MAZMUR 144:13 - KITAB NU TUMPU ALLA LELE MA'IMAI'

¹³ O'amalakon da alangto iwi-iwi' mobuke'mo nu isinyo, mongangahan na isinyo nu ale'. O'amalakon da dombanto iwi-iwi' anu kiijo' mae i tampat padang, minganakmo sampe mopulu-pulu'mo na madala na konjo'nyo.

MAZMUR 144:13 ပူးပေါင်းရင်းမြစ်များ

IMAMAT 26:10

Isi nu ale' nu belemiu molabi-labimo sahingga sukupmo na anu okaan sataun. Ka' mule' belemiu tantu monsabatakonmo labinyo nu anu pinadak pininmo da tampatnyo ponguna'anmo anu sala'je pinadak.

IMAMAT 26:5

Hasin nu ale' nu belemiu saidi' mae molabi-labimo, sahingga mau tempo'nyomo pontipuan bua' nu anggur, belemiu daagi' mompadak gandum. Ka' de tokamo na tempo'nyo motuganmo gandum, belemiu daagi' montipu bua'nyo nu anggur. Belemiu ko kaanonmo anu sukup ka' kantumuu'an nu belemiu sanangmo i lipu' nu belemiu.

MALEAKHI 3:10

Boa mae na anu sampulu' na bagian sambagian na o'ala ka' obee' mae iwi-iwi' i Laigan-Ku, da saja' ahi' manjoo' na anu okaan ikiijo'. Soba uji' mae na Aku da otoaje nu belemiu na Aku nombuka'mo sabatan nu suluga' ka' mule' mombee'imo iwi-iwi na anu ma'ima' manjoo' hondo hi belemiu.

PO'ULE' INGULIT 28:4

Obalakatimo na belemiu sahingga to ana-anak nu belemiu manjoo', isi nu ale 'miu molabi-labimo, ka' sapi' tiba mee', ka' domba nu belemiu mompaka pintuangmo.

PO'ULE' INGULIT 28:8

Tumpu Allah nu belemiu mombalakatije apaa na anu obau nu belemiu ka' mongisije alang miu iwi-iwi' nu gandum. Ia mombalakatije belemiu i lipu' anu binee'-Nyomo hi belemiu.

PO'ULE' INGULIT 8:3

Ia nompojohokmo belemiu da mo'ohop, lantas belemiu binee'an-Nyomo manna da okaan. Daagi' pe'e u'utu mae belemiu ka' mompolee' miu ma'isa toho' nongkaan kaanon aijo'. Tumpu nombau sumo aitu da mongajan belemiu kalana manusia madi' tumuu' de ola kalana anu okaan, panyo maumo pa' apaa na anu nutaeakon nu Tumpu timbali bau kantumuu'an.