MAZMUR 141:4 - KITAB NU TUMPU ALLA LELE MA'IMAI'

⁴ Pojo'onakon mae na aku da madi' ko kahanda' mombau anu ma'idek. Boli opojohok na aku maninggalum tiba mian anu palaganta ka' mongkaanmo hingga-hinggat i bau-bauon nu aha.

MAZMUR 141:4 ပူးပေါင်းရင်းမြစ်များ

KAJADIAN 27:14

Sahingga i Yakub nambamo nongala mee' haha aijo' ka' nomboa mae hi tinanyo, lantas ingunjangmo i Ribka na kaanon anu nuka-nuka'ima'i i Ishak.

1 TOMU-TOMUNDO' 13:8

Nabi aijo' nontaami, “Maumo ahi' sambahagian na ka kakaya'an nu belento Tomundo', obee'mo mae nu belento Tomundo' hi belengku, panyo' madi' ahi' aku mamba mongkaan ka' monginum tiba belento Tomundo'.

1 TOMU-TOMUNDO' 22:22

'Mosia na beleyum pagala monsale'i?' na koonyo nu Tumpu. Malaikat aijo' nontaami, 'Aku mamba ka' ku sale'ije na nabi iwi-iwi' da timbali baleko'.' Tumpu notatae, 'Ma'ima'mo de sumo itina', baumo sumo itina', timbalimo nupoko sale'i na ia.’ ”

1 TOMU-TOMUNDO' 8:58

O'amalakon da Tumpu Allah mompotimbali mae kita to mia-mian anu tulu-tulutan hi Ia, dan i uno nu kantumuu'anto saja' mombatuki pongka'oho-Nyo, ka' montuluti atulannyo iwi-iwi' ka' palentah-Nyo anu binee'-Nyomo hi mompolee'to.

MAZMUR 119:36

Balakatiakon mae na aku da ko kahanda' montuluti atulan nu Belento, da boli mule' ko kahanda' lebe penting na timbali kaya.

MAZMUR 28:3

Boli mompatei mae aku opotuangmo hi aha mian anu palaganta, tibamo mian anu mombau palabuatan anu ma'idek. Aha motatae ma'ima' hondo na mohongo, panyo i uno nu kinyonyoa nu aha ma'idek hondo.

YESAYA 63:17

O, Tumpu kadaka' Nu pojohokmo mae na kami sala' na palabuatan mami? Kadaka' Belento mompobakasmo kinyonyoa mami sahingga kami madi'mo mongkabuhuk Belento? Pinsusule'mo mae, o'inau' ahi' na to posa-posaihon nu Belento O, inau' ahi' mae na mian anu palesayamo hi Belento anu Belentomo na tumpunyo.

NOMBILANGMO 25:2

To bou-boune ikiijo' lewa'mo nonsale'i da mamba i lamean monsombahkon koloban bau pongadati pilogot nu aha. Mian nu Israel suele nongkaanmo koloban aijo' ka' nonsombahmo pilogot nu aha mian Moab.

MATIUS 6:13

Boli mompojohok kami kakulangan palesaya tempo'nyo kami o sobai panyo lapasakon na kami i kuasanyo Anu Ma'idek. [Kitamo na Tomundo' anu balakuasa ka' opopodaka' toka sidu-sidutu'. Amin.]’

1 KORINTUS 10:31

Mau mule' apaa na obau nu kita Utus – kita Utus mongkaan kabai kita Utus monginum – baumo na aijo' iwi-iwi', bau pompopodaka' Tumpu.

1 KORINTUS 15:33

Boli o akali! Po'imboan anu ma'idek mongidei kalakuan anu ma'ima'.

2 KORINTUS 6:17

Mokonyo aijo', pala'i na to mia-mian anu madi' monsumbu' Tumpu aijo', ka' boli mogalum na butongum hi aha. Boli hondo-hondo monsasuhi anu mahenyu, da Ku talimaje na komiu.

PO'ULE' INGULIT 2:30

Panyo i Tomundo Sihon madi' nompobee' kita motulu i lipu' nu aha aijo'. Tumpu Allah nu belemiu nompotimbalimo ia da panggaga ka' mompagala da kita timbali mompatundu' ia. Da'erahnyo daagi' o jojoonginto sampe uuka aiya.

PO'ULE' INGULIT 29:4

Panyo sampe sinaa aiya Ia ma'isa nompobee' belemiu da monsumbu' iwi-iwi' apaa na anu ingoa'anmo miu aijo'.

YAKOBUS 1:13

De ihehe na mian tagoda nu soba'an anu sumo aijo', boli ia motatae, “Soba'an aiya nolengkat mae hi Tumpu,” kalana Tumpu madi' opoko goda nu anu ma'idek, ka' madi' singkona monggoda mau pe'e pa' samian.

ANU PINOTO'I HI YOHANES 18:4

Lantas aku nohongo potatae sangga'at lengkat mae i suluga' nontaloakon, “Posabatmo mae, na mian-Ku anu pinalesayamo hi Beleng-Ku! Posabatmo mae lengkat i unonyo! Bolimo belemiu mombatuki to dosa-dosa'nyo, ka' manintuangmo montanggung hukumannyo!