MAZMUR 2:4 - KITAB NU TUMPU ALLA LELE MA'IMAI'

⁴ Kiita' mae i kasuhangan-Nyo i suluga' Tumpu kinumojomo ka' mompisala'i apaa na anu tinanga'anmo nu aha.

MAZMUR 2:4 ပူးပေါင်းရင်းမြစ်များ

2 TOMU-TOMUNDO' 19:21

Tumpu notatae, “Kota' Yerusalem nongkokojoimo ka' nompopoambangmo belento Sanherib.

MAZMUR 11:4

Tumpu kiita' mae i Laigan-Nyo anu susi' hondo, kasuhangan-Nyo kiita' mae i suluga'. Ia lewa' mompotomatakon mian ka' monsumbu' iwi-iwi' apaa na anu nubau nu aha.

MAZMUR 115:3

Tumpu-nto kiita' mae i suluga', Ia nombaumo apaa na anu tinanga'an-Nyomo.

MAZMUR 123:1

Nyanyian mamba i tampat anu ko balakatnyo. Aku nonsinda Belento O, Tumpu anu mompalentah mae kiita' i suluga'.

MAZMUR 37:13

Panyo nu kokojoi nu Tumpu na mian anu palabuatannyo ma'idek, kalana Nu sumbu' na ka ahenannyo nu mian aijo' maliamo mae toka.

MAZMUR 53:5

Tumpu notatae, “Madi'mo daagi' sininsumbu' na to mia-mian anu ma'idek haha aijo'? Aha tumuu' ola sola' mongagoi balang nu mian anu palesayamo hi Beleng-Ku, ka' madi' toho' balado'a mae hi Beleng-Ku.”

MAZMUR 59:8

Aha me saja' mompobau-bau ka'mongalu mae potatae nu aha matajom hondo sumomo ahi' bajak, nusangka nu aha madi' ko anu mohongo.

MAZMUR 59:9

Panyo Belento mongkokojoi aha, o, Tumpu, iwi-iwi' na bansa haha aijo' nu alu nu Belento.

MAZMUR 68:33

Panyanyimo sombahkon hi Tumpu, o, iwi-iwi' na kalaja'an, o, nyanyi na bau pompuji'-puji' Tumpu,

AMSAL 1:26

Kalana aijo', de belemiu silakamo ku koko joimo na belemiu. De belemiu mabuhukmo, ku alumo na belemiu.

YESAYA 40:22

Anu nompotimbali ia jojoong ibuan nu dunia aiya anu timpo-timpodon mian anu jojoong i unonyo otoa mae me toto ise-ise' susumo kihi-kihi'. Ia nomboka langit susumo hude, ka' nompokona susumo kemah bau kajojoongan.

YESAYA 57:15

Kalana sumo uukamo na potatae nu Tumpu Anu Matangkas na Kuasanyo ka' susi', anu balakuasa sampe toka sidu-sidutu', “Kajojoongan-Ku i tampat anu matangkas ka' susi', panyo suele ahi' jojoong hi to mia-mian anu ma'ima' na kinyonyoanyo, ka' anu binalatobatmo isinin na dosa' nu aha, da opo'ule'mo na sumangat nu aha tiba halapan nu aha.

YESAYA 66:1

Tumpu notatae, “Langit atina'mo na kajojoongan-Ku, ka' tano' katinjoan nu tengkeng-Ku. Jadi laigan anu mosia na anu nu bauakon hi beleng-Ku, ka' tampat iya mae na pombauan nu beleyum bau jojoongan-Ku?