MAZMUR 149:1 - KITAB NU TUMPU ALLA LELE MA'IMAI'

¹ Opuji' na Tumpu! Nyanyiakon na nyanyian anu sala'je ingajan bau pompuji' Tumpu, opuji' na Ia, ikasintomuan nu mian anu palesayamo hi Ia!

MAZMUR 149:1 ပူးပေါင်းရင်းမြစ်များ

MAZMUR 111:1

O puji' na Tumpu! Totu-totu'u na kinyonyoangku montalima kaseh hi Tumpu hau-haunyo kiijo' hi aha mian anu palesayamo hi Ia anu binalagombumo.

MAZMUR 116:18

Aku mongganapimo anu jinanji'kumo hi Tumpu, i ahop nu mian iwi-iwi' anu palesayamo hi Ia.

MAZMUR 144:9

Aku monyanyiakon hi Belento, o, Tumpu nyanyian anu sala'je ingajan, ka' onyanyiakon na mongkuti' kasapi'.

MAZMUR 148:1

Opuji' na Tumpu! Opuji' na Tumpu, o isi iwi-iwi' na suluga'! Iwi-iwi' na anu jojoong i tampat anu matangkas opuji' na Ia!

MAZMUR 22:22

Aku madi'mo moko ala mombau apa-apaa, potuu'akon mae na aku da madi' nutanduk nu sapi' ka' mule' da madi' nusa'u nu singa.

MAZMUR 22:25

Kalana Ia madi' mongkahegati anu nohumpakmo kasansala'an, ka' madi' mompopo'ise' mian anu sinansala'mo. Ia madi' mongkamaalin mian anu sumo aijo'mo, panyo mohongo, de aku momoita tulung mae hi Ia.

MAZMUR 33:3

Nyanyiakon na nyanyian anu salaje' ingajan bau pompuji' Tumpu, kuti' ima-ima' na kasapi' ka' pontaligalai lame-lame'!

MAZMUR 35:18

Sahingga aku montalima kasemo hi Belento itotonga' nu mian anu palesayamo hi Belento, ka' mompuji'mo sanggo nu Belento i uno nu kasingkabotan tiba aha.

MAZMUR 68:26

Aita' momona anu i lumajang to mia-mian anu manyanyi, akaong mae i mihi-mihinyo to mia-mian anu mongkuti' kasapi'; i totonga'nyo to lalangkoyang anu mohapa'i gandang; sumo uuka na nyanyian nu aha:

MAZMUR 89:5

‘Kalaja'an nu beleyum sabole-boleh ku potinjo sampe toka sidu-sidutu', molundu-lundu na tulunan nu beleyum ka' to maku-makumpu nu beleyum monjojoongi.’ ”

MAZMUR 96:1

Nyanyiakonmo na nyanyian anu sala'je ingajan bau pompuji' Tumpu! Panyanyimo puji' na Tumpu, o, belemiu songko-songko na dunia!

MAZMUR 98:1

Mazmur. Nyanyiakonmo hi Tumpu na nyanyian anu sala'je ingajan, kalana apa-apaa na anu binau-Nyomo talalo ahi' okabangangi! Ola samata-mata kakuasa'an ka' posi kahosonan-Nyo. Ia nohumpakmo ka'untungan na, nahampate.

YESAYA 42:10

Nyanyiakonmo hi Tumpu na nyanyian anu salaje' ingajan, puji'mo na Ia, o, belemiu songko-songko na dunia! Pombuhokmo mae o, ndalangon ka' iwi-iwi' na anu jojoong i unonyo, lipu' anu toto jo'o-jo'on ka' iwi-iwi' na anu monjojoongi!

IBRANI 2:12

I Yesus notatae hi Tumpu, “Ku poto'ije hi to utu-utus-Ku na Belento. Ku poto'ije na Belento de aha singkabotmo, ipogombuan.”

ANU PINOTO'I HI YOHANES 5:9

Aha nonyanyiakonmo sa'angu' na nyanyian anu sala'je aitu na i nyanyi: “Belento pantas mongala kitab aijo' ka' mombeak segen haha aijo'. Kalana Belento pinateanmo, ka' kalana Beleyum sinilakamo, mian i iwi-iwi' na tulunan, sisik, negara, ka' bansa ingolimo nu Belento da timbalimo anu nu Tumpu.