MAZMUR 140:13 - KITAB NU TUMPU ALLA LELE MA'IMAI'

¹³ Ku sumbu' Belento mombee'i ka'adilan hi mian anu pinosansalamo, ka' montinjohimo palakala nu mian anu kasiasi.

MAZMUR 140:13 ပူးပေါင်းရင်းမြစ်များ

AYUB 36:6

Mian anu baladosa' madi' Nu pojohok da tumuu' pin, Ia mombee'i ka'adilan hi mian anu mongoa'i kasansala'an.

MAZMUR 11:7

Kalana Tumpu manonong ka' adin, Ia mongkalibosi mian anu mombau anu ma'ima' mian anu madi' tageo' na kinyonyoanyo montoa ka' monsumbu' Tumpu.

MAZMUR 16:11

Pinotiju'mo mae nu Belento hi belengku na jalan anu mompanjolongi kantumuu'an; hi Belento na pohumpakanku kalame'an anu taha-tahahumo ka' kabilahian sampe toka sidu-sidutu'.

MAZMUR 23:6

Ku sumbu' na Belento manonong hondo mae hi belengku, ka' saja' mongkalibosi aku. Sahingga aku timbali jojoong i laigan nu Belento, tempo'nyo aku daagi' tutuu'.

MAZMUR 32:11

O to mia-mian anu bala iman, bila-bilahimo ka' balame-lame'mo, kalana nongoa'imo apaa na anu binaumo nu Tumpu. Pontaligalaimo ka' bilahimo, o iwi-iwi' na mian anu madi' tageo' na kinyonyoanyo!

MAZMUR 35:10

Sahondo-hondonyo na kinyonyoangku montaloakon, “Tumpu, Belento madi' koanu timbali pompokakanakonan! Belento nompobebasmo anu madi' mahoson da madi'mo nu kuasai nu anu mahoson, Anu kasiasi ka' sansala da madi'mo sola' obee' kasansala'an.”

MAZMUR 73:24

Belento na lewa'mo nolaya aku nu pokinde' ka' saidi' mae nu talima na aku nu kaholomatan.

MAZMUR 97:12

Balame-lame'mo, o to mia-mian anu hodi' na kinyonyoanyo, kalana nontaupmo apaa na anu binaumo nu Tumpu, ka' pontalima kasemo hi Tumpu anu susi' hondo.

AMSAL 22:23

Kalana, Tumpu na monsangaja'i palakala nu aha ka' mongala napas nu mian anu mombee'i kasansala'an aha.

YESAYA 3:10

Tumpu notatae, “Poto'i hi mian anu tulu-tulutan hi beleng-Ku, saba aha mohumpakmo kantumuu'an ma'ima' ka' salamatmo. Nu lasaimo nu aha na lawe nu pakalaja'an nu aha.

YOHANES 14:3

De lapasmo na Aku mamba montoukai tampat miu, Aku po'ule'je mae minsusule' ka' molabot komiu, da iyana kajojoongan-Ku, i kiijo' suele na kajojoongan miu.

YOHANES 17:24

Kita Tuuma, Ku kahanda'i da aha anu binee'mo nu kita Tuuma hi beleng-Ku mogalum ka' Aku i tampat kajojoongan-Ku, da aha montoa kadaka'an-Ku; aijo'mo kadaka'an anu binee' nu kita Tuuma hi beleng-Ku, kalana kita Tuuma mongkalibosi Aku ma'isa pe'e dunia aiya pinotimbali.

1 TESALONIKA 4:17

Lapas aijo' kita anu daagi' tumuu' tempo'nyo aitu, hingga-hinggat o hangkat tiba aha i uno nu kundom da mompahakabot tiba Tumpu i langa. Lantas kita jojoongmo hingga-hinggat tiba Tumpu sampe toka sidu-sidutu'.