MAZMUR 17:14 - KITAB NU TUMPU ALLA LELE MA'IMAI'

¹⁴ Boli mae na aku nupoposia nu to mia-mian anu montambun halata' nu aha i dunia aiya. Hukum na aha nu balaa' anu pinotoukamo nu Belento pohukum aha. Ka' to maku-makumpu nu aha suele ahi' o hukum.

MAZMUR 17:14 ပူးပေါင်းရင်းမြစ်များ

AYUB 12:6

Panyo kantumuu'an nu mian anu saja' batololang, madi' mongoa'i kasusa'an; mian anu baani na monggagakon Tumpu Allah, kantumuu'annyo sanang madi'ko anu mompoposia. Padahan aha ola taha'iman hi pilogot, ola posi kahosonan nu butong.

AYUB 12:9

Iwi-iwi' aijo' ihe na madi' monsumbu', kalana anu nompotimbali aha, aijo'mo Tumpu Allah?

AYUB 21:21

De manusia tokamo na tempo'nyo mompala'i dunia aiya, te daagi' ia montutugi pa' to ana-anaknyo mohumpakmo kabilahian?

AYUB 22:18

Padahan Tumpu Allah na anu nompokayamo aha! Aku totu-totu'u madi' hondo monsumbu-sumbu' pikilan nu mian anu ma'idek na kinyonyoanyo!

MAZMUR 39:6

Talalo ahi' sasaingoni' na tinantukan nu Belento na umunku! De hi Belento kopinnyo nu kantumuu'anku madi' ko alati'nyo. Memang, manusia ola susumo opuhakon nu sawo nu manusia,

MAZMUR 73:12

Sumo aijo'mo na kalakuan nu mian anu ma'idek na kinyonyoanyo; kantumuu'an nu aha tenda, halata' nu aha ko pintu-pintuangnyomo.

AMSAL 2:4

Olio na aijo' susumo molio mosoni', ka'ololoi' na aijo' susumo mololoi' halata' anu sulu-suluk.

MATIUS 13:44

“De Tumpu mompalentahmo, ka'ada'annyo sumomo kantuang aiya: daagi' ko halata' anu sulu-suluk i uno nu tano', lantas i humpak nu samian, ka' po'ule' tinabuhannyo i uno nu tano'. Lapas aijo', kalana i lame'mo, mian aijo' namba nompobaluk iwi-iwi' na halata'nyo, lantas ninsusule' ka' nongoli tano' aijo'.”

LUKAS 16:25

Panyo i Abraham nontaami, ‘Tutugi anakku: Salatanmo pe'e tinuu'um, beleyum nohumpakmo anu toto ima-ima'; sadang i Lazarus nohumpak anu toto ide-idek. Uuka ia sanangmo i aiya, ka' beleyumo na sansala.

LUKAS 16:8

Saba' Tuan nu pongulus doi anu madi' hodi' aijo' nonpuji'mo pongulus aijo', kalana kapandean anu binaunyo aijo'; sabab to mia-mian i dunia aiya lebe pande mongatun ulusan nu aha molingkudui to mia-mian anu tumuu' i uno nu jingka.”

YOHANES 15:19

De komiu dunia na tumpunyo, komiu nukalibosi nu dunia, kalana ia na tumpunyo. Panyo Aku nompile'imo komiu lengkat i dunia aiya, sahingga komiu misa'mo anu nu dunia. Mokonyo aitu dunia mongka'ideki komiu.

YOHANES 17:14

Aku nompoto'iakonmo hi aha potatae nu kita Tuuma, ka' dunia nongka'idekimo aha, kalana aha misa' anu nu dunia, pokakana sumo Aku suele misa' anu nu dunia.

YOHANES 8:23

Lantas i Yesus notatae hi aha, “Komiu lengkat mae i aluknyo; panyo Aku lengkat mae i bawo. Komiu lengkat mae i dunia; Aku misa' lengkat mae i dunia.

YAKOBUS 5:5

Komiu tinumuu'mo molabi-labi ka' nongoa'imo kasanangan nu dunia aiya. Komiu sumomo anu hau-haunyo mompilompo'imo butong miu da o kolot toka i sinaanyo.