MAZMUR 18:44 - KITAB NU TUMPU ALLA LELE MA'IMAI'

⁴⁴ Belento nompobebasmo aku da madi' nupoposia nu aha sa'anakan anu palaganta, ka' nompotimbalimo aku mongkuasai to bansa-bansa; bansa anu madi' ku sumbu' tinimbalimo posaihonku.

MAZMUR 18:44 ပူးပေါင်းရင်းမြစ်များ

2 SAMUEL 1:13

Lapas aijo' pinokilawamo i Daud hi olitau aijo' anu nomboa mae lele aijo', “Beleyum mian anu lengkat mae iya?” Tinaamannyo, “Aku aiya mian nu Amalek, mian anu ola mamba mae mololo aiya ilipu' nu belento Tuanku.”

MAZMUR 66:3

Taloakon hi Tumpu, “Totu-totu'u okabangangi hondo na anu binaumo nu Belento! Anu monsampobali' tinundu'mo hi Belento ka' talalomo hondo nabuhuk kalana daka' hondo na kakuasa'an nu Belento.

MAZMUR 68:30

To tomu-tomundo' momboamo palasombahan hi Belento, kiijo' i Laigan nu Belento i Yerusalem.

MAZMUR 81:15

saba' aku sampamo lia-lia' mompatundu' sampobali' nu aha, ka' mompokalahmo iwi-iwi' na anu mongewa aha.

YESAYA 62:8

Tumpu nonsumpa'mo palajanjian-Nyo ka' nu pojadimo nu kuasa-Nyo: “Aku madi'mo daagi' mombee' gandum nu beleyum hi sampobali' nu beleyum; anu kinalaja nalawe hondo nu beleyum sampe nohumpak hasinnyo.

YEHEZKIEL 44:7

Aha nohumimi'imo Laigan-Ku, kalana hau-haunyo lompo'nyo tiba baso'nyo nu koloban osombahkonmo hi beleng-Ku aha mompobee'mo to mia-mian anu isalipu'an mae minsoopmo i unonyo padahan madi' sinunat ka' anu madi' montuluti Aku. Kalana palabuatan-palabuatan nu aha anu okahenyui aijo', aha nolanggaimo palajanjian-Ku tiba aha.

PO'ULE' INGULIT 33:29

Mohumpak kabilahian na beleyum, o Israel! Madi' ko bansa anu sumo beleyum nuposalamat nu Tumpu. Tumpu sumomo bajak ka' kantah atina' hi belemiu; monsangaja'i beleyum ka' mombee'i ka'untungan de mahampate na belemiu. Sampobali' nu belemiu iwi-iwi' tokamo mongkakase da okalibosi, panyo beleyum mompahampeja'akonmo aha.”