MAZMUR 16:10 - KITAB NU TUMPU ALLA LELE MA'IMAI'

¹⁰ Kalana Belento madi' mompojohok aku da silakamo; mian anu nukalibosi nu Belento madi' nupojohok nu Belento da silakamo.

MAZMUR 16:10 ပူးပေါင်းရင်းမြစ်များ

AYUB 11:8

Kuasa-Nyo na lebe matangkas molingkudui kotangkasnyo nu langit; madi' nupoko ala nu kawe nu beleyum na kuasa-Nyo ka' madi' nupoko ala nuhumpak nu beleyum. Kuasanyo lebe maleeng molingkudui dunia nu mian anu sinilakamo, madi' nupoko ala nusumbu' totu-totu'u.

MAZMUR 139:8

De aku moliba' i langit, Belento kiita' mae de aku hoyot i dunia nu anu sinilakamo kiijo' suele daagi' ko Belento.

MAZMUR 49:15

Susumo domba, aha tinantukanmo da silaka; kasilaka'an na timbalimo polaya' nu aha. Daagi' subu aha nu pokalamo nu mian anu hodi' nakinyonyoanyo; butong nu aha sampamo mahutak idunia nu mian anu sinilakamo, majo'onmo ikajojoongan nu mian anu kaya.

MAZMUR 9:17

Tumpu nompotoamo butong-Nyo kalana kaputusan-Nyo anu adin hondo. Mian anu ma'idek na kinyonyoanyo nohumpakmo hukuman sinaduakonmo nu anu pinosi baunyomo.

AMSAL 15:11

Nu sumbu' nu Tumpu na dunia nu mian anu sinilakamo ka' apa-apaa na anu jadi ikiijo'; madi' opoko ala oposuluk na pikilan nu mian hi Ia!

AMSAL 27:20

I dunia nu mian anu sinilakamo saja' daagi ko tampat; sumo aitu mule' na anu nu indi nu manusia madi' ko batasnyo.

YESAYA 14:9

Dunia nu mian anu sinilakamo aijo' balame-lame'mo na molabot itomundo' Babel. Sahingga mobulamo na santuu' nu to mia-mian anu naipuan mae binalakuasa i dunia aiya ka' mule' santuu' nu to tomu-tomundo' tuminjomo mae aijo' i kasuhangan nu aha.

YESAYA 5:14

Nganga' nu kapatean tolo anga'mo ewa-ewa kalana moloyomo aha mian to pola-polaya' i Yerusalem tiba mian da'isan anu binalame-lame'mo nombau bau-bauon.

DANIEL 9:24

Pimpitun lipat na pitumpulu' na taun, aijo'mo na tempo' anu pinotataapmo nu Tumpu mompobebas bansa nu belemiu tiba kota' nu belemiu anu susi' aijo' da bolimo baladosa' ka' bolimo mombau palabuatan anu ma'idek. Iwi-iwi' na dosa' o'ampunimo ka' mule' ka adilan anu sampe toka sidu-sidutu' aijo' sabole-bolemo ahi' opake sahingga anu lewa' tinoa ka' mule' anu lewa' okila-kila aijo' onyata'mo ahi', ka' Laigan nu Tumpu anu susi' aijo' po ule'mo ahi ponsomban Tumpu.

IMAMAT 19:28

Boli momboyo-boyot kilit nu belemiu kahanda' bau pontandai kabai mombelai butong nu belemiu salaku tanda sinusa'mo kalana ko anumo sinilaka. Akumo na Tumpu.

AMOS 9:2

Mau pe'e aha moko ala mompinsoopi dunia nu mian anu silakamo. Ku humpak na aha. Mau mule' aha moliba' mokiita' i langit, Aku montau'akon mae aha lengkat i aita' mae.

NOMBILANGMO 6:6

Ubaknyo aijo' bau pontandai saba' ia mian anu ola samata-mata mokalaja hi Tumpu Allah. De daagi' hau-haunyo ia mompojalan niatnyo ia madi' timbali mohumimi'i butongnyo; ia madi' timbali mongohani anu sinilakamo, mau mule' tuumanyo na sinilaka, tinanyo kabai utusnyo.

LUKAS 1:35

Tinaaman nu malaikat aijo', “Roh nu Tumpu tokaje hi beleyum, ka' kuasa nu Tumpu monjagaije beleyum. Mokonyo sumo aitu, anak anu o hampe'akonto atina' osanggohi Susi', Anak nu Tumpu.

LUKAS 16:23

Mian kaya aijo' suele i nate ka' i lamun. I dunia nu mian mate aijo' sinansala hondo. Ka' tempo'nyo ia nontanggalakon aijo' mae nokiita' i bawo, tinoanyo na i Abraham i tampat majo'on, ka' i Lazarus i sohipi' i Abraham.

LUKAS 4:34

“O Yesus, mian nu Nazaret, apaa na anu ka'oho' obaunto hi kami? Beleyum toka monsilakai kami? Kusumbu' ihe na beleyum; beleyum posaihon nu mian susi' lengkat mae hi Tumpu!”

1 KORINTUS 15:42

Sumo aitu mule' saidi' mae na balu-balu'nyo nu to mia-mian silaka anu po'ule' opotumuu'. Butong anu olamun aijo', aijo'mo butong anu timbali ma'idek; panyo butong anu po'ule' opotumuu', aijo'mo butong anu madi' toho' ma'idek.

PO'ULE' INGULIT 32:22

Aku motambuha' sumomo apu na ko moaknyo anu montoyo'i toka-toka i dunia tampat nu mian anu natemo. Apu aijo' montoyo'imo dunia iwi-iwi' ka' isinyo, ka' to bungku-bungkutnyo toka-toka i bakatnyo.

ANU PINOTO'I HI YOHANES 1:18

Akumo na Ia anu tinumuu'mo! Aku sinilakamo, panyo toamo, Aku tumuu'mo sampe toka sidu-sidutu'. Aku mongkuasai kapatean, ka' i dunia nu mian anu i natemo.

ANU PINOTO'I HI YOHANES 20:13

Lantas ambai nombee'mo to mia-mian anu sinilakamo, anu kiijo' i unonyo. Kapatean ka' Dunia Kapatean suele nombee'mo to mia-mian anu sinilakamo anu daagi' kiijo' hi ia. Ka' mian haha aijo' anu sinilakamo iwi-iwi' pinokonanmo hukuman anu sinitimbangmo tiba anu binaumo nu aha.