MAZMUR 17:9 - KITAB NU TUMPU ALLA LELE MA'IMAI'

⁹ de aku nu lambanimo mae nu mian anu ma'idek na kinyonyoanyo. Aku tinikumo nu sampobali' anu kahanda'mo mompatei mae aku;

MAZMUR 17:9 ပူးပေါင်းရင်းမြစ်များ

1 TAWARIKH 17:9

Hi mian nu Israel anu pinalesayamo hi beleng-Ku pinotoukang-Kumo na tampat da bau kajojoongan nu aha da aha tumuu' madi' ko anu daagi' mompoposia. Salatanmo pe'e aha tinoka i tano' aiya naipuan mae, ka' ma'isa pe'e aha kino tomundo'nyo aha tinumbuhanmo nu to mia-mian anu pagalamo mompakisa mongkuasai. Panyo han aijo' madi'mo po'ule' jadi. Aku balajanji' mompotundu'mo iwi-iwi' na sampo bali' nu belemiu ka' Ku balakatimo na belemiu da molee'.

MAZMUR 31:20

Talalo ahi' manjoo' na kanonongan nu Belento anu pinosadiamo nu Belento bau bagi nu mian anu palesaya! Batu-batuu mian nontoamo kanonongan anu binaumo nu Belento, kona hi aha anu mihohung hi Belento.

MAZMUR 35:12

Palabuatanku anu ma'ima' binalosanmo nu aha nu palabuatan anu ma'idek; aku nanabu'mo i uno nu putus asa.

MAZMUR 35:4

Sahanyo mian anu kahanda'mo mompatei mae aku opatundu'mo ka' o ambangimo. Sahanyo mian anu binasangaja'mo mongewa mae aku tolosule'mo kalana biningungmo.

MAZMUR 35:7

Palasuma na aha nonta'an so'o bau pohakop nu aha aku kabai nongkeke bolo' da bau pohakop aku.

1 SAMUEL 23:26

I Saul tiba suludadunyo notulu i sohipi' nu bungkutnyo sasu aiya, padahan i Daud tiba suludadunyo i sohipi'nyo sasu kiijo' mae. I Daud lia-lia' na nopalai nompala'i i Saul anu nontumbuhimo mae kahanda'mo mohakop aha.

1 SAMUEL 24:11

Uuka aiya posi belento Tomundo' nonsumbu'mo taalu' kiijo' i unonyo nu bolo' sabenannyo Tumpu nombee'mo belento Tomundo' hi belengku aiya. Aku sinale'anmo nu sala' samian da opateimo na belento Tomundo' panyo aku aiya madi' nontuluti. Tinaamanku tukoongku aku madi' mongka'oho' mombau anu ma'idek hi Tomundo'ku anu pinile'anmo nu Tumpu.