MAZMUR 16:3 - KITAB NU TUMPU ALLA LELE MA'IMAI'

³ Ku angga'i hondo na to mia-mian anu susi' i lipu' aiya; anu ku ka'ima'i hondo aijo'mo jojoong hingga-hinggat tiba aha.

MAZMUR 16:3 ပူးပေါင်းရင်းမြစ်များ

2 TAWARIKH 6:41

Tinjomo uuka aiya, o Tumpu Allah! Ka' tiba Peti' Palajanjian, anu bau pontanda'i kakuasaan nu Belento, tionyo ahi' belento mompinsoopimo Laigan nu Belento aiya ka' jojoongmo aiya sampe toka sidu-sidutu'. Balakatiakon iwi-iwi' na kalaja nu to ima-imam nu Belento, ka' ku taha imani da iwi-iwi' na mian anu pinalesayamo hi belento timbali bilahi kalana belento manonong hi aha.

MAZMUR 101:6

Ku ka'ima'i na mian anu tulu-tulutan hi Tumpu; aha timbali jojoong i laiganku. Mian anu tumuu' madi' ko kasala'annyo atina' na timbali mombau anu ku palentahkon.

MAZMUR 116:15

Tumpu talalo hondo monsusuai kasilakan nu samian na anu Nu kalibosi.

MAZMUR 119:63

Aku mobela' tiba iwi-iwi' mian anu tulu-tulutan, iwi-iwi' na mian anu mombau palentah nu Belento.

MAZMUR 122:8

Kona hi to utu-utus ka' to sanga-sangalungku aku motatae, “O' amalakon da beleyum mohumpak kantumuuan ma'ima'!”

MAZMUR 30:4

Belento nompoluputmo mae aku da madi' sinilaka, ka' nompotumuu'mo mae aku da madi' sinilaka susumo mian sangga'at anu sinilakamo.

AMSAL 12:26

Mian anu manonong lebe mohumpak dale', nulingkudui na sampo bebe'nyo laigan; panyo mian anu ma'idek na kinyonyoanyo mohumpak kasusa'an, kalana gau'nyo anu ma'idek aijo'.

AMSAL 13:20

Mian anu mosangalu tiba mian anu pande saidi mae timbali pande; panyo mian anu mosangalu tiba mian anu ponga' saidi mae mohumpak kasilaka'an.

AMSAL 8:31

Aku balasana-sanang na jojoong i dunia-Nyo. Ka' hi aha manusia aku mongoa'i kasanangan.

NYANYIAN ANU TALASANGGO 7:10

Aku aiya sindua'ankumo na tumpunyo, ia mongka'ima'i aku.

YESAYA 62:4

Sanggo nu beleyum misa'mo daagi' ‘Anu Pinala'ianmo’, lipu' nu beleyum misa'mo daagi' ‘Anu ilingmo’. Beleyum osanggohimo, ‘Anu nu kalibosi nu Tumpu’, ka' mule' lipu' nu beleyum osanggohimo ‘Anu inaki'mo,’ kalana Tumpu sinitujumo hi beleyum, Ia sumomo ahi' langkai' nu beleyum ilipu' nu beleyum.

MALEAKHI 3:17

Tumpu Anu Daka' na Kuasanyo notataemo, “Aha timbalimo mian anu palesayamo hi beleng-Ku. Toka isinaanyo Aku momputusimo aha timbalimo. Aku na Tumpunyo ka' Ku kalibosimo. Kukanonongimo na aha, susumo samian na tuuma mongkanonongi anak anu tulu-tulutan hi Ia.

SISIKON NU TO RASUL-RASUL 9:13

Tinaaman i Ananias, “Kita Tumpu, aku nohongomo da'isan na mian notatae mongkona mian aiya, anu talalo hondo binaunyo, hahan lewa' mongkabisa'i mian anu palesayamo hi Kita Tumpu kiijo' i Yerusalem.

GALATIA 6:10

Jadi' de daagi' ko tempo' hi kita, tionyo ahi' kita mombau anu ma'ima' hi iwi-iwi' na mian, anu talalo hondo, toka hi to Utu-utusto sangko mian anu pinalesayamo totu-totu'u.

EFESUS 1:1

Mian anu palesayamo hi Tumpu kiijo' i Efesus, anu mohongo-hongo i Kristus Yesus!

TITUS 3:8

Potatae aiya totu'u ka' kona. Ku kahanda'i da beleyum sabole-bole mompoteteng han haha aiya, da to mia-mian anu palesayamo hi Tumpu totu-totu'u bala usaha da mombau pakalaja'an-pakalaja'an anu ma'ima' ka' mingguna hi mian iwi-iwi'.

IBRANI 6:10

Tumpu misa' Tumpu anu madi' adin. Ia madi' mongkolilimi apaa na anu kinalajamo miu hi Ia, ka' kalibosan anu pinotoamo miu hi Ia, tempo'nyo komiu nontulungimo to utu-utus anu sa'a-sa'angu' na kapalesaya'an, tu'utu mae ka' uuka aiya.