MAZMUR 149:6 - KITAB NU TUMPU ALLA LELE MA'IMAI'

⁶ Bakas da aha mompuji' Tumpu, otaloakon linsi-linsingan, ka' montoongi bajak anu binoitmo

MAZMUR 149:6 ပူးပေါင်းရင်းမြစ်များ

NEHEMIA 9:5

Aha nonsombahmo Tumpu Allah nu aha i sinaa aitu tinampu'unan nu aha to mia-mian nu aha Lewi aijo'mo: i Yesua, i Kadmiel, i Bani, i Hasabneya, i Serebya, i Hodia, i Sebanya, ka' i Petanya. Aha notataemo: “Tinjomo ka' puji' na Tumpu Allah-nto! Opuji' na Ia sampe toka sidu-sidutu'! Opuji' na sanggo-Nyo anu saja' opopodaka', sanggo anu opalias molingkudui iwi-iwi' na bau pompuji'.”

MAZMUR 115:7

Aha ko lima, panyo madi' moko ala mongkanyang, ko tengke, panyo madi' moko ala lumajang, ka' madi' ko onyi' nu potatae mosabat lengkat mae i gogohongnyo.

MAZMUR 66:17

Aku nongkakasemo nomoita tulung hi bele-Nyo; uuka aiya ku nyanyimo na bau pompuji' Ia.

MAZMUR 96:4

Kalana talasanggo hondo na Tumpu, ka' talalo hondo o puji', tionyo ahi' talalo okabuhuk molingkudui iwi-iwi' na pilogot.

DANIEL 4:37

Jadi uuka aiya aku i Nebukadnezar mompuji'mo, mompopodaka'mo katalasanggoan nu Tomundo' nu Suluga'. Iwi-iwi' na anu binau-Nyomo totu'u ka' mule' adin ka' moko ala mompota'aluk mian anu kalakuannyo takabun.

OBAJA 1:21

Mian anu jojoong i Yerusalem anu nohumpakmo kabilahian saidi' mae montumbuhimo Edom ka' mule' mompatundu'mo. Sah ingga Aku Tumpu na saidi' mae mompalentah susumo tomundo'.”

LUKAS 2:14

“Puji' na Tumpu i langit anu matangkas hondo! Ka' i bawo nu dunia, salamatmo na mian anu momposanang kinyonyoa nu Tumpu!”

IBRANI 4:12

Potatae nu Tumpu aijo'mo na potatae anu tumuu' ka' mahoson; molingkudui tajom nu bajak anu ko matanyo ohua'. Potatae aijo' monsusuk toka-toka i kinyonyoa ka' santuu'; toka-toka i to losu-losuan ka' touak na buku, sahingga monsumbu' totu-totu'u pikilan ka' tanga'an nu mian.

ANU PINOTO'I HI YOHANES 1:16

Lima-Nyo koanan montoongi popitu' na mandala', ka' aijo' i nganga'-Nyo nosabat mae samata na bajak anu matajom poti-potimbiha'. Ohup-Nyo mangkunining sumo batu nu sinaa de sonsu'unmo.

ANU PINOTO'I HI YOHANES 19:6

Lapas aijo' aku nohongomo apa-apaa sumo potatae nu anu sanggombu na mian da'isan hondo; lewo'nyo sumo bokon anu mingkalulun ka' sumo gohung poli-polintup. Ku hongo aha notatae, “O puji' na Tumpu! Kalana Tumpu, Tumpunto anu Matangkas na kuasanyo aijo' tempo' uuka nompalentahmo!

TO MIA-MIAN KOPIAN 3:16

Daagi' kino sansinaan i Ehud nombaumo sa'angu' na bajak poti-potimbiha' ko matanyo ohani mintonga' na meten na komantannyo. Tinakosnyo na bajak aijo' i sasu koanannyo i uno nu baju'nyo,