MAZMUR 17:3 - KITAB NU TUMPU ALLA LELE MA'IMAI'

³ De Belento monguji' kinyonyoangku ka' de pihi na toka mae mompalesa aku, tantu osumbu'je nu Belento na aku memang ahi' sahondo-hondonyo na kinyonyoangku; potataengku madi' sala' sumomo ahi' pikilanku.

MAZMUR 17:3 ပူးပေါင်းရင်းမြစ်များ

1 TAWARIKH 28:9

Lantas i Daud notataemo hi Salomo, “O anaku, tionyo ahi' Tumpu Allah anu nu sombah nu tuuma nu beleyum na nu akui salaku Tumpu Allah nu beleyum. Beleyum tionyo ahi' montuluti hondo-hondo lengkat i uno nu kinyonyoa nu beleyum totu-totu'u. Kalana nu sumbu'mo nu Tumpu na pikilan ka' tanga'an nu kinyonyoanto. De beleyum molio Ia, nukabot na Ia, panyo de beleyum mompala'i Ia, ia madi'mo mongala beleyum sampe toka sidu-sidutu'.

1 TAWARIKH 29:17

Ku sumbu' toto samian o uji' nu Belento na kinyonyoanyo ka' oka'ima'i nu Belento na kinyonyoa nu mian anu lomas. Tiba kinyonyoa sanang ka' sahondo-hondonyo ku sombahkonmo na iwi-iwi' aiya hi belento. Tinoangkumo mosia na mian anu pinalesayamo hi belento anu sinilimu'mo i aiya nomboa mae anu nu sombahkon nu aha hi belento, kinyonyoa nu aha sanang hondo.

AYUB 23:10

Panyo Nusumbu' na kalakuanku ka' mule' apaa na anu ku bau. De lapangnyo susumo mosoni' aku o'uji', tantu osumbu'mo na kinyonyoangku, totu-totu'u molino.

AYUB 24:14

Daagi' subu-subu hondo mian anu topo patei nobulamo madi' mo ia i hoyot, lantas mosabatmo mamba mompatei mian anu kasiasi hondo madi'mo ko apa-apaa, ka' de ma'isa mopatas dodop subu, ia daagi' lewa' monggogiap susumo mian anu montomang.

MAZMUR 11:5

Tumpu monguji' mian anu ma'ima' na kinyonyoanyo ka' mian anu ma'idek na kinyonyoanyo Ia mongka'ideki mian anu saja' singgi.

MAZMUR 119:106

Anu jinanji'kumo ka' sinumpa'mo tionyo ku ganapi, bau pintoongan i kaputusan nu Belento anu adin.

MAZMUR 139:1

Anu mongkapalai panyanyi. Mazmur i Daud. O Tumpu, Belento mompangalati'i aku ka' monsumbu' aku.

MAZMUR 139:23

Selidiki mae na aku o, Tumpu, ka' palesa mae na kinyonyoangku, uji' mae na aku ka' sumbu' mae na pikilanku.

MAZMUR 16:7

Aku mompuji' Tumpu anu nompokinde'imo mae aku; maumo pihi, uutu i uno nu kinyonyoangku mombee'i mae pangajalan aku.

MAZMUR 26:2

Selidiki mae na aku, o Tumpu, ka' uji' mae na aku, palesamo mae na anu ku kahanda'i tiba pikilanku.

MAZMUR 39:1

Anu mongkapalai panyanyi. Mazmur i Daud. Anu i Yedutun.

MAZMUR 66:10

O, Tumpu Belento nonguji'mo mae kami susumo mian anu nonsuangmo tambaga i apu da osumbu' na tambaga aijo' pa' totu-totu'u madi' ko galo'nyo.

MAZMUR 7:4

O Tumpu-ngku, de aku nombaumo anu tageo' na palabuatan, nombaumo anu ma'idek hi sangalungku, kabai nompolugi'mo anu mongewa mae, padahan madi' kosababnyo, de bisuannyo aku nombaumo sumo aijo',

AMSAL 13:3

Mian anu mongati-ati na motatae kantumuu'annyo madi' ko anu mompoposia; panyo mian anu yayamo na motatae saidi mae mohumpak kasusa'an.

YEREMIA 12:3

Panyo Belento o Tumpu monsumbu' aku. Tinoamo nu belento mae apaa na anu binaungkumo, ka' Belento monsumbu' ahi' mosia na anu ku oa'i i uno nu kinyonyoangku padon atina' hi Belento. Boa na mian anu toto ide-idek na palabuatannyo haha atina' isambiha'nyo, boa na aha susumo domba itampat pongkolotan. Jagai na aha sampe tokamo na tempo'nyo aha okolotmo.

YEREMIA 50:20

Toka itempo'nyo aijo' Israel tiba Yehuda belesi'mo madi'mo baladosa', kalana Ku ampunimo na to mia-mian anu pinosalamat-Kumo. Aku, Tumpu, notataemo.”

HOSEA 7:6

Susumo apu iuno nu tolukun sumo aijo'mo ahi' na niat anu ma'idek tiba kapusan nu aha ola nu una' i uno nu kinyonyoa sampahu-pahu, ka' de subu-subumo kinyonyoa nu aha ko suhu-suhutmo timbalimo moak susumo apu anu mapanas hondo.

MIKHA 2:1

Silakamo na to mia-mian anu nontanga'imo mombau anu ma'idek hau-haunyo male'-male' ikamale'an de pihimo lantas nu baumo subu-subu, kalana aha daagi' ko kamampuan de hahan anu sumo aijo'.

ZAKHARIA 13:9

Me sambagian na dunia na daagi' salamat. Ka' mule' aha aijo' Ku posusi'mo susumo salaka anu osuangmo i apu da madi'mo ko galo'nyo. Aha Ku uji'mo susumo mian monguji'mo mosoni'. Lantas aha balado'amo hi beleng-Ku ka' suele ahi' Ku taamimo na aha. Ku poto'imo hi aha tukoong-Ku aha aijo' mian anu palesayamo hi beleng-Ku, ka' aha suele mongakuimo tukoonyo nu aha; Akumo na Tumpu nu aha.”

MALEAKHI 3:2

Tetapi ihe na moko ala totahan i sinaa nu Tumpu anu tokamo mae aijo' ka' mompotoamo butong-Nyo? Kalana Ia sumomo ahi' apu nu tukang anu lewa' monsopu' logam, ka' mule' sumomo ahi' sabung nu tukang baso'i hude.

SISIKON NU TO RASUL-RASUL 11:23

Ka' salatan i Barnabas tinokamo kiijo' mae, ka' nontoa mosia na Tumpu nombalakatimo to mia-mian aijo', ia ilame' hondo. Lantas ia nompoita da aha totu-totu'u mohongo-hongo Tumpu nu iwi-iwi' na kinyonyoa.

SISIKON NU TO RASUL-RASUL 16:9

Pihi-pihinyo i kiijo', i Troas, ko anu tinoa i Paulus. I uno nu anu tinoanyo aijo', ia nontoa samian na mian nu Makedonia tinuminjo i ahopnyo ka' pagala nongkakase da ia mamba mokiijo' i Makedonia da montulungi aha.

1 KORINTUS 4:4

Aku madi' mongoa'i sala' i uno nu han mau mule' pa' apaa, panyo aijo' misa' bukuti' au'-aitu aku memang madi' kosala'nyo. Posi Tumpuje na montantukan aku kosala'nyo kabai madi'.

2 KORINTUS 1:12

Kami sanang kalana kinyonyoa mami na mompohoson kami, saba' kantumuu'an mami i dunia aiya – anu talalo hondo pompahasumbu'an mami tiba kita Utus – pinojalanmo mami ma'i-ma'ima' ka' sahondo-hondonyo. Kami nombau aijo' misa' kalana kapandean nu mian, panyo kalana kahosonan anu binee' nu Tumpu Allah.

YAKOBUS 3:2

Kita iwi-iwi' toto minsan mombau kasala'an. Panyo mian anu madi' toho' mombau kasala'an de ia motatae, ia mian anu ma'ima', anu moko ala mongkuasai iwi-iwi na butongnyo.

1 PETRUS 1:7

Anu nupatui aijo'mo kahanda' momponyata' pa' komiu totu-totu'u palesaya hi Tumpu kabai madi'. Mosoni' pe'e anu timbali ma'idek, o uji' nu apu. Jadi, palesaya miu anu totu-totu'u molingkudui oli nu mosoni', jadi tionyo ahi' o uji' suele da timbali mahoson. Ka' tiba jalan sumo aijo' komiu o puji' ka' o angga'i tiba opopodaka' toka i sinaa-Nyo de i Yesus Kristus po'ule'mo toka.

1 SAMUEL 24:10

I Saul nosiloimo no utu i hikunyo, ka' i Daud nonsombahmo salaku nongadati ka' notatae, “Kadaka' belento Tomundo' nohongomo sisik nu mian anu nompoto'i tukoonyo nu aha aku aiya kahanda'mo mompatei belento Tomundo'?

1 SAMUEL 24:12

Soba toa na aiya, kita Tuumangku! Toa mae na juba' nu belento Tomundo' sangkoyot aiya totoong hi belengku! Sabenannyo ku poko alamo ku patei na belento Tomundo', panyo aku ola nongkoyot sangkiding na pani' nu juba' nu belento Tomundo'. Jadi aiya nyata'mo saba' aku aiya madi' ko niat ma'idek kabai uesan. Belento Tomundo' lewa' mololoi' aku kahanda' da opateimo na aku maumo aku aiya madi' kosala'nyo mau ola sangkiding hi belento Tomundo'.

1 SAMUEL 26:11

Kase' boli mae nu pobee' nu Tumpu na aku aiya mompatei tomundo' anu pinile'an-Nyomo! Ola talombo'nyo na o ala ka' pongisian uee lantas kita mambamo.”

1 SAMUEL 26:23

Tumpu nombalakatimo mian anu tulu-tulutan tiba anu madi' tageo' na kinyonyoanyo. Kalana sinaa aiya Tumpu mombee'mo mae belento Tuanku hi belengku, panyo aku madi' mombau anu ma'idek hi belento Tomundo', tomundo' anu pinile'anmo nu Tumpu.