MAZMUR 18:19 - KITAB NU TUMPU ALLA LELE MA'IMAI'

¹⁹ Aha nolambanimo mae aku tempo'nyo aku tinokanmo nu balaa', panyo Tumpu na nontulungimo mae aku.

MAZMUR 18:19 ပူးပေါင်းရင်းမြစ်များ

1 TOMU-TOMUNDO' 10:9

O puji' na Tumpu, Tumpu Allah nu belento Tuan! Kalana nohangkatmo belento Tuan tinimbali tomundo' nu Israel, pinotoamo nu Tumpu hi belento Tuan, na Ia sanang hi belento Tuan. Madi' kokamingkotanyo na Ia mongkalibosi bansa Israel; mokonyo' aijo' Ia nohangkatmo belento Tuan binaumo tomundo' nu aha, da belento Tuan sabole-bole ahi' mompojalan atulan ka' ka'adilan.”

AYUB 36:16

Tumpu Allah nompobebasmo beleyum da bolimo mongoa'i kasusa'an, sahingga beleyum madi'mo susa' na bapikin ka' meja' pong kaanan nu beleyum manjoo'mo na anu o kaan.

MAZMUR 118:5

I uno nu kasansala'anku aku nongkakasemo hi Tumpu; lantas Ia nontaamimo mae ka' nompobebasmo mae aku.

MAZMUR 18:36

O Tumpu, Belento, nonjagaimo ka' nomposalamatmo mae aku, ka' nompahasangaja'imo mae aku nu kuasa nu Belento; aku na nohumpak ka'untungan nahampate kalana Belento nontulungimo mae.

MAZMUR 31:8

Aku lame'mo ka' mule' bilahimo kalana Belento tataap mongkalibosi mae aku. Belento nontoamo mae kasansala'anku, ka' nompalahatikanmo mae kasusa'anku.

MAZMUR 37:23

Tumpu montaka' mian ijalan anu nu jalani, Ia mompohoson mian anu kantumuu'annyo situju hi Ia.

MAZMUR 40:2

Saban hondo na aku montanda'i bantuan mae nu Tumpu; lantas pinalahatikan-Nyomo mae na aku ka' nompotombihingmo mae anu kinakase'ku.