MAZMUR 17:4 - KITAB NU TUMPU ALLA LELE MA'IMAI'

⁴ Aku nombaumo anu pinalentahkonmo nu Belento ka' madi' nonggunakon jalan anu mingkinyonyoa singgi.

MAZMUR 17:4 ပူးပေါင်းရင်းမြစ်များ

KAJADIAN 6:11

Panyo iwi-iwi' na mian sangga'at nutoa nu Tumpu Allah ma'idek na kinyonyoa nu aha, ka' ka uwesanan tinokamo iyaya mae.

KAJADIAN 6:5

Tinoa nu Tumpu ma'idek hondo na kalakuan nu to mia-mian i dunia; iwi-iwi' na pikilan nu aha aijo' saja' ma'idek.

AYUB 15:16

Apaa mule' manusia anu palaganta ka' anu ko kasala'annyo, anu monggotup kalakuan anu ma'idek susumo uee.

AYUB 31:33

Mian sangga'at momposuluk dosa'nyo, panyo aku madi' toho' mombau susumo aha.

MATIUS 4:10

I Yesus nontaami, “Lako' na oko anu Monggoda! I uno nu Kitab nu Tumpu tinulis: O sombah na Tumpu, Tumpuum, ka' ola Ia na hongo na palentah-Nyo!”

MATIUS 4:4

I Yesus nontaami, “I uno nu Kitab nu Tumpu tinulis: Mian madi' ola tumuu' nu roti, panyo mule' suele kalana potatae anu nu taloakon nu Tumpu.”

MATIUS 4:7

I Yesus nontaami, “Panyo i uno nu Kitab nu Tumpu tinulis mule', ‘Boli beleyum monsobai Tumpuum.’ ”

YOHANES 17:17

Potimbali na aha matungka' kita Tuuma na tumpunyo, aijo' nyata' i kahondoan; potatae nu kita Tuuma aijo'mo na kahondoan.

1 KORINTUS 3:3

kalana komiu daagi' tumuu' mombatuki sipat miu salaku mian. Kalana de komiu daagi' mongka'ideki tiba mahantuda' hi samian ka' samian, te misa' aijo' mompotiju' taalu' komiu daagi' tumuu' mombatuki sipat nu mian, sumo to mia-mian anu madi' monsumbu' Tumpu?

EFESUS 6:17

Ala na kasalamatan salaku songko' anu ko aja'nyo, ka' potatae nu Tumpu salaku bajak lengkat hi Roh nu Tumpu Allah.

YAKOBUS 1:18

Posi pongka'oho'-Nyo na Ia nompotimbalimo kita to ana-anak-Nyo kalana nohongomo potatae-Nyo anu totu'u. Binau-Nyo sumo aijo' da kita mohumpak tampat anu talasanggo molingkudui iwi-iwi' anu ko nyawa-Nyo anu pinotimbalimo nu Tumpu.

1 PETRUS 5:8

Balajaga-jaga ahi' na komiu ka' mosadia! Kalana Ibilis atina'mo na sampo bali' miu. Ia sumo singa lumajang mokiijo', mo'uuka, ka' molohuu' molio kaanonnyo.

ANU PINOTO'I HI YOHANES 12:11

To Utu-utusto nompokalamo ia tiba baso' nu Anak nu Domba aijo', ka' tiba lele anu totu'u lengkat mae hi Tumpu anu pinolelemo nu aha. Aha sanang na nongkulubanakonmo nyawa nu aha sampe inate.

ANU PINOTO'I HI YOHANES 9:11

Aha daagi' ko tomundo'nyo anu mompalentah aha, ka' tomundo aijo' atina'mo na malaikat anu monjagai tumban nu kapatean aijo'. Sanggonyo i uno basa' Ibrani aijo'mo i Abadon; ka' i uno nu basa' Yunani Apolion (anu alati'nyo “Pongidei”).

1 SAMUEL 26:11

Kase' boli mae nu pobee' nu Tumpu na aku aiya mompatei tomundo' anu pinile'an-Nyomo! Ola talombo'nyo na o ala ka' pongisian uee lantas kita mambamo.”

1 SAMUEL 26:9

Panyo notatae na i Daud, “Boli nu poposia na ia! Tumpu mohukum mian anu mombau kalakuan anu ma'idek hi tomundo' anu pinile'anmo nu Tumpu.