MAZMUR 145:15 - KITAB NU TUMPU ALLA LELE MA'IMAI'

¹⁵ Iwi-iwi' na anu ko nyawanyo montaha'imani Belento; Obee'i nu Belento mongkaan na aha de tempo'nyomo nu pongkaanan.

MAZMUR 145:15 ပူးပေါင်းရင်းမြစ်များ

KAJADIAN 1:30

Panyo iwi-iwi' na tomonsi' ka' binatang anu ma'ela' sangga'at, Ku bee'i hemput ka' sosu'anon anu ko honnyo salaku kaanonnyo.” Sahingga han aijo' tinimbalimo.

MAZMUR 104:21

Singa anu toto bata-bata'nyo nintaumo molio anu nu sa'u, mompoita kaanon anu pinotoukamo nu Tumpu.

MAZMUR 104:27

Aha iwi-iwi' montaha'imani tulungan nu Belento da mohumpak anu okaan de tempo'mo nu pongkaanan.

MAZMUR 136:25

Batu-batu anu ko nyawanyo Nu bee'i mongkaan, kalibosan-Nyo sampe toka sidu-sidutu.

MAZMUR 145:9

Ia manonong hi batu-batu mian, ka' nukalibosi iwi-iwi' apaa na anu pinotimbali-Nyomo.

YOËL 2:22

O to bina-binatang boli gago' na kinyonyoa. To pada-padang hemput uuka aiya nolumba'mo. Talalomo hondo nahampe na bua'nyo nu to kau-kau' bua'nyo nu anggur tiba ara nolabi-labimo.

MATIUS 6:26

Toa na tomonsi' i langa. Aha madi' mosu'an, madi' mompadak, ka' madi' mule' mompolimu' hasin anu sinu'annyo i uno nu alang. Mau mule' sumo aitu Tuumaum anu i suluga' mompotuu' aha! Te misa' komiu lebe ko angga'nyo molingkudui tomonsi'?

LUKAS 12:24

Soba potomatakon na to tomo-tomonsi' papaa'! Aha madi' monsu'an, madi' mompadak, madi' mule' ko gudang kabai alang. Panyo Tumpu mompotuu' aha! Komiu lebe ko angga'nyo molingkudui to tomo-tomonsi'!

SISIKON NU TO RASUL-RASUL 17:25

Ia mule' madi' mompalalui pontulungi nu mian, kalana Iamo na anu mombee'i kantumuu'an ka' santuu' ka' iwi-iwi' na apaa hi mian.