MAZMUR 147:6 - KITAB NU TUMPU ALLA LELE MA'IMAI'

⁶ Ia mohangkat mian anu pinosakisamo panyo mian anu ma'idek na kinyonyoanyo Nu lumbu'akonmo i tano'.

MAZMUR 147:6 ပူးပေါင်းရင်းမြစ်များ

MAZMUR 145:14

Tumpu montulungi mian anu i uno nu kasusa'an, Ia montinjohi mian anu madi' panggaga.

MAZMUR 149:4

Tumpu mongka'ima'i hondo mian anu palesayamo hi Ia; Ia mombee'i ka'untungan mahampate hi mian anu madi' buulon.

MAZMUR 25:9

Tumpu na mompotingaan mian anu madi' kobubuun, ka' mompokinde'imo aha mosia na pongka'oho'-Nyo.

MAZMUR 37:11

Mian anu madi' buulon na saidi' mae mompusaka'i tano' aijo', ka' monta'up kantumuu' anu ma'ima' ka' molabi-labi.

MAZMUR 41:13

Belento nontulungimo mae aku kalana aku madi' tageo' na kinyonyoa, ka' nompobee'mo aku tumuu' hingga-hinggat tiba Beleyum sampe toka sidu-sidutu'.

MAZMUR 55:23

De bata-batamo na beleyum kalana mabuhukmo asanakonmo hi Tumpu, sahingga Iaje na montulungi beleyum; kalana mian anu hodi' na kinyonyoanyo, madi' ola nu pojohok nu Tumpu na ia opatundu.

ZEFANYA 2:3

Pobalikmo mae hi Tumpu o mian iwi-iwi' anu madi' buulon ilipu' aiya, ka' mule' mian iwi-iwi' anu montuluti palentah-Nyo. Soba pombau apa-apaa mombatuki pongka'oho' nu Tumpu ka' bolimo ko bubuun i ahop-Nyo. Ihe na monsumbu' belemiu opoluputmo ihukuman de tokamo na sinaanyo nu Tumpu mompotoa tambuha'-Nyo.

MALEAKHI 4:3

Kona isinaa aijo' Aku momputusimo, ka' mule' belemiu mompatundu'mo to mia-mian anu ma'idek na palabuatannyo, sahingga aha sumomo abu' anu opahampeja'akonmo nu belemiu.

MATIUS 5:5

Bila-bilahi na mian anu madi' ko tige-tige; Tumpu tionyo mongganapije janji'-Nyo hi aha!

YAKOBUS 4:10

Tionyo ahi' komiu mompati'alukakon butong hi ahop nu Tumpu, sahingga nu hangkatje nu Tumpu na komiu.

1 PETRUS 3:4

Panyo belemiu handa tionyo ahi' molengkat mae i uno nu kinyonyoa, kalakuan anu tobos ka' madi' solaa' hengge'; aijo' ahi' na handa anu sampe toka sidu-sidutu' ka' anu talalo ko angga'nyo i pontoan nu Tumpu.

1 PETRUS 5:6

Kalana aitu, pati'alukakon na butong nu belemiu i aluk nu lima nu Tumpu anu maho-mahoson, da Nu hangkat na belemiu de tokamo na tempo'nyo.

1 SAMUEL 2:8

I uno nu kasusa'an ihangkatNyomo na mian anu madi' ko apa-apaa, i uno nu kasansala'an pinobebasNyomo na mian anu madi' kokaliangannyo. Aha pinotimbalimo sangalu nu to mia-mian tulunan nu mian daka', ka' binee'anmo pangkat anu o angga'i. Paningkokoan nu dunia, nu Tumpu, ka' aita'i buannyo na pinombauanNyo dunia.