MAZMUR 18:35 - KITAB NU TUMPU ALLA LELE MA'IMAI'

³⁵ Ia nompogulu'mo aku mahampate, sahingga aku moko alamo nompeletakon pana' anu talalo hondo mokut na o hela'.

MAZMUR 18:35 ပူးပေါင်းရင်းမြစ်များ

2 SAMUEL 22:36

Tumpu Belento nonjagaimo mae ka' nomposalamat aku ka' nontinjohimo mae aku nu kuasa nu Belento aku inguntungmo na nahampate kalana kakuasa'an nu Belento.

MAZMUR 144:1

Lengkat hi Daud. Opuji' na Tumpu anu binaumo pihohungan'anku! Ia nompogulu'mo aku nahampate, ka' nongajanmo aku mosia na mahangewa.

MAZMUR 17:7

Potoa mae na kalibosan nu Belento anu talalo hondo okabangangi kalana nuposalamat nu Belento na mian anu mihohung hi Belento, i sohipi' nu Belento madi' ko anu mompoposia aha ka' madi'mo ko anu molambani mae na sampobali' nu aha.

MAZMUR 28:7

Tumpu na monjagai mae aku ka' anu montinjohi mae aku, aku pinalesayamo hi Ia. Ia nontulungimo mae ka' nompolame'mo kinyonyoangku, aku mompuji'mo Ia nu nyanyian anu bau pontalima kaseh.

MAZMUR 5:12

O'amalakon da iwi-iwi' na mian anu mihohung hi Belento mohumpak kabilahian ka' lewa' montaligalai sampe toka sidu-sidutu'. Jagaiakon na to mia-mian anu mongka'ima'i Belento da aha saja' mongoa'i kalame'an kalana Belento.

YESAYA 22:3

Iwi-iwi' na talenga' nu belemiu nopalaimo ka' ihakopmo padahan aha ma'isa pe'e kino kasampatan nompeletakon pana' nu aha. Iwi-iwi' na mian anu toto hoso-hoson atina' hi belemiu ihakopmo suele maumo ahi' aha nopalaimo jo'o-jo'on.

YESAYA 40:11

Susumo samian na polaya' nu binatang na Ia mompotuu', potuu'on-Nyo; Ia na nomposihuk aha. To ana-anak nu domba Nu tangkung mae, madi' Ia monsigohi mae na montuntuni to tina-tinanyo.

2 KORINTUS 10:1

Uuka aiya aku i Paulus, monsisikmo apa-apaa hi beleyum. Aku aiya de koonyo nu mian manonong de mompaha ahop tiba komiu, panyo baani de to majo'onanmo. Jadi, kalana kanonongan ka' ka'ima'an nu kinyonyoa i Kristus,

PO'ULE' INGULIT 33:29

Mohumpak kabilahian na beleyum, o Israel! Madi' ko bansa anu sumo beleyum nuposalamat nu Tumpu. Tumpu sumomo bajak ka' kantah atina' hi belemiu; monsangaja'i beleyum ka' mombee'i ka'untungan de mahampate na belemiu. Sampobali' nu belemiu iwi-iwi' tokamo mongkakase da okalibosi, panyo beleyum mompahampeja'akonmo aha.”