MAZMUR 141:5 - KITAB NU TUMPU ALLA LELE MA'IMAI'

⁵ De mian anu manonong mompokinde'i mae aku, ka' madi' tageo' na kinyonyoa mondoke mae aku, aijo' sumomo lanya' anu talalo hondo ma'ima' hi belengku. O'amalakon da aku montalima ahi', kalana aku saja' balado'a madi' montalima aha. Palabuatan ma'idek nu aha.

MAZMUR 141:5 ပူးပေါင်းရင်းမြစ်များ

2 TAWARIKH 25:16

“Pomohokot”, na koonyo i Amazia, “De madi' opateimo mami na beleyum! Madi' toho' kami nohangkat beleyum da mompokinde'i i tomundo!” Sahingga nomohokotmo na nabi aijo', panyo ma'isa pe'e ia nomohokot ia daagi' notatae, “Uuka aiya sinumbu'kumo taalu' Tumpu Allah nontantukanmo da osilakaimo na belento Tomundo kalana belento Tomundo nombaumo han anu sumo aijo', ka' kalana belento Tomundo madi'mo nompajuli pokinde'ku.”

MAZMUR 125:4

O, Tumpu, kanonongimo nu mian anu manonong hi mian anu hodi' na kinyonyoanyo.

MAZMUR 23:5

Belentomo na nompotoukai bau-bauon hi belengku i ahop nu mian anu mongewa mae aku. Belentomo na nolalabot mae aku susumo mian anu o'adati. Belentomo na nompo'inumi mae aku nu inumon anu ma'ima' hondo ka' nolabi-labimo.

MAZMUR 51:18

Belento madi' mongka'ima'i koloban anu okolot; de maluanyo aku monsombahkon kiloban anu opotunu, Belento madi' ahi' mongka'ima'i.

AMSAL 12:1

Mian anu mongka'ima'i ilimu' sanang na montalima pokinde', panyo mian anu madi' mongka'ima'i pokinde' atina'mo na mian ponga'.

AMSAL 15:22

Anu otanga'i madi' jadi de madi' opotutugakon pe'e; panyo anu otanga'i kohasinnyo de manjoo' na anu mombee'i pokinde'.

AMSAL 15:5

Mian anu ponga' montee pokinde nu tuumanyo; panyo mian anu pande montuluti tuumanyo.

AMSAL 19:25

De mian anu takabun o hukum, mian anu madi' ko ilimu' mohumpak pangajalan. De mian anu manonong otewa' mompaka pintuang na kapandeannyo.

AMSAL 25:12

Pokinde' nu mian pande hi mian anu ka'oho' mohongo, sumomo sinsing mosoni kabai lawe-lawenyo mosoni'.

AMSAL 6:23

Sinin na pangajalan nu tu'anyo nu beleyum sumomo sulu' anu majingka; pokinde nu aha mompotingaan hi beleyum jalan nu kantumuu'an anu ma'ima'.

ANU MOMPOLELE POTATAE NU TUMPU 7:5

Lebe ma'ima' nu pisala'i nu mian anu manonong; ka' de mule' nu puji' nu mian anu madi' sampa mangalati'.

IMAMAT 19:17

Boli lewa' mongingu mau mule' pa' ihe. Sampa baladame tiba maumo pa' ihe na mian anu nompaha sala'mo belemiu, da belemiu madi' baladosa' nusaduakon nu mian sangga'at.

MATIUS 5:44

Panyo uuka Aku motatae hi beleyum: Kanonongi na to sampo-sampo bali'um, ka' o sambayangakon na to mia-mian anu mongkabisa'i komiu,

GALATIA 6:1

To Utu-utus! De daagi' ko samian o humpak mombau dosa', sahanyo komiu anu tumuu' mombatuki Roh nu Tumpu mompotiju' mian aijo' minsusule' i jalan anu totu'u. Panyo komiu mompotiju' aijo' boli kopesa-pesa ka' jaga da boli sampe posi komiu tagoda mule'.

ANU PINOTO'I HI YOHANES 3:19

To mia-mian anu Ku ku kalibosi, ahamo na anu Ku tewa' ka' Ku pohos. Kalana aijo' tionyo ahi' belemiu bikas ka' balatobatmo i to dosa-dosa' miu.