapas atu i Tomundo' Daud nompotinjomo saangu na mezbah hi Tumpu, ka nom-palasombahkan koloban anu opotunu ka koloban pompodame lapas aijo binala do'amu na i Tomundo' Daud, do'anyo aijo tinaman nu Tumpu tiba adu anu tinudun lengkat i langit nompapui koloban-koloban ata i mezbah aijo.

2 TAWARIKH 7:1

Noko lapas na i Tomundo Salomo binalado'a, apu nintatau'mo lengkat mae i langit ka' nontoyo'imo iwi-iwi' na koloban anu sinombahkonmo hi Tumpu. Lantas jingka salaku tanda Tumpu tinokamo, Laigan nu Tumpu aijo' najingkamo songko-songko,

MAZMUR 128:5

O'amalakon da Tumpu kiita' mae i Sion mombalakatimo mae beleyum. O'amalakon da beleyum montoa kantumuu'an ma'ima' anu sukupmo i Yerusalem sansina-sinaa.

MAZMUR 134:3

O'amalakon da belemiu mohumpak balakat nu Tumpu lengkat i Sion, anu nompotimbalimo langit ka' tano'!

MAZMUR 51:19

Koloban anu osombahkon hi Tumpu te kinyonyoa anu nohintutumo, kinyonyoa anu ta'aluk ka' balatobatmo yo madi' nu sangka anu Belento.

YESAYA 60:7

Mee', domba nu Kedar oboamo mae hi belemiu domba lakinyo lengkat mae i Nebayot pinosadiamo da okolobanakon nu belemiu. Koloban aijo' momposanang kinyonyoa nu Tumpu Ia nompokopiani ma'i-ma'ima' Laigan-Nyo anu o'angga'i.

IMAMAT 9:24

Monti-montik Tumpu montau'akonmo mae apu anu montoyo'i sampe mingkot na koloban anu opotunu ka' baha-bahagiannyo anu ko lompo'nyo i mezbah. Salatan aha mian Israel nontoamo, aha lewa'mo nontaligalai lantas tinolodadupumo nonsombahmo.

SISIKON NU TO RASUL-RASUL 10:4

I Kornelius nontonto'i Malaikat aijo' ka' nabuhukmo lantas notatae, “Daagi' ko apaa Tuan?” Tinaaman nu malaikat aijo', “Do'aum ka' ka'ima'an nu kinyonyoaum tinalimamo nu Tumpu ka' Tumpu nonginau'mo beleyum.

EFESUS 5:2

Kantumuu'anum maunyo ahi' okinyonyoai nu kalibosan susumo pongkalibosi i Kristus kita. Ia nongkulubanakonmo butong-Nyo kalana kita, salaku palasombahan anu manohong ka' momposanang kinyonyoa nu Tumpu.

1 PETRUS 2:5

Belemiu sumomo to batu-batu anu tumuu'. Kalana aijo' tionyo ahi' da belemiu opake bau pompotinjo Laigan nu Tumpu, aijo'mo posa'angu'an nu mian anu pinalesayamo. Desumo aitu yo belemiu timbalimo to ima-imam, anu tumuu' matungka' bau kapentingan nu Tumpu Allah, ka' kalana i Yesus Kristus nonsombahkonmo butongnyo binau koloban rohani anu nuka'ima'i nu kinyonyoa nu Tumpu.