MAZMUR 148:8 - KITAB NU TUMPU ALLA LELE MA'IMAI'

⁸ o kilat ka' ujan eis, ujan batu ka' kundom, baleba' anu makansang hondo anu pinalentahmo nu Tumpu!

MAZMUR 148:8 ပူးပေါင်းရင်းမြစ်များ

KAJADIAN 19:24

Monti-montiik Tumpu nontudunakonmo ujan alilang anu ko apunyo hi Sodom ka' Gomora.

AYUB 37:12

Kundom haha aijo' ilumapmo namba i songko-songko na dunia, kalana palentah nu Tumpu Allah aha nambamo noyaya.

MAZMUR 103:20

O, puji' na Tumpu, o, belemiu to mala-malaekat-Nyo anu to babaani, anu mompotombihing ka' mombau anu nu palentahkon.

MAZMUR 18:12

Ia nolupi'mo butong-Nyo nu kapintungan; kundom anu tinumatampokmo daka-daka' nontikubimo mae Ia.

NOSABATMO 10:13

I Musa nohangkatmo tokonnyo, ka' Tumpu nompotimbalimo mombun lengkat i kabete'an aijo'mo na nonsongkohi lipu' aijo' toka sansina-sinaa ka' sampahu-pahu. De subu-subumo mombun aijo' mompuhakonmo mae kihi-kihi' haha aijo'

NOSABATMO 10:19

Sahingga binali'anmo nu Tumpu na jalan nu mombun nu kinsoban anu makansang hondo. Kihi-kihi' haha aijo' pinuuhakonmo nu mombun ka' binoanyomo nokiijo' i Ambai Gelagah. Sa'angu' pe'e madi' ko anu tinontuha' i songko-songko na tano' nu Mesir.

NOSABATMO 14:21

Lantas tinangkakonmo i Musa na limanyo nokiijo' i ambai, sahingga Tumpu nompotimbalimo baleba' nu kabete'an anu makansang hondo so'mo nompuuhakon sahingga ambai nokekesmo. Sinampahu na pinuuhan nu baleba' aijo' sahingga ambai nongabali'mo, tinimbalimo katano'an.

YESAYA 66:16

Kalana iwi-iwi' na mian anu kosala'nyo nuhukumo nu apu tiba bajak, ka' manjoo'mo na anu i hukum mate.

YOËL 2:30

I langit ka' i tano' Ku bauje manjoo'hondo na anu okabangangi. Ka' daagi'je ko anu monjujuhakon baso', moak nu apu ka' tibuk anu kumomponmo.

IMAMAT 10:2

Sahingga Tumpu nontau'akonmo mae apu anu nontoyo'imo aha sahingga i natemo i Kemah nu Tumpu.

AMOS 4:13

Bungkutnyo ka' mombun, Tumpu na nompotimbali; tanga'an-Nyo pinotoa-Nyomo hi manusia. Binau-Nyomo na sinaa tiba pihi; i buannyo nu dunia, na Ia i lumajangmo. Tumpu Anu Daka' Na Kuasanyo aijo'mo na sanggo-Nyo.

AMOS 7:4

Aku nontoa mule' lengkat mae hi Tumpu Anu Matangkas na Kuasanyo. Tinoangku Ia hau-haunyo mosadiamo da mohukumo nu apu mian anu palesayamo hi Ia. Apu aijo' nolele nontisimo ndalangon i dunia aiya ka' lewa'mo nontoyo'i ale'.

YUNUS 1:4

I Yunus nintatau'mo kaiyong mae sasu lunasa'nyo ka' kino mamale'mo ikaiyong, lantas ihoyotmo bobobogon. Lapas aijo' Tumpu nompotokamo mae antong anu makansang hondo i ambai ka' jinadimo na antong anu makansang hondo aijo' nontintip kapan aijo' sahingga kiniboli' ihansunmo. To mia-mian pangalaja nu kapan nabuhukmo hondo ka' lewa'mo noloboo' na aha toto samian momoita tulung hi posi-posi pilogot nu aha. Da mongkulangi bahaya dumo tompu, pinaha lumbu'akonmo i ambai na to bala-balang anu pinosake'.

NOMBILANGMO 16:35

Lantas Tumpu nompotokamo mae apu anu nontoyo'imo aha 250 na mian, anu nonsombahkonmo kamangian aijo'.

YOSUA 10:11

Tempo'nyo aha mian nu Amori nokaiyongmo i tengke nu bungkutnyo aijo' kalana nopalaimo da boli nukabot nu aha suludadu nu Israel, Tumpu nontudunakonmo mae ujan eis anu toto daka-daka' lengkat mae i langit nongkona aha tutuus jalan kojo'onnyo tinoka-toka i Azeka. Anu sinilaka kinona nu ujan eis aijo' lebe manjoo' molingkudui anu pinatean nu aha mian nu Israel.

ANU PINOTO'I HI YOHANES 16:21

Ujan eis anu daka' anu toto sambatu ko boatnyo limampulu' na kilogram, nanabu'mo lengkat mae i langit nontuda'mo to mia-mian. Sahingga kinutukanmo nu aha na Tumpu kalana balaa' nu ujan eis anu daka' hondo aijo'.