MAZMUR 2:12 - KITAB NU TUMPU ALLA LELE MA'IMAI'

¹² nu lakat ahi' na tolodadupu i ahop-Nyo, dumo ahi' nutambuha'i nu Tumpu ka' ola sangkinihap belemiu opateimo, kalana ia motambuha' pojohinjit sumo apu. Mohumpak ka'ima'an na mian anu mihohung hi Tumpu!

MAZMUR 2:12 ပူးပေါင်းရင်းမြစ်များ

KAJADIAN 41:40

Beleyum ku hangkatmo timbali gubernur, ka' iwi-iwi' na layatku tionyo ahi' nontuluti palentah nu beleyum. Ola aku na lebe matangkas na kuasa molingkudui beleyum.”

1 TOMU-TOMUNDO' 19:18

Panyo' 7.000 na mian nu Israel Ku posalamatmo, aijo'mo to mian-mian anu sabole-bole montuluti Aku, ka' madi' toho' tolodadupu monsomba patong nu Baal kabai mongooki ia.”

MAZMUR 1:6

Kalana mian anu mohongo-hongo nu laya' ka' nu jagai nu Tumpu, panyo mian anu ma'idek na kinyonyoanyo mongahopimo kasilakaan.

MAZMUR 109:20

O, Tumpu nabu'akonmo na hukuman aijo' hi mian anu montutuk mae aku, hi aha anu motatae mae ma'idek hi belengku.

MAZMUR 2:5

Lantas notambuha'mo na Ia ka' sinegan-Nyomo na aha, ka' tinolokengkengmo kalana Ia notambuha'mo.

MAZMUR 2:7

Notataemo na tomundo', “Ku bebakonmo apaa na anu tinantukanmo nu Tumpu. Ia notataemo hi belengku, ‘Beleyum ana-Ku mo'ane, sinaa aiya aku timbalimo Tuuma nu beleyum.

MAZMUR 31:20

Talalo ahi' manjoo' na kanonongan nu Belento anu pinosadiamo nu Belento bau bagi nu mian anu palesaya! Batu-batuu mian nontoamo kanonongan anu binaumo nu Belento, kona hi aha anu mihohung hi Belento.

MAZMUR 34:8

Malaekat nu Tumpu monjagai mian anu tulu-tulutan, ka' nompobebasmo aha da madi' nu kona nu bahaya.

MAZMUR 34:9

Posi oa'imo pa' mosia na ko nonongnyo nu Tumpu, mohumpak kantumuu'an ma'ima' na mian anu mihohung hi Ia.

MAZMUR 40:4

Ingajan-Nyomo na aku manyanyi nyanyian anu salaje' o'ajan, nyanyian bau pompuji' Tumpunto. Manjoo' na mian nontoa ka' nabuhukmo, lantas nompalesayamo Tumpu.

MAZMUR 84:12

Kalana Tumpu na monjagai kita ka' tomundo' anu talasanggo hondo, anu mongkalibosimo mae kita ka' i hangkatnyomo na sanggonto. Ia saja' montalima maumo pa'apaa asan anu ma'ima' na opoita kona hi mian anu kantumuu'annyo madi' ko anu ma'idek.

AMSAL 16:20

Palahatikan apaa na anu ingajanakonmo hi beleyum sahingga beleyum saidi' mae mohumpak apaa na anu ma'ima'. Palesaya hi Tumpu sahingga beleyum mohumpak kabilahian.

YESAYA 30:18

Maumo ahi' sumo aijo' panyo Tumpu na me ahi' montatanda tempo'nyo, Ia mompotoamo kalibosan-Nyo hi belemiu. Ia memang mongkalibosimo belemiu. Kalana Tumpu aijo'mo na Tumpu anu mombau apa-apaa madi' hondo sala'. Mohumpak kabilahian na mian anu saja' mompasehakon kantumuu'annyo hi Ia.

YEREMIA 17:7

Panyo mian anu montaha'imani Aku na saja' ahi' Ku balakati.

HOSEA 13:2

Sampe uuka aiya to mia-mian nu Efraim haha aijo' daagi saja mobau dosa' kalana aha nombaumo iwi-iwi' na patong salaka da osombah – patong anu tinanga'an nu akan nu mian ka' binau nu lima nu manusia. Aha notatae, “Sombahkonmo na koloban hi patong haha aiya!” Madi' minsoop i akan na mian mongooki patong anak nu sapi'!

ZEFANYA 2:2

da ma'isa pe'e belemiu magayou ka' manggas susum bunga-bunga! Sinsumbu'mo da ma'isa pe'e toka na sinaa potambuha'an nu Tumpu anu ko suhu-suhutmo aijo'.

YOHANES 14:6

I Yesus nontaami, “Akumo na jalan da osumbu' na Tumpu Allah, ka' pohumpakan kantumuu'an. Madi' ko samian pe'e moko ala toka hi Tuuma, de madi' montului Aku.

YOHANES 5:23

Nubau nu Tuuma sumo aijo' da iwi-iwi' na mian mongadati Anak sumo aha mongadati Tuuma. Mian anu madi' mongadati Anak, madi' suele mongadati Tuuma anu nonsai mae Anak.

ROMA 10:11

I uno nu Kitab nu Tumpu tinulis, “Mian anu palesaya madi' mompele-pele'.”

ROMA 9:33

Mongkona batu aijo', i Kitab nu Tumpu tinulis sumo uuka, “O intomakon na aiya: I Sion pinotimpas-Kumo sambatu na batu anu monsaduakon mian tosumpun; aijo'mo sambatu na batu daka' anu monsaduakon mian motua'. Panyo mian anu palesaya hi Ia madi' mompele-pele'.”

EFESUS 1:12

Bakas, da kita na momonanyo taha'iman hi Kristus, mompuji' Tumpu kalana Ia talasanggo.

1 PETRUS 1:21

Kalana Ia sahingga komiu pinalesayamo hi Tumpu anu po'ule'mo nompotumuu' Ia sinilaka ka' nompopodaka'mo Ia. Jadi Tumpu Allah ahi' na anu opalesaya nu belemiu, ka' hi Tumpu ahi' na bau kataha'imanan nu belemiu.

1 PETRUS 2:6

Kalana i uno nu Kitab nu Tumpu tinulismo sumo uuka, “Aku nompile'imo sa'angu' na batu anu ko angga'nyo, anu Pino'una'kumo i Sion salaku batu anu penting; ka' mian anu pinalesayamo hi Ia madi' mompele-pele'.”

1 SAMUEL 10:1

Lapas aijo' i Samuel nongalamo boton anu ko isinyo minya-minya' zaitun lantas dinudu'akonnyomo na minya-minya' aijo' hi ubak i Saul ka' ingokannyomo na i Saul ka' notatae, “Tumpu nohangkatmo ka'nombalakatimo beleyum da timbalimo tomundo' hi aha mian Israel anu pinalesayamo hi Ia. Beleyum mompalentahmo mian anu pinalesayamo hi Ia ka' montoamo aha da boli nu kabisa'i nu sampo bali' nu aha. Aiya na timbali tanda saba' beleyum pinile'anmo nu Tumpu, beleyum timbalimo tomundo' hi aha mian anu pinalesayamo hi Ia.