MAZMUR 2:9 - KITAB NU TUMPU ALLA LELE MA'IMAI'

⁹ Aha iwi-iwi' nu pato'imo nu tokon besak ka' nu biha'mo susumo kuhon tano'.’ ”

MAZMUR 2:9 ပူးပေါင်းရင်းမြစ်များ

MAZMUR 89:23

Ia madi' nupoko ala nu patundu' nu anu monsampobali', ka' madi' nupoko ala nusansala nu mian anu ma'idek na kinyonyoanyo.

YESAYA 30:14

Belemiu mohintutumo susumo kuhon tano' anu moposo'mo ka' motatabumo, sahingga anu nohintutumo aijo' madi'mo ahi timbali opake mau ola ponsake'an mae oba aijo' itolukun kabai mau ola bau pontauk uee aijo' ibak nu uee.”

YESAYA 60:12

Bansa tiba kalaja'an anu madi' mongka'oho' tulut hi beleyum osilakaimo ka' mingkotmo.

YEREMIA 13:14

Lantas aha Ku podukumo hi samian ka' hi samian. Mian anu tu'amo tiba mian anu ma'isa tu'nyo Ku baumo susumo aijo madi'mo daagi' ko ampunnyo. Aha Ku silakaimo madi'mo daagi' mongkalibosi kabai mongkanonongi. Aku, Tumpu, notataemo.”

YEREMIA 19:11

Aku tionyo ahi' mompoto'imo hi aha taalu' Tumpu Anu Mahakuasa nompoto'imo mae sumo uuka, “Bansa tiba kota' aiya Ku hansunimo sahingga timbalimo susumo selekan tano' anu noposo'mo aijo' anu madi'mo timbali daagi' opoko ima'i. Mian molamunmo bangke haha aijo' nu aha i Tofet, kalana madi'mo daagi' ko tampat polamunan sangga'at.

DANIEL 2:44

Tempo'nyo tomundo' haha aijo' mompalentah Tumpu i suluga' nompotinjomo sa'angu' na kalaja'an anu timbali totahan sampe toka sidu-sidutu' ka' anu madi' nu poko ala nu patundu' nu bansa maumo pa' iyamae. Kalaja'anmo ai-aijo' na mohansuni iwi-iwi' na kalaja'an sangga'at haha aijo'.

DANIEL 2:45

Temisa' tinoamo nu belento Tuanku madi' kino mian nohenggo sa'angu' na batu nolingginmo mae aita i keles lantas nontuda'mo ka' mule' nompohintutumo patong besak, ka' tambaga, tano' kun, salaka tiba mosoni' aijo'? Tumpu Anu daka' na Kuasanyo nompoto'imo hi belento Tuanku apaa na anu jadi saidi mae. Ipion aijo' timbali opalesaya ka' mule' katalanganku madi' sala'.”

MIKHA 5:8

Israel mompatundu'mo iwi-iwi' na sampobali'nyo ka' mule' mohansunimo aha iwi-iwi'.

MATIUS 21:44

Mian anu manabu' i batu aijo', tionyo hansun; ka' mian anu nu tuda' nu batu aijo' nu diodos tinimbali abu'.]”

ANU PINOTO'I HI YOHANES 12:5

Lantas boune aijo' nohampeakonmo samian na anak mo'ane anu mompalentahje iwi-iwi' na bansa nu tokonnyo besak. Panyo anak aijo' ingagoanmo hi boune aijo', lantas binoanyomo hi Tumpu nokiijo' i ahop nu kasuhangan-Nyo.

ANU PINOTO'I HI YOHANES 19:15

Lengkat mae i nganga'nyo nosabatmo samata na bajak anu matajom, ka' tiba bajaknyo aijo' nu hungku'ije saidi' mae na to bansa-bansa, ka' nu palentahje saidi' mae na aha nu tokon-Nyo besak. Ia mompao'je anggur i uno nu tampat pompao'an anggur tambuha' nu Tumpu Anu Matangkas na kuasanyo.