MAZMUR 19:13 - KITAB NU TUMPU ALLA LELE MA'IMAI'

¹³ Madi' ko anu monsumbu' kasala'annyo; O, Tumpu, pobebasakon mae na aku i kasala'an anu sulu-suluk.

MAZMUR 19:13 ပူးပေါင်းရင်းမြစ်များ

KAJADIAN 20:6

Sahingga Tumpu Allah nontaamimo i uno nu ipionnyo aijo', “Memang Ku sumbu' na beleyum nolakukanmo han aijo' kinyonyoaum ma'ima' hondo. Kalana aijo' tinewa'-Kumo na beleyum boli mombau dosa' hi beleng-Ku, ka' madi' pinojohok-Ku na beleyum nongkanyang boune aijo'.

AYUB 34:32

Pinoitamo nu beleyum da Nupoto'i mae na kasala'an nu beleyum? Binasumpa'mo na beleyum madi'mo mombau kalakuan anu susumo atina'?

MAZMUR 11:7

Kalana Tumpu manonong ka' adin, Ia mongkalibosi mian anu mombau anu ma'ima' mian anu madi' tageo' na kinyonyoanyo montoa ka' monsumbu' Tumpu.

MAZMUR 119:133

Pohosonakon mae na langkasku susumo anu jinanji'mo nu Belento, boli opojohok na aku nukuasai nu kalakuan anu ma'idek.

MAZMUR 18:23

iwi-iwi' na atulan-Nyo sabole-boleh ku inau', palentah-Nyo iwi-iwi' madi' ku kolilimi.

MAZMUR 7:10

Bolimo opobee' na kalakuan nu mian anu ma'idek aijo'mo mian anu palagaga ka' pododoakon na kinyonyoa nu mian anu ma'ima' na kinyonyoanyo kalana Belento Tumpu anu adin, anu moko ala mongkiop hondo kinyonyoa nu mian ka' pikilan nu manusia.

MAZMUR 84:11

Maumo 1.000 na sinaa na jojoong i tampat sangga'at panyo lebe ma'ima' maumo ola sansinaa na jojoong i Laigan nu Belento. Anu nompile'imo da timbali bau ponjagai sabatan Laigan nu Tumpu-ngku asan boli jojoong i laigan nu mian anu ma'idek na kinyonyoanyo.

NOSABATMO 21:14

Panyo de ihe-he na talalomo puuson ka' montotonggolakonmo mompatei mian sangga'at, lapas aijo' malai mamba i mezbah-ngKu da boli opatei, mian aijo' tionyo mamba o ala ikiijo' i mezbah ka' obee'i hukuman opatei.

IMAMAT 4:13

De anu baladosa' aha iwi-iwi' mian nu Israel, panyo sinaduakon nu anu madi' tinotonggolakon panyo nolanggaimo sala'sa'angu' na palentah nu Tumpu,

IMAMAT 4:2

da mombebakon hi bansa Israel tukoonyo mau mule' ihe na anu madi' nontotonggolakon mombau dosa', panyo nolanggaimo sala'sa'angu' na palentah haha aijo' nu Tumpu, tionyo ahi' montuluti atulan aiya.

IMAMAT 4:22

De anu baladosa' samian na anu montoongi kakuasa'an panyo madi' tinotonggolakon, panyo nolanggaimo sala'sa'angu' na palentah nu Tumpu,

IMAMAT 4:27

De samian na layat mombaumo dosa' madi' tinotonggolakon panyo nolanggaimo sala'sa'angu' na palentah nu Tumpu,

SISIKON NU TO RASUL-RASUL 24:16

Mokonyo aijo' aku saja' bala usaha ima-ima', da kinyonyoangku belesi hi Tumpu, ka' belesi hi sangko mian.

2 PETRUS 2:10

utamanyo to mia-mian anu montuluti apaa na anu nu kamilui nu aha, aijo'mo napisu anu mahenyu ka' anu monjojoa kakuasa'an nu Tumpu. Baani ka' takabun hondo na to gulu-gulu' anu madi' totu'u haha aijo' sahingga aha madi' bata-bata na monjojoa Tumpu anu opopodaka' kiita' i suluga'!

1 SAMUEL 25:39

Salatan i hongomo i Daud na i Nabal sinilakamo notataemo na ia, “O puji' na Tumpu! Ia nombalosakonmo i Nabal anu saja' mongambangi aku, ka' nontewa'mo posaihon-Nyo aiya da bolimo mombau anu ma'idek. Tumpu nohukumo i Nabal kalana ia saja' mombau anu ma'idek.” Lapas aijo' i Daud nonsaimo mian da mamba hi Abigail mondutakon de timbali da baumo bengkele'nyo.