MAZMUR 143:2 - KITAB NU TUMPU ALLA LELE MA'IMAI'

² Aku aiya posaihon nu Belento, boli mae mompulusi aku, kalana madi' ko mian anu madi' kokasala'annyo i ahop nu Belento.

MAZMUR 143:2 ပူးပေါင်းရင်းမြစ်များ

1 TOMU-TOMUNDO' 8:46

De mian anu pinalesayamo hi Belento binaladosa'mo hi Belento – memang totu-totu'unyo madi'mo daagi' ko samian anu madi' baladosa' – lantas kalana Belento montambuha'mo opojohokmo nu Belento na aha nu patundu'mo nu sampo bali' ka' mian anu i hakopmo oboamo i lipu' sangga'at anu majo'on kabai anu ohani

AYUB 14:3

O Tumpu Allah, madi' minsoop i akan na Belento mongka oho' monto mae aku, ka' mompopangadap aku da oputusi nu Belento!

AYUB 15:14

Pa totu'u na manusia madi' toho' ko kasala'annyo? Te timbali na ia opototu'u i ahop nu Tumpu Allah?

AYUB 25:4

Te moko ala ahi' susi' na manusia i mata nu Tumpu Allah? Te moko ala ahi' na ia belesi, de nutoa nu Tumpu Allah?

AYUB 4:17

“Ugaat manusia madi' ko kasala'annyo hi Tumpu Allah? Ugaat ia madi' ko anu opisala'i i mata nu anu nombau ia?

MAZMUR 130:3

De Belento saja' monginau' dosa' mami, o, Tumpu, ihe na moko ala totahan i ahop nu Belento?

NOSABATMO 34:7

Aku saja' mongkalibosi momada-madala na lee' ka' mongampuni kasala'an tiba dosa'; panyo mian anu ko sala'nyo madi' ko madi'nyo sabole-bole Ku hukum, ka' Ku hukum mule' na to ana-anaknyo ka' to maku-makumpunyo toka-toka i lee' ko totolu'nyo ka' ko opatnyo kalana dosa' nu tu'anyo nu aha.”

ANU MOMPOLELE POTATAE NU TUMPU 7:20

I dunia aiya madi' ko mian anu talakana'; madi' koa anu saja' mombau anu ma'ima' ka' madi' toho' binaladosa'.

ROMA 3:20

Kalana madi' ko samian pe'e na moko ala mompaha ima' tiba Tumpu, kalana mian aijo' mombau hahan anu daagi' i uno nu atulan nu agama. Ola ahi' atulan aijo' na mompotiju' hi mian taalu' mian aijo' baladosa'.

GALATIA 2:16

Mau mule' sumo aitu osumbu' mami saba' mian mompo'ule'mo ma'ima' tiba Tumpu ola kalana palesaya hi Yesus Kristus, ka' misa' kalana mompojalan atulan nu agama. Kami suele palesaya hi Yesus Kristus, da kami mompo'ule'mo ma'ima' tiba Tumpu Allah kalana palesaya totu-totu'u, misa' kalana kami mompojalan atulan nu agama. Kalana de ola mompojalan atulan nu agama, madi' ko samian pe'e na timbali mompo'ule'mo ma'ima' tiba Tumpu Allah.

1 YOHANES 1:10

Panyo de kita motatae tukoonto, kita madi' baladosa', kita monsangkamo au'aitu Tumpu baleko', ka' kita madi' mompo'una' potatae nu Tumpu i kinyonyoanto.