MAZMUR 146:6 - KITAB NU TUMPU ALLA LELE MA'IMAI'

⁶ Iamo na nompotimbali langit tiba tano', ambai tiba iwi-iwi' na isinyo; Ia saja' manonong sampetoka sidu-sidutu'.

MAZMUR 146:6 ပူးပေါင်းရင်းမြစ်များ

KAJADIAN 1:1

Momonanyo, salatan Tumpu nontampu'unimo nompotimbali songko-songko na dunia,

MAZMUR 100:5

Kalana Tumpu aijo' manonong; kalibosannyo sampe toka sidu-sidutu' ka' kanonongannyo aijo' sampe molundu-lundu na tulunan.

MAZMUR 115:15

O' amalakon da belemiu nubalakati nu Tumpu anu nompotimbali langit ka' tano'!

MAZMUR 117:2

Kalana daka' hondo na kalibosan nu Tumpu hi kita, kanonongan-Nyo tataap sampe toka sidu-sidutu'. O puji' na Tumpu!

MAZMUR 33:6

Tumpu nompalentah, sahingga langit jinadimo; batu nu sinaa, bitu'on tiba mandala' pinojadimo nu potatae-Nyo.

MAZMUR 89:2

Kalibosan nu Belento, o, Tumpu, saja'mo ku nyanyiakon, kanonongan nu Belento saja'mo ku bebakon sampe molundu-lundu na tulunan.

MAZMUR 89:33

aha Ku dokemo salaku bau pohukum kalana aha nolanggaimo atulan-Ku, ka' Ku bee'imo balaa' kalana dosa' nu aha iwi-iwi'.

MAZMUR 95:5

Ia mongkuasai ambai, kalana Ia na nompotimbali, katano'an suele limanyo na nombau.

MAZMUR 98:3

Ia nonginau'mo kalibosan ka' kanonongan-Nyo, hi Israel, hi mian anu palesayamo hi ia. Iwi-iwi' na bansa, i songko-songko na dunia nontoamo ka'untungan nu Tumpunto nahampate.

NOSABATMO 20:11

I uno nu tempo' anu anom sinaa Aku, Tumpu, nompotimbalimo tano', langit, ambai ka' iwi-iwi' na anu jojoong i unonyo, panyo i sinaa ko iptunnyo Aku nilawemo. Mokonyo aijo' Aku, Tumpu, nombalakatimo sinaa nu Sabat ka' ingalang-Kumo bau baging-Ku.

YEREMIA 32:17

“Tumpu Anu Matangkas na Kuasanyo, Belentomo na anu nompotimbalimo langit tiba tano' nu kuasa tiba kamampuan nu Belento anu daka' hondo. Madi' ko anu madi' nu poko ala Nu bau.

DANIEL 9:4

Iwi-iwi' na dosa' nu bansangku ingakuankumo hi Tumpungku. Aku notatae, “O, Tumpu, belentomo na aku daka'na kakuasa'an, ka' kami mongangga'i Belento. Belento saja' mongganapi palajanjian nu Belento ka' nompotoamo mae kalibosan nu belento anu madi' ko kamingkotannyo hi aha anu mongkalibosi belento ka' mombau anu Nu palentahkon.

YOHANES 1:3

Iwi-iwi' na anu pinotimbali nolengkat mae hi Ia, ka' iwi-iwi' na anu daagi', madi' ko sa'angu' pe'e na anu pinotimbali de misa' Ia.

YOHANES 10:34

Lantas i Yesus nontaami, “Te misa' i uno nu Kitab nu Atulanum tinulis: Tumpu notatae, ‘Te beleyum tumpu?’

SISIKON NU TO RASUL-RASUL 14:15

“Ee, kadaka' komiu mombau aiya? Kami aiya mule' mian sumo-sumomo kita Utus! Kami toka aiya da mompolele Lele Ma'ima' hi komiu, da komiu mompala'i hahan anu madi' ko gunanyo aiya ka' toka hi Tumpu anu tumuu', anu nompotimbalimo langit ka' tano' ka' ambai ka' iwi-iwi' anu daagi' i unonyo.

PO'ULE' INGULIT 7:9

Otutugi ahi' saba' Tumpu Allah nu belemiu ola sa'a-sa'angu'nyomo Ia na Tumpu Allah, ka' Iamo na Tumpu Allah anu talalo manonong. Tumpu mongganapimo apaa na anu jinanji'-Nyomo ka' nompotoamo kalibosan-Nyo sidu-sidutu' sampe samadala na lapisan nu lee'nyo nu aha mian anu mongkanonongi Ia ka' tulu-tulutan hi iwi-iwi' na palentah-Nyo.

KOLOSE 1:16

Kalana nontului jalan hi Ia, Tumpu nompotimbalimo iwi-iwi na apaa anu i suluga' ka' i bawo nu dunia, iwi-iwi na apaa na anu kantoan ka' anu madi' kantoan, tibamo suele iwi-iwi na roh anu ko kuasa ka' anu mompalentah. Songko-songko na dunia aiya pinotimbalimo montului jalan hi Kristus ka' da baumo anu i Kristus.

TITUS 1:2

Pangajalan aijo' nimpu'u i anu otaha'imani, aijo'mo kita montalimaje kantumuu'an kopian ka' sampe toka sidu-sidutu'. Tumpu Allah nonjanji'mo kantumuu'an aijo' ma'isa pe'e dunia aiya tinimbali – ka' Tumpu madi' toho' baleko'.

IBRANI 6:18

Ohua' na han aijo' madi'mo daagi' mongabali': Tumpu madi' toho' baleko' i janji'-Nyo ka' sumpa'-Nyo. Kalana aijo', kita anu ningkongmo hi Tumpu, kinakeha'mo da mahoson na mintoong hi anu otaha'imani anu naningkoyamo i ahopto.

ANU PINOTO'I HI YOHANES 14:7

Malaikat aijo' notatae daka-daka', “Pabuhukmo hi Tumpu Allah ka' o puji' na katalasanggoan-Nyo! Kalana tempo'nyomo na Tumpu momputusimo mian. O sombah na Ia anu nompotimbalimo langit, tano', ambai ka' iwi-iwi' na mata nu uee!”