MAZMUR 143:8 - KITAB NU TUMPU ALLA LELE MA'IMAI'

⁸ De subu-subumo po'ingatakon mae hi belengku na kalibosan nu Belento, kalana olamo Belento na anu ku taha'imani. Potiju'akon mae hi belengku na jalan anu tionyo ahi' ku jalani, kalana olamo hi Belento na anu pompotokanku do'a.

MAZMUR 143:8 ပူးပေါင်းရင်းမြစ်များ

MAZMUR 119:34

Balakatiakon mae na aku da mangalati' hi atulan nu Belento da saja' ku tuluti, ka' ku bau nu kinyonyoangku totu-totu'u.

MAZMUR 119:73

Belentomo na nompotimbali ka' nontali' aku, popangalati' mae na aku monggului' iwi-iwi' na palentah nu Belento.

MAZMUR 143:10

Potiju'akon mae na aku mombau pongka'oho' nu Belento, kalana Belentomo na Tumpungku. Belento manonong, ka' molaya'mo aku i jalan anu mahata.

MAZMUR 25:20

Jagai mae ka' posalamatakon mae na aku, da aku madi' ma'ambang, kalana aku mihohunghi Belento.

MAZMUR 27:11

Poto'i mae hi belengku apaa na anu nu kahanda'i nu Belento, o Tumpu, taka' mae na aku ijalan anu hodi', kalana sampobali'ku da'isan hondo.

MAZMUR 30:5

Nyanyi na nyanyian bau pompuji-puji' Tumpu, o mian anu palesayamo hi Ia ka' tulu-tulutan ka' mule' pontalimakasehmo hi Ia Anu Susi' hondo.

MAZMUR 32:8

Tumpu notatae, “Ku potiju'je na jalan anu tionyo ahi' nu jalani beleyum Ku taka'je ka' Ku pokinde'ije.

MAZMUR 46:5

Daagi' ko kaunyo anu mo ili mae mompolame'mo kota' nu Tumpu, tampat kajojoong nu Tumpu Anu Matangkas na Kuasa-Nyo.

MAZMUR 5:8

Panyo kalana talalo hondo Belento mongkalibosi, aku timbali minsoop i uno nu Laigan nu Belento. Aku tolodadupu monsombah mongahopi Laigan nu Belento anu susi', ka' ku sombah na Belento kalana talalo ku angga'i.

MAZMUR 59:16

Aha mamba momoya molio anu okaan, ka' mintaumo de madi'mo mobosu.

MAZMUR 86:4

O, Tumpu, polame'akon mae na kinyonyoa nu posaihon nu Belento aiya, kalana hi Belentomo na pomboanku kinyonyoangku.

MAZMUR 90:14

Bee'imo mae na kami kalibosan nu belento de subu-subumo, da kami lame'mo ka' saja'mo manyanyi i uno nu kantumuu'an mami.

YESAYA 30:21

De belemiu madi'mo montulu ijalan anu memang ahi' ojalani, aitu mae ihiku nu belemiu ohongomo na potatae-Nyo montaloakon, “Aiya ahi' mae na jalan; tuusakon na jalan aiya.”

YESAYA 48:17

Koonyo nu Tumpu nu Israel anu susi' anu Momposalamatmo beleyum, “Akumo na Tumpu nu beleyum anu nompogulu'mo hi beleyum apaa na anu mingguna hi beleyum, ka' nompotiju'mo beeyum jalan anu tionyo ahi' otului.

HOSEA 6:3

Kalana aijo' imbo' mo da kita mompagala ahi' totu-totu'u palesaya hi Tumpu. Ia totu-totu'u tokamo mae hi kita susumo sinaa kahandamo mae bete', ka' susumo mule' ujan mohomeimo tano' salatan ohanimo mingkot na lonu nu ujan.”

TO MIA-MIAN KOPIAN 13:12

Lantas pinokilawa i Manoah, “De anu pinoto'i nu belento tuan aijo' saidi' mae jadimo, apaa na anu tionyo ahi' nubau nu anak aijo'? Mosia na kantumuu'annyo saidi' mae?”