MAZMUR 146:8 - KITAB NU TUMPU ALLA LELE MA'IMAI'

⁸ ka' mian anu mapisok opo'alinmo sahingga moko alamo montoa. Ia na mohangkat mian anu tinohumpukmo, ka' mongkalibosi mian anu hodi' na kinyonyoanyo.

MAZMUR 146:8 ပူးပေါင်းရင်းမြစ်များ

MAZMUR 11:7

Kalana Tumpu manonong ka' adin, Ia mongkalibosi mian anu mombau anu ma'ima' mian anu madi' tageo' na kinyonyoanyo montoa ka' monsumbu' Tumpu.

MAZMUR 145:14

Tumpu montulungi mian anu i uno nu kasusa'an, Ia montinjohi mian anu madi' panggaga.

MAZMUR 147:6

Ia mohangkat mian anu pinosakisamo panyo mian anu ma'idek na kinyonyoanyo Nu lumbu'akonmo i tano'.

YESAYA 35:5

Tempo'nyo aijo' mian anu napisokmo moko alamo montoa-toa, ka' mian anu mabongon moko alamo mohongo.

YESAYA 42:16

Bansang-Ku anu napisokmo Ku taka'mo montulu jalan anu madi' nu sumbu' nu aha; aha Ku taka'mo montulu jalan anu madi' nu sumbu' nu aha. Kapintungan Ku potimbalimo da majingka hi aha, ka' jalan anu milebo-lebok Ku pohatamo. Aijo'mo na anu Ku bau hi aha, ka' memang ahi' Ku baumo.

YESAYA 42:18

Tumpu notatae, “Potombihing mae o, to mia-mian anu mabongon! Soba toa, o, to mia-mian anu mapisok!

MATIUS 11:5

Mian anu mapisok montoa, mian anu lupe moko lumajang, mian anu ko panyakit kilit anu okabuhuk ma'alin; mian mabongon nohongo, mian anu mate po'ule' tumuu', ka' Lele Ma'ima' lengkat hi Tumpu opotokakon hi to mia-mian kasiasi.

MATIUS 9:30

Sahingga aha timbali nontoa. Pinoto'i Yesus hi aha totu-totu'u, da boli mompoto'i han aijo' mau pe'e pa' hi he.

YOHANES 16:27

Kalana posimo Tuuma na mongkalibosi komiu. Ia mongkalibosi komiu, kalana komiu mongkalibosi Aku, ka' palesaya saba' Aku lengkat mae hi Tumpu.

SISIKON NU TO RASUL-RASUL 26:18

da aha mosabat lengkat i kapintungan ka' minsoop i uno nu jingka; da aha molapas i ponggodaan nu Ibilis, lantas nu kuasaimo nu Tumpu. Kalana palesaya hi beleng-Ku to dosa-dosa' nu aha o ampunimo ka' aha timbalimo mian anu palesayamo hi Tumpu, anu pinile'anmo na aha.’ ”

2 KORINTUS 7:6

Panyo talima kaseh, Tumpu saja' mompohoson kinyonyoa nu mian anu hentemo; Ia nomposanangmo kinyonyoa mami kalana tinokamo na i Titus.

EFESUS 1:18

Aku nongkakasemo da Tumpu mombuka' pikilan miu, sahingga timbali majingka; da belemiu monsumbu' apaa na anu timbali otaha'imani nu belemiu hi Tumpu anu nolagamo belemiu. Ka' suele da osumbu' miu mosia na balakat anu toto ima-ima' molabi-labi, anu nupotouka nu Tumpu bau bagi nu mian anu palesayamo hi Ia;

PO'ULE' INGULIT 33:3

Totu-totu'u, Tumpu mongkalibosi bansa-Nyo. Nu jagai na mian iwi-iwi' anu tinimbalimo anu-Nyo. Imbo' da kita tolodadupu i ahop nu tengke-Nyo ka' montuluti iwi-iwi' apaa na anu pinalentahkon-Nyomo.

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.