MAZMUR 148:14 - KITAB NU TUMPU ALLA LELE MA'IMAI'

¹⁴ Ia nompohosonmo bansa-Nyo, sahingga Ia lewa'mo nupuji' nu mian anu pinalesayamo hi Ia, Israel, mian anu nu kalibosi. Opuji' na Tumpu!

MAZMUR 148:14 ပူးပေါင်းရင်းမြစ်များ

MAZMUR 112:9

Ia mombagi-bagiakon halata'nyo, ka' mombee'i apa-apaa hi mian anu kasiasi; ia saja' mombau anu ma'ima', kalana aijo' ia balakuasa ka' oholomati.

MAZMUR 145:10

Iwi-iwi' na anu pinotimbalimo nu Belento mompuji'mo Belento, o, Tumpu, iwi-iwi' na anu pinalesayamo hi Belento montalima kasemo hi Belento.

MAZMUR 149:9

da ohukumo na to bansa-bansa kalana palentah nu Tumpu. Aijo'mo na ka'untungan nahampate na mian anu Nu kalibosi. O puji' na Tumpu!

MAZMUR 75:10

Panyo aku sabole-boleh saja' mombebakon Tumpu i Yakub, monyanyi, nyanyian anu bau pompuji' Ia.

MAZMUR 89:17

Sansina-sinaa aha sanang na kinyonyoanyo ka' sabole-boleh palesaya, kalana kanonongan nu Belento.

MAZMUR 89:18

Belento nompo'untungmo hondo kami mahampate, kalana samata-mata kanonongan nu Belento sahingga kami inguntungmo na nahampate.

MAZMUR 92:10

Osumbu' mami sampobali' nu Belento opateimo ingko-ingkot, o, Tumpu, iwi-iwi' na mian anu ma'idek na kinyonyoa oga'a-ga'at madi'mo oposa'angu'.

YEREMIA 17:14

O Tumpu popa alin mae na aku, da aku mahosonmo. Posalamatakon mae na aku, da aku salamatmo. Olanyomo ahi' belento na anu Ku holomati hondo!

LUKAS 1:52

To Tomu-tomundo tinauhakon-Nyo na pangkatnyo ka' mian loloison i hangkatakon.

LUKAS 2:32

Sumo jingka anu monjingkai jalan bagi nu to bansa-bansa sangga'at, da toka hi Belento; aijo'mo jingka anu mompotoka mae kadaka'an bagi nu mian-To anu palesayamo Israel.”

EFESUS 2:13

Panyo uuka, kalana komiu nosa'angu'mo tiba i Kristus Yesus, komiu anu naipuan mae majo'on, panyo kalana i Kristus sinilakamo jadi aijo'mo na nompo ohani.

EFESUS 2:17

Mokonyo aijo' i Kristus tinokamo nompolele Lele Ma'ima' mongkona paladamean aijo' hi komiu; mau misa' hi komiu mian nu Yahudi anu naipuan mae majo'on hi Tumpu, maumo hi mian nu Yahudi anu ohani hi Tumpu.

EFESUS 2:19

Mokonyo aijo', komiu madi'mo minsoop hi mian anu i salipu'an kabai mian anu i sambiha'nyo. Komiu uuka aiya nohingga-hinggatmo mian anu palesayamo hi Tumpu. Komiu tinimbalimo sampoto utusan hi Tumpu.

PO'ULE' INGULIT 10:21

Opuji' na Ia kalana Ia Tumpu Allah nu belemiu. Posi matamo nu ubak miu na nontoa palabuataan anu toto daka-daka' hondo ka' okabuhuk apaa na anu binau-Nyo hi belemiu.

PO'ULE' INGULIT 4:7

Bansa daka' iya na anu ko pilogotnyo ka' anu ohani hondo aijo' de opalaluimo susumo Tumpu Allah-nto ohani hondo hi kita? Ia montaami de kita momoitamo tulung hi Ia.

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.

1 SAMUEL 2:1

Lantas i Hana binalado'amo, ia notatae, “Tumpu nompolame'mo kinyonyoangku; anu binau binauNyo nomposanangmo santu'ku. Sinanangmo na aku mompopo ambang sampo bali'ku, kalana totu-totu'u Tumpu Allah nontulungimo mae aku.