MAZMUR 18:4 - KITAB NU TUMPU ALLA LELE MA'IMAI'

⁴ Aku mongkakase hi Tumpu anu pantas o puji', Ia nompobebasmo mae aku da boli nupoposia nu to sampo-sampobali'ku.

MAZMUR 18:4 ပူးပေါင်းရင်းမြစ်များ

2 TAWARIKH 20:21

Noko lapas na binasale' tiba mian da'isan, pinoto'imo i tomundo na to mia-mian anu manyanyi da mompusokmo baju' anu pokakana na buhitnyo anu saja' opusok de ko apa-apaa obau anu samata-mata ulusan nu agama. Mian anu manyanyi haha aijo' tionyo ahi tuminjo mojiji' ima-ima' i ahop nu jiji'an nu suludadu ka' manyanyi, “O puji' na Tumpu! Kalibosannyo sampe toka sidu-sidutu' madi' ko kamingkotannyo!”

2 TAWARIKH 20:22

Tempo'nyo anu manyanyi haha aijo' lewa'mo na nyanyi hoso-hoson pinotabuntala'mo nu Tumpu na suludadu nu sampo bali' anu montampu'unimo mae nontumbuhi.

MAZMUR 116:3

Aku pinopobuhukmo mae nu balaa' anu monsilakai, ka mabuhuk hi anu monsilakai nontumbuhimo mae aku, sahingga aku nangada'mo ka' nabuhukmo.

MAZMUR 124:4

Sahingga kita inganjuhakonmo nu iyaba', ka' nu omokimo nu uee;

MAZMUR 22:16

Gogohongku notismo susumo kubengan nu palasilen jila'ku naningkampitmo i ngahangku. O Tumpu, pinala'ianmo nu Belento na aku aijo' i abu' susumo mian anu sinilakamo.

YESAYA 13:8

Aha iwi-iwi' jadimo mabuhuk anu taha-tahahumo, ka' lewa'mo maha piosan nu buhuk susumo boune anu kahanda'mo mompohampe anak. Aha mompaha didinmo ka' bata-batamo, ohup nu aha mohahamo kalana na ambangmo.

MATIUS 26:47

Hau-haunyo i Yesus daagi' basisik, i Yudas sala'samian anu sampulu' ka' ohua' na anu saja' mombatuki Ia aijo' tinokamo. Nohingga-hinggat mae tiba ia, tinoka suele da'isan na mian anu nomboa mae bajak ka' amangkun. Aha sinai nu Kapala nu to Ima-imam ka' to pola-polaya' nu Yahudi.

MATIUS 26:55

Lantas i Yesus notatae hi mian da'isan aijo', “Te Aku mian ma'idek, sampe komiu toka momboa mae bajak, ka' amangkun mohakop Aku? Toka sansina-sinaa Aku mongajan i Laigan nu Tumpu, kadaka' komiu madi' mohakop Aku!

SISIKON NU TO RASUL-RASUL 21:30

Songko-songko na kota kinalangkabutmo ka' iwi-iwi' na mian nopadeka'mo mae ka' sinihukmo. Aha nohakopmo i Paulus ka' nohela'mo ia nosabat lengkat mae i Laigan nu Tumpu. Tempo'nyo aitu mule' tumban nu Laigan nu Tumpu pinotumbanmo.

2 KORINTUS 1:9

o'oa'i pokakanamo sumo anu binee'anmo hukuman da matemo. Panyo anu haha aijo' tinimbalimo da kami boli montaha'imani kahosonan nu posi butong mami, panyo hi Tumpu anu mompotumuu' mian anu sinilakamo.