MAZMUR 148:4 - KITAB NU TUMPU ALLA LELE MA'IMAI'

⁴ Opuji' na Ia, Opuji' na Ia, o uee anu aita' i langit!

MAZMUR 148:4 ပူးပေါင်းရင်းမြစ်များ

KAJADIAN 1:6

Lapas aijo' Tumpu notatae mule', “Timbalimo na sa' angu' bau pongompok, da bau pombagi uee aijo' timbali ohua', ka' da pongompok toto sa'angu' na uee aijo' anu binagimo ohua' na tampatnyo anu gina'atmo.” Lantas han aijo' tinimbalimo. Sumo aijom na Tumpu nombau pongompok anu nongga'atakonmo uee anu i aluknyo nu pongompok ka' uee anu i buannyo.

KAJADIAN 7:11

Tempo'nyo umun i Nuh 600 mo na taun, kona i tanggan sampulu'mo ka' popitu' bitu'on ko ohua'nyomo, iwi-iwi' na matanyo nu uee i aluk nu dunia nobiha'mo. Iwi-iwi' na sabatan nu uee aita' i langit tinontuhea'mo,

1 TOMU-TOMUNDO' 8:27

Panyo' O Tumpu Allah, pa' totu-totu'u ahi sanang na Belento jojoong i dunia aiya? Mau langit songko-songko madi' sampa' na ko ewanyo bau kajojoongan nu Belento apaa mule' ola laigan bau ponsomban anu binaungkumo aiya!

2 TAWARIKH 2:5

Aku mongkahanda'i da Laigan nu Tumpu anu ku bau aijo' timbali sa'angu' na laigan anu talasanggo, kalana Tumpu Allah mami lebe talasanggo molingkudui pilogot maumo pa' iyaya mae.

NEHEMIA 9:6

Lapas aijo' mian da'isan nu aha Israel binalado'amo sumo uuka: “Belentomo na Tumpu, belentomo Sa'a-sa'angu'nyo na Tumpu Allah; pinotimbalimo nu Belento na mandala' iwi-iwi' aita' i langa, ka' suele ambai tiba tano' ka' iwi-iwi' na anu daagi' i unonyo, lantas pinotumuu'mo nu Belento ka' jinaganmo nu Belento. Iwi-iwi' na anu balakuasa aita i langit tolodadupu monsombah Belento; aha montuluti Belento ka' tina'alukmo.

MAZMUR 104:3

Belento nongkokamo langit susumo kemah, ka' nompotinjomo Laigan nu belento kiita' mae i langit i bawo nu uee. Kundom haha aita' binaumo kareta nu Belento, polipik nu mombun aijo' na binau kasake'an nu Belento.

MAZMUR 113:6

Panyo Ia maninduku mae na kahanda' montoa langit tiba tano'.

MAZMUR 68:33

Panyanyimo sombahkon hi Tumpu, o, iwi-iwi' na kalaja'an, o, nyanyi na bau pompuji'-puji' Tumpu,

MAZMUR 69:35

Puji' na Tumpu o, langit tiba tano', ndalangon tiba iwi-iwi' na anu konyawanyo anu kiijo' i unonyo.

2 KORINTUS 12:2

Kusumbu' samian na Kristen u'utu mae sampulu'mo ka' opat na taun anu i hikuhakonmo, i hangkatmo nokiita' i tampat anu matangkas hondo i suluga'. (Aku madi' monsumbu' pa' butongnyo totu-totu'u tinahangkat kabai ola susumo anu kinohiabakon – ola Tumpu Allah na monsumbu'.)

PO'ULE' INGULIT 10:14

Tumpu Allah nu belemiu ko langit-Nyo matangkas; ka' ko tano'-Nyo ka' iwi-iwi' apaa na anu daagi' aijo' i tano'.