MAZMUR 145:10 - KITAB NU TUMPU ALLA LELE MA'IMAI'

¹⁰ Iwi-iwi' na anu pinotimbalimo nu Belento mompuji'mo Belento, o, Tumpu, iwi-iwi' na anu pinalesayamo hi Belento montalima kasemo hi Belento.

MAZMUR 145:10 ပူးပေါင်းရင်းမြစ်များ

MAZMUR 103:22

O, puji' na Tumpu, o belemiu iwi-iwi' anu pinotimbalimo nu Tumpu, anu jojoong i songko-songko na da'erah kakuasan-Nyo. O, puji' na Tumpu, o, santuu'ku!

MAZMUR 104:24

Talalo hondo manjoo' na anu pinotimbalimo nu Belento, Tumpu, iwi-iwi' pinotutugakonmo nu Belento ima-ima' na nompotimbali; dunia nobuke'mo nu anu pinotimbalimo nu Belento.

MAZMUR 149:5

Bakas da mian anu palesayamo hi Tumpu balame-lame' kalana kakaya'an-Nyo, ka' manyanyi sampahu na lewa' bilahi.

MAZMUR 19:1

Anu mongkapalai panyanyi Mazmur i Daud.

MAZMUR 22:23

Apa-apaa na anu nubau nu Belento tionyo ku sisik hi to utu-utusku; de mompahasingka-singkabotmo tiba to mia-mian anu palesayamo hi Belento ku puji-puji'mo na sanggo nu Belento.

MAZMUR 30:4

Belento nompoluputmo mae aku da madi' sinilaka, ka' nompotumuu'mo mae aku da madi' sinilaka susumo mian sangga'at anu sinilakamo.

MAZMUR 30:5

Nyanyi na nyanyian bau pompuji-puji' Tumpu, o mian anu palesayamo hi Ia ka' tulu-tulutan ka' mule' pontalimakasehmo hi Ia Anu Susi' hondo.

MAZMUR 32:11

O to mia-mian anu bala iman, bila-bilahimo ka' balame-lame'mo, kalana nongoa'imo apaa na anu binaumo nu Tumpu. Pontaligalaimo ka' bilahimo, o iwi-iwi' na mian anu madi' tageo' na kinyonyoanyo!

MAZMUR 57:9

O, santuu'ku, pobulaamo! O, pobulaamo, gambus ka' kasapi! Aku mombulaakonmo jingka nu sinaa.

MAZMUR 68:26

Aita' momona anu i lumajang to mia-mian anu manyanyi, akaong mae i mihi-mihinyo to mia-mian anu mongkuti' kasapi'; i totonga'nyo to lalangkoyang anu mohapa'i gandang; sumo uuka na nyanyian nu aha:

MAZMUR 69:35

Puji' na Tumpu o, langit tiba tano', ndalangon tiba iwi-iwi' na anu konyawanyo anu kiijo' i unonyo.

MAZMUR 97:12

Balame-lame'mo, o to mia-mian anu hodi' na kinyonyoanyo, kalana nontaupmo apaa na anu binaumo nu Tumpu, ka' pontalima kasemo hi Tumpu anu susi' hondo.

YESAYA 44:23

Pontaligalaimo lame-lame' o, langit pontaligalimo hoso-hoson o, anu i uno nu tano'! Pontaligalaimo lame-lame o, to bungku-bungkutnyo! ka' suele alas ka' mule toto sa'angu' na kau' anu kiijo' i alas! Kalana Tumpu nompotoamo kakuasa'an-Nyo anu daka' hondo, aijo'mo ia nomposalamatmo mian anu palesayamo hi Ia.

IBRANI 13:15

Kalana aijo', binuka'mo i Yesus na jalan sahingga kita saja'mo ahi' mompuji-puji' Tumpu; aijo' salakumo koloban pontalima kasento hi Ia, anu osombahkonto otaloakon nu biwi bau pompopodaka' sanggo-Nyo.

1 PETRUS 2:5

Belemiu sumomo to batu-batu anu tumuu'. Kalana aijo' tionyo ahi' da belemiu opake bau pompotinjo Laigan nu Tumpu, aijo'mo posa'angu'an nu mian anu pinalesayamo. Desumo aitu yo belemiu timbalimo to ima-imam, anu tumuu' matungka' bau kapentingan nu Tumpu Allah, ka' kalana i Yesus Kristus nonsombahkonmo butongnyo binau koloban rohani anu nuka'ima'i nu kinyonyoa nu Tumpu.

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.