MAZMUR 18:14 - KITAB NU TUMPU ALLA LELE MA'IMAI'

¹⁴ Lantas Tumpu notatae sumomo ahi' gohung aita' mae i langa; Anu Matangkas na Kuasa-Nyo nompohongomo mae potatae-Nyo.

MAZMUR 18:14 ပူးပေါင်းရင်းမြစ်များ

AYUB 37:4

Lapas aijo', i hongomo na potatae-Nyo anu talalo ahi' daka' hondo, onyi' nu gohung anu talalo hondo lintuban. ka' mule' i olotnyo nu onyi' anu pinoge-pogelege'mo, gohung ka' kilat pinoka-pokalapitmo ka' noto-nototaaman mo.

AYUB 37:5

Kalana palentah nu Tumpu Allah, sahingga anu okabangangi jinadimo, anu okabangangi haha aijo' madi' opoko ala osumbu'to.

AYUB 38:35

Ka' de beleyum mompokau gohung ka' kilat haha aijo' moto-mototaamanmo, pa' aha toka ahi' ka' motatae, “Ii' kita Tuan!”?

AYUB 6:4

Pana' anu pinana'akon mae nu Anu Daka' hondo na kuasanyo nolampasmo butongku; bisa'nyo nonsongkohimo butongku. Tumpu Allah talalo ahi' okabuhuk, ka' nontumbuhimo mae aku susumo gombuan nu mian anu mongewamo mae.

MAZMUR 144:6

Lumbu'akonmo mae na kilat nu Belento da anu monsampobali' mae mosungke-sungkehetmo, lapasakonmo mae na hihis nu pana' nu Belento da aha mabuhuk ka' bingungmo.

MAZMUR 21:12

De aha ko tanga'an kahanda' mongewa i tomundo' maumo pa' mosia na akan nu aha madi' nupoko ala nu aha.

MAZMUR 29:3

Tumpu anu oholomati hondo sumomo ahi' gohung ibawo nu ambai potatae-Nyo naloungmo ibawo nu ndalangon.

MAZMUR 29:7

Potatae nu Tumpu nombaumo da kilat nontuda'mo anu nu tuda'

MAZMUR 77:17

Nontoa Belento, o, Tumpu, uea nabuhukmo, memang lananyo nu ambai suele i lakatnyomo.

MAZMUR 77:18

Kundom nontudunakonmo mae ujan, gohung dinolundunganmo; kilat pinojo-pojohonjitmo iyaya mae.

YESAYA 30:30

Tumpu saidi' mae mompohongomo potatae-Nyo anu daka' hondo ka' toto samian molasaimo kuasa-Nyo anu opalias hondo. Tambuha'-Nyo saidi' mae mompotokamo mae ujan anu daka' hondo, ujan batu tiba antong anu makansang hondo.

YOËL 2:11

Potatae nu Tumpu sumomo gohung mombee'i tanda hi to sulu-suludadunyo. Talalo ahi' manjoo' na suludadunyo! Talalo ahi' mahoson na suludadunyo anu mombau palentah-Nyo! Talalo ahi' okabuhuk ka' hebat hondo na Sinaa nu Tumpu Madi' ko samian pe'e na moko ala mongewa.

HABAKUK 3:11

Sahaya nu hihis nu pana' nu Belento malia' hondo; talombo' nu Belento jongkilaban hondo, sahingga batu nu sinaa tiba bitu'on binelentimo i tampatnyo.

NOMBILANGMO 24:8

Tumpu Allah anu nomboamo mae aha nosabat lengkat i Mesir, sumomo sapi' anu ma'ela' Ia nahantandukmo kalana monjagai kita. Iwi-iwi' na bansa anu monsampobali' saidi' mae mingkot na ilonyom-Nyo, iwi-iwi' na buku nu aha i hutean-Nyo ka' iwi-iwi' na pana' nu aha pinahapato'akon-Nyo.

PO'ULE' INGULIT 32:23

Sabole-bole saja'mo Ku potoka na balaa' pana'-Ku iwi-iwi' Ku peletakonmo hi aha.

PO'ULE' INGULIT 32:42

Pana'-Ku iwi-iwi' baso'onmo nu baso' nu aha; iwi-iwi' na anu mongewa Aku, Ku pateimo nu bajak-Ku. Madi' Ku pojohok mau mule' pa' ihe na anu mongewa mae Aku; mian anu tinalungku' ka' mian anu binelaonmo suele tionyo ahi' mate.

YOSUA 10:10

Pinotimbalimo nu Tumpu na aha mian nu Amori madi' noko ala gawe salatan nontoamo suludadu nu Israel. Manjoo' na aha mian nu Amori pinatean kiijo' i Gibeon, ka' anu daagi' tutuu' i loloi'mo nokaiyong i tengke nu bungkutnyo nu Bet-Heron kojo'onnyo tinoka-toka i Azeka ka' Makeda i sasu selatan.

1 SAMUEL 2:10

Anu monsampobali' Tumpu opatei madi' ko anu tontuha', aha mabuhukmo; aita' mae i langit lumontupmo na gohung-Nyo, Tumpu na momputusi palakala nu dunia songko-songko, Ka' mombee'i kuasa anu talasanggo, hi tomundo' anu pinile'an-Nyomo.”