MAZMUR 147:3 - KITAB NU TUMPU ALLA LELE MA'IMAI'

³ Ia nompa'alinmo mian anu madi'mo ko anu opitaha-taha'imani, ka' mombobodimo iwi-iwi na bela nu aha.

MAZMUR 147:3 ပူးပေါင်းရင်းမြစ်များ

AYUB 5:18

Kalana Tumpu Allah na nomposakiti ia mule' ahi' na mompakuli'i. Ka' limanyo na nondoke, limanyo mule' ahi' na po'ule' mompo'alin.

MAZMUR 34:18

De maluanyo mian anu bala iman hondo, mongkakase momoita tulung, nu hongo nu Tumpu, ka' momposalamatakon aha da madi' nu kona nu iwi-iwi' na kasusa'an.

MAZMUR 34:19

Tumpu ohani hi mian anu kinesewamo; ka' momposalamat mian anu madi'mo ko sumangatnyo.

MAZMUR 51:17

O Tumpu tulungiakon mae na aku motatae, sahingga aku mompuji-puji'mo Belento.

YESAYA 57:15

Kalana sumo uukamo na potatae nu Tumpu Anu Matangkas na Kuasanyo ka' susi', anu balakuasa sampe toka sidu-sidutu', “Kajojoongan-Ku i tampat anu matangkas ka' susi', panyo suele ahi' jojoong hi to mia-mian anu ma'ima' na kinyonyoanyo, ka' anu binalatobatmo isinin na dosa' nu aha, da opo'ule'mo na sumangat nu aha tiba halapan nu aha.

YESAYA 61:1

Kuasa nu Tumpu Anu Matangkas na Kuasanyo aiyamo hi belengku; Ia nompile'imo aku ka' nonsaimo aku da momboa lele ma'ima' hi mian anu kasiasi ka' mompa'alin mian anu ihansunmo na kinyonyoanyo; da mombebakon hi mian anu tinahanmo saba' aha malia'mo opobebas, ka' hi to mia-mian i uno nu talungku' saba' aha osabatakonmo.

YEREMIA 33:6

Panyo saidi' mae po ule'mo Ku bau susumo u'utu mae momonanyo na ka ada'an nu kota' aiya tiba miannyo anu ikiijo'; aha po ule'mo mahoson mule'. Ku bee'imo na aha kantumuu'an anu sanang ka' mule' madi'mo ko anu lewa' mompoposia aha.

YEHEZKIEL 34:16

Anu nolapusmo Kulio, anu tinalasmo Ku sule'akonmo, anu binelaonmo Ku bobodi, anu masakit Ku pakuli'imo; panyo anu molompo' ka' mule' mahoson Ku pateimo kalana Akumo na polaya' anu momba-mombau apaa na anu ma'ima'.

MALEAKHI 4:2

Panyo kona hi belemiu anu tulu-tulutan hi beleng-Ku, kuasang-Ku na momposalamat anu bete'mo mae susumo batu nu sinaa ka' jingkanyo momboa mae kahosonan nu mian anu masakit. Belemiu bebasmo ka' mule' lame'mo susumo anak nu sapi' anu salaje' mosabat mae i pangkunnyo.

LUKAS 4:18

“Roh nu Tumpu daagi' hi beleng-Ku, kalana Ia nohangkatmo Aku da mompolele Lele Ma'ima' hi mian kasiasi. Ia nompokau Aku da mompoto'iakon opobebasmo na mian anu i hakop ka' kapa'alinan nu mian mapisok; da bau pompobebas mian anu o sansala