MAZMUR 145:1 - KITAB NU TUMPU ALLA LELE MA'IMAI'

¹ Bau pompuji' lengkat hi i Daud. Aku mompopodaka'mo Belento, o, Tumpungku ka' Tomundo'ku, ka' mompuji'mo Belento sampe toka sidu-sidutu'.

MAZMUR 145:1 ပူးပေါင်းရင်းမြစ်များ

1 TAWARIKH 29:13

Uuka aiya, o Tumpu Allah mami, kami montalima kase hi belento, ka' o puji' mami na sanggo nu Belento anu o adati.

MAZMUR 100:1

Mazmur de mongkolobanakonmo bau pontalima kaseh. Taligalai na Tumpu, o belemiu songko-songko na dunia!

MAZMUR 118:28

Belentomo na Tumpu Allah-ngku, aku montalima kaseh hi Belento, O, Tumpungku, ku popodaka'mo na Belento.

MAZMUR 145:21

Aku saja'mo mompuji' Tumpu, O'amalakon da anu-Nyo iwi-iwi' apaa na anu ko nyawanyo mompuji'mo sanggo nu Tumpu sampe toka sidu-sidutu'.

MAZMUR 146:2

Aku mompuji'mo Tumpu i uno nu kantumuu'anku, ka' ku nyanyiakon hi Tumpungku de aku daagi' tutuu'.

MAZMUR 149:2

Balame-lame'mo, o Israel kalana Ia na anu nompotimbalimo beleyum; bila-bilahimo, o mian anu jojoong i Sion kalana tomundo' nu beleyum!

MAZMUR 30:1

Mazmur i Daud. Nyanyian anu onyanyi momposawe'imo Laigan nu Tumpu.

MAZMUR 30:12

Haangku pinojadimo nu Belento tarian anu lame' Ingalamo nu Belento na kasusa'an nu kinyonyoangku ka' pinobuke'anmo nu Belento na aku nu kalame'an.

MAZMUR 30:2

Aku mompuji'mo Belento o Tumpu, kalana Belento nomposalamatmo mae aku ka' madi'mo nompojohok sampobali'ku lewa' nongkokojoi mae aku.

MAZMUR 34:1

Mazmur i Daud, tempo'nyo ia nimpula-pulamo madi'mo noko ala binapikin i ahop i Abimelekh, sahingga ia ila'mo lantas ia nambamo.

MAZMUR 44:4

Tano' aijo' madi' pino ago nu aha nonggunakon bajak misa' ola posi kahosonan nu butong nu aha sahingga aha inguntungmo na nahampate, panyo kalana kakuasa'an tiba jingka salaku tanda daagi' ko Belento hi aha kalana Belento na sanang ahi' hi mian anu palesayamo hi Belento.

MAZMUR 45:1

Mazmur nu aha sa'anakan i Korah. Nyanyian mongkalibosi. Anu mongkapali panyanyi. Ingala ilagu nu nyanyian; Bunga bakung.

MAZMUR 45:6

Pana' nu beleyum mata-matajom molampasmo sule nu mian anu mongewa mae beleyum, to bansa-bansa singkapmo motua' i ahop nu tengke nu beleyum.

MAZMUR 5:2

O Tumpu, potombihingakon mae na potataengku, toakon mae na kasusa'anku.

MAZMUR 5:3

De timbali talimakon na anu ku kakase aiya ka' tulungiakon mae na aku, O Tomundo'ku ka' Tumpu-ngku.

MAZMUR 52:9

“Aijo'mo na mian anu madi' mihohung' hi Tumpu, panyo montaha'imani kakaya'annyo anu nanjoo'mo hondo ka' moliomo kasangan ibalang anu sola' ingagoannyo hi mian.”

MAZMUR 68:4

Panyo mian anu palesayamo totu-totu'u na bilahimo ahi' ka' lame'mo, aha lewa'mo montaligalai i ahop nu Tumpu kalana sinanangmo.

MAZMUR 75:9

Tumpu motambuha' sumomo mangko' aijo' i lima-Nyo, mangko' aijo' ko isinyo anggur anu molangui hondo. Tumpu mombubusakonmo isinyo, iwi-iwi' na mian anu ma'idek na kinyonyoanyo i dunia aiya tionyo ahi' monginum sampe mingkot.

MAZMUR 95:3

Kalana Tumpu aijo'mo na Tumpu anu talasanggo hondo, Tomundo' anu baani, anu molingkudui iwi-iwi' na pilogot.

MAZMUR 96:2

Panyanyimo puji na Tumpu, ka' puji' na Ia; sansina-sinaa bebakon na lele anu moko lame' saba' Ia nomposalamatmo kita.

YESAYA 33:22

Iwi-iwi' na palasadia'an nu aha kiijo' ikapan madi' kogunanyo; sinin na kadutnyo madi' opoko ala obokakon! Iwi-iwi' na kakaya'an nu suludadu anu monsampobali' kita opahuhuakontomo ka' manjoo' hondo na anu ohumpakto, sahingga mau mian anu kapi' mohumpak ahi' bagian. Tumpumo na timbali tomundo'to; Iamo na mompalentah, montoongi atulan hondo-hondo ka' momposalamatmo kita da madi' nu poposia nu anu monsampobali'mae kita.

YESAYA 38:20

O, Tumpu Belento nompo alinmo aku, sahingga kami nonyanyimo nyanyian bau pompuji' iLaigan nu Belento, okutiakon kasapi', i uno nu kantumuu'an mami.”

DANIEL 4:37

Jadi uuka aiya aku i Nebukadnezar mompuji'mo, mompopodaka'mo katalasanggoan nu Tomundo' nu Suluga'. Iwi-iwi' na anu binau-Nyomo totu'u ka' mule' adin ka' moko ala mompota'aluk mian anu kalakuannyo takabun.

MALEAKHI 1:14

Mohumpak kutuk na anu topo akali anu mompalasombahkon hi beleng-Ku binatang anu madi'mo mingkaliangan de memang ahi' hi aha aijo' daagi ko potuu'onnyo anu jinanji'nyomo binatang anu ma'ima na osombahkon hi beleng-Ku! Kalana Akumo na Tomundo' anu Talasanggo ka' mule' o adati nu iwi-iwi' na bansa.”

MATIUS 25:34

Lapas aijo', Tomundo aijo' notatae hi to mia-mian anu i sasu koanan-Nyo, ‘Imbo' na komiu anu binalakatanmo nu Tuumang-Ku. Pinsoopmo i uno nu Kalaja'an anu pinosadiakon hi komiu salatanmo pe'e dunia momona.

ANU PINOTO'I HI YOHANES 19:16

I juba'-Nyo ka' i pa'anyo tuli-tulis na sanggo sumo uuka, “Tomundo nu tomundo iwi-iwi', ka' Tumpu nu tuan iwi-iwi'.”