MAZMUR 16:11 - KITAB NU TUMPU ALLA LELE MA'IMAI'

¹¹ Pinotiju'mo mae nu Belento hi belengku na jalan anu mompanjolongi kantumuu'an; hi Belento na pohumpakanku kalame'an anu taha-tahahumo ka' kabilahian sampe toka sidu-sidutu'.

MAZMUR 16:11 ပူးပေါင်းရင်းမြစ်များ

MAZMUR 139:24

Toa mae pa' ko anu ma'idek i uno nu butongku, ka' laya' mae na aku i jalan anu sampe toka sidu-sidutu'.

MAZMUR 17:15

Panyo aku na daagi' ahi' montoa Belento, kalana aku madi' ko kasala'an. Salatan aku mobulamo, kinyonyoangku lame'mo kalana Belento tokamo mae.

MAZMUR 4:8

Belento lebemo nompolame' mae kinyonyoangku nolingkuduimo mian anu nohumpakmo isi nu ale' nu aha.

MAZMUR 68:4

Panyo mian anu palesayamo totu-totu'u na bilahimo ahi' ka' lame'mo, aha lewa'mo montaligalai i ahop nu Tumpu kalana sinanangmo.

AMSAL 12:28

Mian anu mombatuki jalan anu totu'u saidi mae kantumuu'annyo mohumpak ka'ima'an; panyo mian anu montulu jalan anu ma'idekan mompatuimo kasilakan.

AMSAL 2:19

Mian anu nambamo hi ia, madi'mo toho' ko anu ninsusule' mae i jalan anu mompanjolongi kantumuu'an.

AMSAL 4:18

Jalan nu mian anu ma'idek na kinyonyoanyo pintung sumomo londomi' de malomo. Aha tosumpun ka' motua' madi' nusumbu' nu aha. Panyo mule' ahi' jalan anu nutulu nu mian anu ma'ima' na kinyonyoanyo sumomo ahi' batu nu sinaa bete'mo mae; ko pipinnyo ko jingka-jingkanyomo, sahingga ahennyo mae majingkamo hondo.

AMSAL 5:6

Ia madi' tataap montului jalan anu momboa kantumuu'an; madi' sinumbu'nyo ia noselemo madi'mo nontulu jalan aijo.

YESAYA 2:3

aha iwi-iwi' motatae, “Imbo' da kita mokiita' mindako i ‘Bungkutnyo nu Tumpu,’ ilaigan nu Tumpu Israel. Laje na mongajan mae kita apaa na anu tionyo ahi' obaunto. Kita mombatukimo kajalanan-Nyo kalana ajalan nu Tumpu molengkat mae i Yerusalem, Ia motatae lengkat mae i Sion.”

MATIUS 25:33

To mia-mian anu mombau pongka'oho' nu Tumpu, olimu' i sasu koanan-Nyo, ka' anu sangga'at i sasu kowi-Nyo.

MATIUS 25:46

Saba' to mia-mian aijo' o hukummo nu hukuman anu sampe toka sidu-sidutu', panyo komiu to mia-mian anu mombau kahanda' nu Tumpu, mongoa'i kantumuu'an talakana' ka' sampe toka sidu-sidutu'.”

MATIUS 5:8

Bila-bilahi na mian anu molino na kinyonyoanyo; aha monsumbu'je Tumpu!

MATIUS 7:14

Panyo soki ka' susa' na sabatan ka' jalan anu momboa mian i kantumuu'an. Ka' ola sangkiding na mian anu mongkabot.”

MARKUS 16:19

Noko potatae na i Tumpu Yesus tiba aha, Ia i hangkatmo nokiita' i suluga'. I kiita' mae Ia nompalentahmo hingga-hinggat tiba Tumpu.

SISIKON NU TO RASUL-RASUL 2:28

Beleyum nompotiju'mo jalan anu mompatui kantumuu'an talakana' ka' sampe toka sidu-sidutu'. Kabilahianku talalo daka' hondo, kalana Beleyum mosangalu tiba aku.’

SISIKON NU TO RASUL-RASUL 7:56

“Toa,” koonyo i Stefanus, “aku nontoamo suluga' tinontuhea'mo ka' Anak nu Mian tinuminjomo i sasu koanan nu Tumpu!”

ROMA 8:11

De i Kristus sinilaka, pino tumuu' nu Roh nu Tumpu, tumuu' i uno nu butongum, saba' Ia anu nompotumuu' i Kristus tempo'nyo Ia sinilaka aijo' sueleje mompotumuu' butongum anu timbali silaka aijo'. Ia mombau aijo' nu Roh-Nyo anu tumuu' i uno nu butongum.

1 KORINTUS 13:12

Apaa na anu otoanto uuka aiya daagi' sumo lolung anu madi' manasa i uno nu mongkitaan. Panyo saidi' mae otoantoje mana-manasa. Uuka aiya ma'isa kusumbu' iwi-iwi', panyo saidi' mae kusumbu'je iwi-iwi', pokakana sumo Tumpu monsumbu' songko-songko butongku.

2 KORINTUS 4:17

Ka' kasusa'an anu madi' tala-talalomo sumo aiya, anu o'oa'i mami ola sasaingoni', mompodaagi'je hi kami sa'angu' na kabilahian anu madi' ko gampanyo ka' sampe toka sidu-sidutu'. Kabilahian aijo' lebe daka' molingkudui kasusa'an ai-aijo'.

EFESUS 3:19

anu de ola kapandean nu mian madi' opoko sumbu' hondo-hondo. Ku'amalakon da komiu monsumbu' kalibosan i Kristus aijo', sahingga tabiat nu Tumpu mobuke'mo ma'i-ma'ima' hi komiu.

1 PETRUS 1:21

Kalana Ia sahingga komiu pinalesayamo hi Tumpu anu po'ule'mo nompotumuu' Ia sinilaka ka' nompopodaka'mo Ia. Jadi Tumpu Allah ahi' na anu opalesaya nu belemiu, ka' hi Tumpu ahi' na bau kataha'imanan nu belemiu.

1 PETRUS 3:22

ka' noliba'mo i suluga'. Uuka aiya Ia mongkuasaimo hingga-hinggat tiba Tumpu ka' mompalentahmo malaikat iwi-iwi', iwi-iwi' anu ko kuasanyo tiba iwi-iwi' na anu mahoson.

1 YOHANES 3:2

To Utu-utus anu okanonongi! Kita tempo' uuka to ana-anakmo nu Tumpu, panyo mosia na ka'ada'anto saidi' mae ma'isa nanasa. Panyo osumbu'to, saba' de i Kristus tokamo, kita timbalimo sumo Ia, kalana kita montoamo Ia anu sahondo-hondo-Nyo.

YUDAS 1:24

Tumpu, na anu moko ala monjagai da komiu madi' manabu', ka' anu moko ala momboa komiu i ahop-Nyo anu talasanggo ka' mongoa'i lame' ka' madi' ko apa-apaa na anu sinala'.

ANU PINOTO'I HI YOHANES 22:5

Aha madi'mo mompalalui sulu' kabai jingka nu batu nu sinaa, kalana madi'mo daagi' pihi, ka' Tumpuje na monjingkai aha. Sahingga aha saidi' mae mompalentahmo susumo tomundo sampe toka sidu-sidutu'.