MAZMUR 142:4 - KITAB NU TUMPU ALLA LELE MA'IMAI'

⁴ Tempo'nyo me ise-ise' madi'mo ko anu ku taha'imani, sinumbu'mo nu Belento apaa na anu tionyo ahi' ku bau. I jalan anu tionyo ahi' ku tului, anu monsampobali' mae hoko-hokot nompokonamo so'o bau pohakop aku.

MAZMUR 142:4 ပူးပေါင်းရင်းမြစ်များ

AYUB 11:20

Panyo mian anu ma'idek na kalakuannyo montoa ia masakit na ubaknyo, kalana hi aha madi' ko anu montulungi. Me sa'a-sa'angu'nyo na anu nutaha'imani nu aha aijo'mo da ukun sampamo mae toka.”

MAZMUR 1:6

Kalana mian anu mohongo-hongo nu laya' ka' nu jagai nu Tumpu, panyo mian anu ma'idek na kinyonyoanyo mongahopimo kasilakaan.

MAZMUR 140:6

Madi' kino hengge-hengge' na mian anu sombong nompokonamo so'o bau pohakopnyo aku ka' nompokonamo bukili' bau pohakopnyo aku. I tutuus nu jalan tina'anmo nu aha na talong da bau pohakop aku.

MAZMUR 141:9

Jagaiakon mae na aku da madi' nukona nu so'o anu pinokona pohakop aku, nu talong nu mian haha aijo' anu ma'idek na kinyonyoanyo.

MAZMUR 143:4

Aku madi'mo ko pikilan pa'apaa na anu obau, kinyonyoangku talalomo hondo biningung.

MAZMUR 31:11

Kantumuu'anku ningkotmo nu kasansala'an taun-taun anu aku tinumuu'mo pinala'ianmo tempo'nyo aitu lasaja' sinusa' ka' sinansala. Hosonku naga'amo kalana palabuatanku ma'i-ma'idek pakalaus mule' iwi-iwi na bukungku nahu'mo.

MAZMUR 69:20

Sinumbu'mo nu Belento na aku, iletakonmo, ingalumo, ka' pinobau-baumo tinoamo nu Belento iwi-iwi' na mian anu monsampobali' mae aku.

MAZMUR 88:18

Sansina-sinaa tambuha' nu Belento sumomo iaba' anu nontikumo mae aku nontumbuhimo mae aku lengkat mae iwi-iwi na tampat.

MAZMUR 88:8

Tambuha' nu Belento na nompaka piboatimo aku nokaiyong aku nahutemo kalana ingutunanmo nu tambuha' nu Belento.

YEREMIA 18:22

Palentah mae da nu potolokengkeng mae nu tololang na molambani mae laigan nu aha, sahingga aha lewa'mo mahakihisan kalana mabuhukmo. Aha nongkekemo bolo' da aku manabu'mo i unonyo, ka'aha nompota'anmo so'o bau pohakop nu aha aku.

YEREMIA 25:35

Belemiu memang madi'mo daagi' moko ala mopalai.

YEREMIA 30:17

Maumo ahi' sampobali' nu beleyum notataemo, ‘Sion binaamo, ka' madi'mo ko anu nompalahatikan’ panyo belemiu na po ule'mo ahi' Ku pohoson da madi'mo masakit. Ka' bela nu belemiu haha atina' Ku pakuli'imo.”

YUNUS 2:8

To mia-mian anu monsombah pilogot anu madi' ko gunanyo nompala'imo Belento ka' madi'mo daagi nontuluti Belento.

MATIUS 26:56

Panyo memang sumo aitumo da timbali apaa na anu tinulismo nu to nabi-nabi i uno nu Kitab nu Tumpu.” Lapas aijo', iwi-iwi' na anu saja' mombatuki Ia nopadeka'mo nompala'i Yesus.

2 TIMOTIUS 4:16

Tempo'nyo aku momona nontutuhakonmo mosia na kahondoanku aiya, madi' ko samian pe'e na anu nonsangalui aku; iwi-iwi' nompala'imo aku. Bisa-bisa' Tumpu madi' mompisala'i aha i uno nu han aiya!

1 SAMUEL 27:1

I Daud binapikinmo i uno nu kinyonyoanyo, “Maumo pa' mosiamo, memang i sinaa sangga'at aku tionyo ahi' nu pateimo i Saul. Jadi madi'mo ko jalan sangga'at na ku ala, ola ahi' mopalaimo mamba i lipu' nu aha mian Filistin.”