MAZMUR 149:3 - KITAB NU TUMPU ALLA LELE MA'IMAI'

³ Opuji' na sanggo-Nyo ka' ponsalelei, opuji' na Ia ka' okuti'akon kasapi' ka' ohapa'i na gandang!

MAZMUR 149:3 ပူးပေါင်းရင်းမြစ်များ

2 SAMUEL 6:14

Lapas aijo' i Daud lebemo hondo nonsalelei salaku bau pongadatinyo Tumpu. Tempo'nyo aitu ia ola nompusok, lipa' lenan kodo-kodo' pinotapi'nyo.

2 SAMUEL 6:16

Salatan Peti' aijo' hau-haunyomo minsoop i kota' i Mikhal anak boune i Saul nontoamo mae itolongan ka' nontoamo i Tomundo' Daud nahalumpatanmo na nonsalelei salaku bau pongadatinyo TUMPU, i Mikhal nompai nolua'imo na nontoa i Daud.

1 TAWARIKH 16:42

I Heman tiba i Yedutun suele kalajanyo mompuhi tolompet, simbal ka' pakakas nu musik sangga'at anu opuhi de manyanyimo nyanyian bau pompuji'. To mia-mian aha mae sa'anakan i Yedutun binee'an kalaja bau ponjaga sabatan toto daka-daka' haha aijo'.

1 TAWARIKH 25:6

Iwi-iwi' na anak i Heman haha aijo' mompahaikakon musik simbal kasapi' ka' gambus anu molaya' aijo'mo tuuma nu aha ka' aijo' opahaikakon de monsombahmo Tumpu i Laigan nu Tumpu. I Asaf, i Yedutun tiba i Heman binee'an kalaja susumo anu pinoto'imo i tomundo'.

2 TAWARIKH 20:28

Salatan tinokamo i kota', aha nojiji'mo na i lumajang nokiijo' i Laigan nu Tumpu ka' mule' kinuti'mo na kasapi ka' tolompet pinuhanmo.

2 TAWARIKH 29:25

Susumo apaa na anu pinoto'imo nu Tumpu hi Daud anu pinotokakon i Nabi Gad, anu mokalaja hi tomundo, ka' anu pinotokakonmo i Nabi Natan, i tomundo nombee'imo kalaja i Laigan nu Tumpu na aha mian nu Lewi mongkuti' kasapi ka' gambuus,

EZRA 3:10

Salatan to mia-mian anu mokalaja i laigan aijo' nontampu'unimo nombau mesen bau pompotinjoan Laigan nu Tumpu, to ima-imam nompusokmo baju' jubah, ka' sika-sika toong na tolompet ka' singkap motinuminjo toto samian. Aha to mia-mian nu Lewi anu sa'anakan mae i Asaf suele tinuminjomo i kiijo' ka' sika-sika toong na gong toto ise-ise'. Aha nompuji-puji'mo Tumpu susumo koonyo nu atulan anu tinantukanmo salatanmo pe'e tempo'nyo i Tomundo Daud.

MAZMUR 30:11

Potombihingakon mae o Tumpu ka' kalibosiakon mae na aku. O Tumpu tulungiakon mae na aku!”

MAZMUR 33:2

Pontalimakaseh hi Tumpu okutiakon kasapi' manyanyimo bau pompuji' Ia ka' opakeakon musik.

MAZMUR 81:2

Nyanyiakon na nyanyian anu bau pompuji' Tumpu, anu timbalimo kahosonanto. Opolame' na montaligalai Tumpu i Yakub.

MAZMUR 81:3

Hapa'i na gandang, ka' lewa'mo panyanyi, kuti' na gambuus ka' kasapi', po'ima' na onyi'nyo da molibos na mohongo.

MAZMUR 87:7

Aha monsaleleimo ka' manyanyimo, “Sion aijo'mo na tampat pinolengkatanku mae!”

NOSABATMO 15:20

Lantas i Miryam samian na nabi boune, utus tu'a i Harun, nongalamo gandangnyo ka' iwi-iwi' na boune suele nohapa'imo gandangnyo nu aha ka' nonsaleleimo.

YEREMIA 31:13

Toka itempo'nyo aijo' to lalangkoyang monsaleleimo ka' lame'mo na kinyonyoa. To tu'a-tu'anyo tiba to oli-olitau bubu'mo mongoa'i sanang na kantumuu'an, kalana Aku mohase'mo aha. Kasusa'an i uno nu kinyonyoa nu aha Ku bali'imo jadimo kalame'an kalibosan nu kinyonyoa Ku bali'imo jadimo sanang na kantumuu'an.

YEREMIA 31:4

Bansa nu belemiu Ku pojadimo sanang na kantumuu'an susumo naipuan mae. Po ule' mule' belemiu mongala gandang ka' monsalelei lame'mo hondo.

TO MIA-MIAN KOPIAN 11:34

Salatan i Yefta ninsusule'mo nokiijo' i Mizpa, anaknyo anu lalangkoyang tinokamo nolabot ia ka' nonsaleleimo ka' nohapa'imo gandang. Aijo'mo na anaknyo ola sa'a-sa'angu'nyomo.