MAZMUR 16:4 - KITAB NU TUMPU ALLA LELE MA'IMAI'

⁴ Pojohok na mian anu monsombah to pilo-pilogot mompaka pintuangmo na kasusa'an nu kinyonyoanyo. Aku madi' mongka'oho' mombee' koloban hi to pilo-pilogot, ka' mule' madi' mongka'oho' monsanggo sanggo nu aha.

MAZMUR 16:4 ပူးပေါင်းရင်းမြစ်များ

KAJADIAN 35:14

I tampat nu Tumpu Allah notatae hi Yakub aijo', pinotinjonyomo sa'angu' na batu salaku bau pontandai. Lantas batu aijo' sinombahkonnyomo hi Tumpu Allah aijo'mo dinudu'annyomo nu anggur ka' lanya' nu zaitun i batu aijo'.

MAZMUR 32:10

Mian anu baladosa' saja' nu tokai mae nu kasansala'an; panyo mian anu saja' montaha'imani Tumpu tataap nu jagai nu kalibosan-Nyo.

MAZMUR 97:7

Iwi-iwi' na mian anu monsombah pilogot opopo'ambangmo, anu mongkabubuunakon to bala-balang anu madi' kogunanyo; iwi-iwi' na pilogot tolodadupumo monsombah i ahop nu Tumpu.

NOSABATMO 23:13

O'intomakon iwi-iwi' apaa na anu tinaloakon-Kumo hi belemiu. Boli monsombah to pilo-pilogot sangga'at, monsanggo pe'e sanggonyo madi' timbali.”

YESAYA 57:6

Jadi pantas belemiu nolimu'mo batu malonde lengkat i aijo'. Aijo'mo na bagian nu belemiu! I batu-batumo haha aijo' na pondudu'akonan nu belemiu anggur ka' monsombahkon gandum. Osangka nu belemiu Kuka'ima'i na aijo' iwi-iwi'?

YESAYA 65:11

Panyo misa' sumo aijo' na nasib nu to mia-mian anu nompala'imo Aku, anu madi' mompajuli Sion, puge'-Ku anu susi', anu monsombahkon kaanon hi Gad ka' hi Meni to pilo-pilogot nu ka'untungan ka' nasib nu mian.

YESAYA 66:3

Panyo bansa haha aijo' ola mosi bau pongka'oho' nu aha; aha sanang hondo na monsombah mae panyo bau-baunyo anu okahegati. Hi aha madi' ko bedanyo: mongkolobanakon sapi' lakinyo ka' mongkolobanakon mian, mongkolobanakon anak nu domba ka' mompato'akon gogohong nu dedeng; monsombahkon gandum ka' mongkolobanakon baso' nu bau', mompapui kamangian ka' monsombah patong.

YEREMIA 7:18

To ana-anak mongato mae kau' anu oposun, to momo'ane momposun apu ka' to bou-boune monggalo anu okompo-kompon bau kukis anu pontalakani pilogot anu osa-osanggohi nu aha Tomundo boune nu Suluga'. Ka' da bau ponsakiti nu aha kinyonyoang-Ku aha nonsombahkonmo anggur hi to pilo-pilogot sangga'at.

IMAMAT 23:13

Koloban kaanon sombahkon ohua' na kilogram labu ogalo'i lanya' nu zaitun. Nohongnyo nu koloban aijo' momposanangmo kinyonyoa nu Tumpu. Hingga-hinggat tiba aijo' suele sombahkonmo sa'angu' na liter na anggur.

YUNUS 2:8

To mia-mian anu monsombah pilogot anu madi' ko gunanyo nompala'imo Belento ka' madi'mo daagi nontuluti Belento.

YOSUA 23:7

Tiba jalan anu sumo aitu belemiu madi'mo maninggalo' tiba to bansa-bansa anu daagi' atina' hi belemiu. Belemiu madi' timbali monsanggo sanggo nu to pilo-pilogot nu aha kabai basumpa' i sanggo aijo'. Ka' suele belemiu madi timbali monsombah kabai tolodadupu i ahop nu to pilo-pilogot haha aijo'.