MAZMUR 148:5 - KITAB NU TUMPU ALLA LELE MA'IMAI'

⁵ Tionyo ahi' aha iwi-iwi' mompuji' sanggo nu Tumpu, kalana iwi-iwi' pinotimbalimo nu palentah-Nyo.

MAZMUR 148:5 ပူးပေါင်းရင်းမြစ်များ

KAJADIAN 1:6

Lapas aijo' Tumpu notatae mule', “Timbalimo na sa' angu' bau pongompok, da bau pombagi uee aijo' timbali ohua', ka' da pongompok toto sa'angu' na uee aijo' anu binagimo ohua' na tampatnyo anu gina'atmo.” Lantas han aijo' tinimbalimo. Sumo aijom na Tumpu nombau pongompok anu nongga'atakonmo uee anu i aluknyo nu pongompok ka' uee anu i buannyo.

MAZMUR 103:20

O, puji' na Tumpu, o, belemiu to mala-malaekat-Nyo anu to babaani, anu mompotombihing ka' mombau anu nu palentahkon.

MAZMUR 95:5

Ia mongkuasai ambai, kalana Ia na nompotimbali, katano'an suele limanyo na nombau.

AMOS 9:6

Tumpu nombau laigan-Nyo majo'on aita' mae i langa, dunia pinokona-Nyomo langit susumo atopnyo gio-gio' matingkou', ka' uee lengkat i ambai ilambe'-Nyomo i katano'an, anu nombau haha aijo' sanggo-Nyo aijo'mo Tumpu!

ANU PINOTO'I HI YOHANES 4:11

“O Tumpu, o Tumpu mami! Ola Belento na pantas montalima pompuji', pongadati ka' kuasa. Kalana Belento na nompotimbali iwi-iwi' na apaa, ka' kalana pongka'oho' nu Belento suele iwi-iwi' apaa tinimbalimo, ka' tinumuu'mo.”