MAZMUR 17:7 - KITAB NU TUMPU ALLA LELE MA'IMAI'

⁷ Potoa mae na kalibosan nu Belento anu talalo hondo okabangangi kalana nuposalamat nu Belento na mian anu mihohung hi Belento, i sohipi' nu Belento madi' ko anu mompoposia aha ka' madi'mo ko anu molambani mae na sampobali' nu aha.

MAZMUR 17:7 ပူးပေါင်းရင်းမြစ်များ

2 TOMU-TOMUNDO' 19:22

Beleyum nonsumbu'mo pa' ihe na inguda-udahanmo ka' pinopoambangmo nu beleyum aijo'? Akumo na Tumpu Allah nu Israel, Tumpu Allah anu Susi'! Kobubuun hondo na langkas nu beleyum hi belengku.

2 TOMU-TOMUNDO' 19:34

Kota' Yerusalem Ku tinjohakonmo ka' Kujagaimo kalana kaholomatan-Ku, ka' kalana palajanjian-Ku hi posaihon-Ku i Daud.’ ”

2 TAWARIKH 16:9

Tumpu na montoa songko-songko na dunia ka' mombee'i kahosonan kona hi to mia-mian anu tulu-tulutan hi ia. Beleyum nombaumo apa-apaa anu sala', kalana aijo' otampu'uni uuka aiya beleyum saja'mo monta'up pahampatean.”

MAZMUR 20:6

Jadi kami montaligalaimo kalana lame'mo, kalana beleyum inguntungmo na nahampate, ka' nohangkatmo bandela' bau pompuji' Tumpu-nto. O'amalakon da Tumpu mombee' mae iwi-iwi' apaa na anu pinoitamo nu beleyum.

MAZMUR 31:21

Belento nomposulukmo aha i uno nu ponjaga'an nu Belento, da madi' nu poko ala nu tanga'an ma'idek nu aha mian anu ma'idek na kinyonyoanyo; jinaganmo nu Belento na aha da aha mihohung hi Belento da madi' nu kona nu tuduhan nu anu mongewa aha.

MAZMUR 31:22

O puji' na Tumpu' Talalo ahi' okabangangi na kalibosan-Nyo hi belengku, tempo'nyo aku tinikumo ka' tinumbuhanmo.

MAZMUR 44:3

Posi Belentomo ahi' na nolaa' to bansa-bansa da mian anu palesayamo hi Belento tataapmo ilipu' nu aha. To bansa-bansa sangga'at sinilakanmo nu Belento panyo mian anu palesayamo hi Belento na pinoloasmo ahi' nu Belento da ko pintu-pintuangnyo.

MAZMUR 60:5

Belento nompojohokmo mian anu palesayamo hi belento sahingga nonta'upmo kasansala'an anu maboat hondo; kami nahasulonanmo susumo mian anu nalangumo.

MAZMUR 78:12

I ahop nu mompolee' nu aha, Tumpu nombaumo anu okabangangi i lipu' nu Mesir, i i hatanyo nu Zoan.

NOSABATMO 15:6

O Tumpu, kahosonan nu Belento talalo hondo okabangangi, binaumo nu Belento na anu monsampobali' nosungke-sungkehetmo.

YESAYA 41:10

Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

SISIKON NU TO RASUL-RASUL 2:33

Ia i hangkat ka' pinosuhang i kasuhangan anu matangkas ka' binee'an kakuasa'an nu Tumpu, lantas nontalimamo Roh nu Tumpu Allah anu noko janji'mo nu Tuuma. Ka' anu ihongomo miu uuka aiya ka' tinoamo saba' Roh'mo ai-aijo' na anu ilambe'akon-Nyo hi kami.

ANU PINOTO'I HI YOHANES 15:3

Ka' aha nonyanyiakon nyanyian i Musa, posaihon nu Tumpu Allah, ka' nyanyian nu Anak nu Domba. Sumo uuka na koonyo, “Tumpu, Tumpu Anu Matangkas na kuasanyo. Palias hondo na kodaka'nyo ka' okabangangi na iwi-iwi' anu binaumo nu Belento! Tomundo nu bansa iwi-iwi', palias na ko adinnyo ka' totu'u apaa na anu binaumo nu Belento!