MAZMUR 18:8 - KITAB NU TUMPU ALLA LELE MA'IMAI'

⁸ Lantas tano' ginayu'anmo ka' ginenggohanmo, pu'un nu bungkutnyo iwi-iwi' tinolohenggomo ka' ilangkakatanmo kalana Tumpu notambuha'mo.

MAZMUR 18:8 ပူးပေါင်းရင်းမြစ်များ

KAJADIAN 19:28

Ia nontanggalakon sasu Sodom ka' Gomora ka' songko-songko na bangka'nyo, ka' nontoamo tibuk kino sipu-sipuhamo lengkat mae i tano' aijo', susumo tibuk anu lengkat mae i polu' anu talenga'nyo hondo.

AYUB 41:19

Apu tolosumbu'mo lengkat mae i nganga'nyo; bohotika' nu apu mokakambumo noyaya.

MAZMUR 104:32

Ia montonto'i dunia ka' mompotimbali langkakatan bungkutnyo iwi-iwi' i henggonyo, sahingga nosabatmo mae na tibuknyo.

MAZMUR 11:6

Mian anu ma'idek na kinyonyoa-Nyo nu hukum nu balaa' nu Tumpu, tiba apu, belelang, ka' mombun anu montoyo'i.

MAZMUR 21:9

Nuboamo iwi-iwi' na anu monsampobali' ia ka' nu hakopmo iwi-iwi' na mian anu mongka'ideki Ia.

MAZMUR 50:3

Tumpunto tinokamo mae ka' madi' ahi' ola momohokot, ma'isa pe'e Ia mamba mae, apumo na tongkoi moona mae toka lewa' moak ka' nu tikubi nu antong anu talalo ahi' daka'.

MAZMUR 74:1

Nyanyian pangajalan i Asaf. O, Tumpu, pa' sidu-sidutu'mo na Belento mompala'i kami? Kadaka' sampamo, montambuha'i na Belento posi mian nu Belento anu palesayamo hi Belento?

YESAYA 24:18

Mian anu nopalaimo kalana lele anu ma'idek aijo' nu konamo nu pohakop ka' anu madi' nu kona nu pohakop nu konamo nu so'o. Ujan anu daka' hondo tombulokmo engkat mae ilangit, ka' lananyo nu tano' tolohunjongmo.

DANIEL 7:10

ka' apu aijo' molele mae lengkat i kadela nu tomundo' ai-aijo'. Momada-madala na mian anu molayani Ia, ka' juta'an nu mian tinuminjomo i ahop-Nyo. Lapas aijo' tinampu'unanmo na nomputusi ka' iwi-iwi' na kitab pinaha buka'mo.

IMAMAT 10:2

Sahingga Tumpu nontau'akonmo mae apu anu nontoyo'imo aha sahingga i natemo i Kemah nu Tumpu.

AMOS 4:11

Sambahagian na belemiu ihansunan-Kumo susumo Aku nohansunimo Sodom tiba Gomora. Anu daagi' tinumuu' na belemiu me susumo lo'uton anu ingala mae aijo' i apu. Maumo sumo aijo' belemiu madi' ahi' daagi' minsusule' mae hi beleng-Ku.

NOMBILANGMO 11:1

Daagi' kino sansinaan aha bansa Israel nontampu'unimo nososon hi Tumpu kalana nongoa'imo sagala kasusa'an nu aha. Nohongo aha nososonmo aijo' Tumpu pinusamo ka' nompotokamo mae apu hi aha. Apu nolelemo hi aha ka' nompapuimo sambagian na kemah nu aha.

NOMBILANGMO 16:35

Lantas Tumpu nompotokamo mae apu anu nontoyo'imo aha 250 na mian, anu nonsombahkonmo kamangian aijo'.

PO'ULE' INGULIT 29:20

Tumpu madi' mongampuni mian anu susumo aijo'. Panyo ola ahi' mohumpakmo tambuha' nu Tumpu anu taha-tahahumo, ka' iwi-iwi' na balaa' anu tinulismo i kitab aiya mongkonamo ia, sahingga ia nupateimo nu Tumpu.

ANU PINOTO'I HI YOHANES 11:5

De mian mongkahanda'i mombau apa-apaa anu madi' ma'ima' hi aha, saba' lengkat i nganga' nu aha mosabatmo na apu anu mompatei sampo bali' nu aha. Tiba jalan anu sumo aijo', iwi-iwi' na mian anu mongka'oho' monsakiti aha, o pateimo.