MAZMUR 20:2 - KITAB NU TUMPU ALLA LELE MA'IMAI'

² O'amalakon da Tumpu montaami mae beleyum de nutokaimo nu kasusa'an, O'amalakon da kuasa nu Tumpu i Yakub monjagai mae beleyum!

MAZMUR 20:2 ပူးပေါင်းရင်းမြစ်များ

2 SAMUEL 5:7

I Daud notataemo hi to sulu-suludadunyo, “Pa' daagi ko mian anu aiya hi kita mongka'ideki mian nu Yebus susumo aku suele mongka'ideki aha? Totu-totu'u ahi' na ia mongka'ideki aha sahingga o jujuhi' ahi'na mompatei aha? De sumo uuka yo pinsoopmo montulu jalan mae nu uee ka' paha pateimo na anu to pengko-pengko' tiba anu to mapi-mapisok anu ku ku ka'ideki aijo'.” (Mokonyo aijo' tinaloakonmo nu mian, “Mian anu mapisok tiba mian anu pengko' madi' timbali minsoop hi laigan nu Tumpu.”) I Daud noko alamo nongkuasai benteng nu Sion ka' jinojoongannyomo. Ka' sinanggohannyomo “Kota' Daud”. Kota aijo' binaunyo montotonga'i benteng aijo' tinampu'unan lengkat pe'e mae i sasu kabete'an na lewa' tinambunan nu tano' tangka-tangkas sahingga nabungkutmo.

2 SAMUEL 6:17

Peti' Palajanjian aijo' pino una'mo i tampatnyo anu pinotokamo i Daud i uno nu kemah. Lapas aijo' i Daud nonsombahkonmo hi Tumpu koloban anu opotunu ka' koloban paladamean.

1 TOMU-TOMUNDO' 6:16

I uno nu laigan aijo' i sasu hikunyo binauan salipi'nyo ka' pinokonan pimpi'nyo bau pongoloti kau' lontio' na binau, lengkat pe'e i salonyo toka-toka mokiita' i palaponnyo. Salipi'nyo aijo' osanggohi Salipi'nyo anu Susi'. Hondo ko mantannyo osio' na meten.

MAZMUR 3:4

Panyo Belento, o Tumpu, sumomo kanta anu monjagai mae aku. Belento na mombee'i mae aku ka'untungan mahampate, ka' nu pobibi mae nu Belento na kinyonyoangku.

MAZMUR 54:3

O Tumpu posalamatakon mae na aku nu kuasa nu Belento, bee'i mae ka adinan hi belengku ka kahosonan nu Belento.

MAZMUR 73:17

Ahennyo aku ninsoopmo i Laigan nu Tumpu lantas aku nangalati'mo mosia na kantumuu'an nu mian anu ma'idek na kinyonyoanyo saidi' mae imihinyo.

AMSAL 18:10

Tumpu aijo' sumo laigan tangka-tangkas anu mahoson hondo; mokiijo'mo na kalambanan nu mian anu madi' tageo' na kinyonyoanyo da mohumpak tampat anu madi'ko anu mompoposia.

YESAYA 12:6

Pontaligalaimo o, belemiu anu jojoong i Sion, opolame' ahi na manyanyi. Tumpu nu aha Israel anu susi' memang talasanggo hondo, Ia jojoongmo atina' hi belemiu.”

YESAYA 14:32

Apaa na bau pontaaminto hi aha to mia-mian anu toka mae lengkat hi aha bansa Filistin? Opoto'into tukoonto hi aha Tumpu nombaumo Sion ka' mian anu palesayamo hi Ia anu nongoa'imo kasansalan ojagaimo ikiijo mae.