MAZMUR 19:14 - KITAB NU TUMPU ALLA LELE MA'IMAI'

¹⁴ Pojo'onakon mae na aku i dosa' anu ototonggolakon, boli opojohok na aku nukuasai nu dosa' susumo aijo'. Sahingga aku madi' ko kasala'an, ka' bebasmo madi'mo molanggai atulan anu maboat.

MAZMUR 19:14 ပူးပေါင်းရင်းမြစ်များ

AYUB 19:25

Ku sumbu' kiita' i suluga' daagi' ko anu monsangaja'i aku; ahennyo mae Ia na toka mae montulungi aku.

MAZMUR 104:34

O' amalakon da nyanyianku sanang na ia mohongo, kalana Iamo na nompolame' kinyonyoangku.

MAZMUR 119:108

Talimakon na do'a bau pontalima kasengku, o, Tumpu, ka' potinganakon mae na aku iwi-iwi' na atulan nu Belento.

MAZMUR 51:15

Sahingga ku ajanakonmo na palentah nu Belento hi mian anu baladosa', da aha po ule'mo minsusule' hi Belento.

AMSAL 15:8

Tumpu montalima do'a nu mian anu manonong; panyo Ia mongka'ideki palasombahan nu mian anu ma'idek na kinyonyoanyo.

YESAYA 43:14

Tumpu na Nomposalamatmo Belemiu, Anu Susi' Israel, notataemo, “Kalana belemiu, Aku nonsaimo suludadu namba i Babel, ka' pinaha idean-Kumo na ponsupati tumban nu talungku': taligala nu aha mian nu Kasdim ingabali'-Kumo nu tando' ka' haang.

YESAYA 44:6

Aiyamo na potatae nu Tumpu Anu Daka' na Kuasanyo, Tomundo' ka' anu monjagai aha Israel, “Aku Tumpu Anu Sa'a-sa'angu'nyomo, anu momonanyomo pe'e mae ka' anu saidi' mae imihinyo.

YESAYA 47:4

Tumpu nu Israel anu susi' mompobebasmo kita, sanggo-Nyo Tumpu Anu Daka' na Kuasanyo.

YESAYA 54:5

Anu nompotimbalimo beleyum sumomo ahi' langkai' nu beleyum, Tumpu Israel anu susi' aijo'mo na anu Momposalamat beleyum. Tumpu Anu Daka' na Kuasanyo, atina'mo na sanggo-Nyo, Iamo na Tumpu anu mongkuasai songko-songko na dunia.

ROMA 15:16

Ia nompotimbalimo aku posaihon i Kristus Yesus da osai hi to bansa-bansa anu misa' Yahudi. Ka' aku nompojalanmo sumo salaku imam, anu mompolele Lele Ma'ima' lengkat mae hi Tumpu, da to mia-mian anu misa' Yahudi timbalimo salaku anu osombahkon hi Tumpu Allah anu timbali Nutalima. O amalakon da Roh nu Tumpu mompotimbali aha da timbali salaku anu osombahkon samata-mata hi Tumpu.

1 TESALONIKA 1:10

Aha notatae mule' mongkona mosia na komiu montaha'imani katokaan nu Anak nu Tumpu lengkat mae i suluga', aijo'mo i Yesus, anu sinilakamo po'ule'mo pinotumuu' nu Tumpu. I Yesusmo ai-aijo' na anu momposalamat kita i tambuha' nu Tumpu anu saidi' mae toka.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

IBRANI 11:4

Kalana bala'iman, sahingga i Habel nonsombahkonmo hi Tumpu Allah koloban anu lebe ma'ima' molingkudui koloban i Kain. Kalana ia bala'iman sumo aijo', i Habel tinalimamo nu Tumpu salaku mian anu ma'ima', kalana inyata'mo na Tumpu nontalimamo anu sinombahkonnyo. I Habel sinilakamo, panyo kalana ia bala'iman, sahingga ia daagi' basisik sampe uuka aiya.

IBRANI 13:15

Kalana aijo', binuka'mo i Yesus na jalan sahingga kita saja'mo ahi' mompuji-puji' Tumpu; aijo' salakumo koloban pontalima kasento hi Ia, anu osombahkonto otaloakon nu biwi bau pompopodaka' sanggo-Nyo.

1 PETRUS 2:5

Belemiu sumomo to batu-batu anu tumuu'. Kalana aijo' tionyo ahi' da belemiu opake bau pompotinjo Laigan nu Tumpu, aijo'mo posa'angu'an nu mian anu pinalesayamo. Desumo aitu yo belemiu timbalimo to ima-imam, anu tumuu' matungka' bau kapentingan nu Tumpu Allah, ka' kalana i Yesus Kristus nonsombahkonmo butongnyo binau koloban rohani anu nuka'ima'i nu kinyonyoa nu Tumpu.

ANU PINOTO'I HI YOHANES 5:9

Aha nonyanyiakonmo sa'angu' na nyanyian anu sala'je aitu na i nyanyi: “Belento pantas mongala kitab aijo' ka' mombeak segen haha aijo'. Kalana Belento pinateanmo, ka' kalana Beleyum sinilakamo, mian i iwi-iwi' na tulunan, sisik, negara, ka' bansa ingolimo nu Belento da timbalimo anu nu Tumpu.