MAZMUR 2:6 - KITAB NU TUMPU ALLA LELE MA'IMAI'

⁶ Ia notatae, “Kiita' mae i Sion puge'Nyo anu susi' aijo' anung-Ku i hangkatkumo na tomundo' anu pinile'an-Kumo.”

MAZMUR 2:6 ပူးပေါင်းရင်းမြစ်များ

MAZMUR 45:6

Pana' nu beleyum mata-matajom molampasmo sule nu mian anu mongewa mae beleyum, to bansa-bansa singkapmo motua' i ahop nu tengke nu beleyum.

MAZMUR 50:2

Lengkat mae i Sion kota' anu ma'ima' hondo Tumpu tinokamo mae ka' binalasahayamo.

MAZMUR 78:68

Anu pinile'an-Nyo aijo'mo tulunan nu bansa i Yehuda, ka' Puge'nyo nu Sion anu kina'ima'an-Nyomo.

MAZMUR 89:27

Ia notataeje mae hi beleng-Ku, ‘Belentomo na Tuumangku, Tumpu Allah-ngku anu monjagai mae, ka' anu momposalamat aku.’

YESAYA 55:4

Totu-totu'unyo, ia Ku pojadimo timbali bau polaya' ka' talenga', sakisi nukuasang-Ku toka hi to bansa-bansa.

YEHEZKIEL 17:22

Sumo uuka na anu pinoto'imo nu Tumpu Anu Matangkas na Kuasanyo “I kau' lontio' tangka-tangkas aijo' Ku pato'mo na londiknyo lantas Ku pato'akonmo na sampanga' anu ma'isa motu'a; Panga'nyo Ku su'anmo i bungkutnyo anu matunjo mokiita' i kundom.

DANIEL 2:44

Tempo'nyo tomundo' haha aijo' mompalentah Tumpu i suluga' nompotinjomo sa'angu' na kalaja'an anu timbali totahan sampe toka sidu-sidutu' ka' anu madi' nu poko ala nu patundu' nu bansa maumo pa' iyamae. Kalaja'anmo ai-aijo' na mohansuni iwi-iwi' na kalaja'an sangga'at haha aijo'.

ZAKHARIA 8:3

Aku po ule'mo minsusule' i Yerusalem, kota'-Ku anu susi' aijo' ka' jojoongmo ikiijo' mae. Yerusalem saidi mae nu sumbu'je nu mian salaku kota' anu tulu-tulutan, ka' puge'nyo nu Tumpu Anu Daka Na Kuasanyo osanggohije Puge'nyo anu Susi'.

MATIUS 28:18

I Yesus nongohani aha ka' notatae, “Iwi-iwi' na kuasa i suluga' ka' i dunia aiya binee'mo hi beleng-Ku.

EFESUS 1:22

Tumpu nompatundu'mo iwi-iwi' i aluk nu kakuasa'an i Kristus, ka' i Kristus binee'mo hi jama'at salaku mongkapalai iwi-iwi' na apaa.

IBRANI 12:22

Panyo mule', komiu tinokamo i Bungkutnyo nu Sion, ka' kota' nu Tumpu anu tumuu', aijo'mo Yerusalem anu i suluga', anu ko malaikatnyo momada-madala na konjoo'nyo.

ANU PINOTO'I HI YOHANES 14:1

Lapas aijo' aku nontoamo, Anak nu Domba aijo' tinjo-tinjo aita' i Bungkutnyo nu Sion. Tiba Ia, daagi' mule' ko 144.000 na mian ka' i siakan nu aha toto samian bubu' tinulis na sanggo-Nyo ka' sanggo nu Tuuma-Nyo.