MAZMUR 140:10 - KITAB NU TUMPU ALLA LELE MA'IMAI'

¹⁰ Boli opobee' na mian anu monsampobali aku, untung na mahampate; bakas da potatae anu nutaloakon nu aha mongkona butong nu aha anu mompobau-bau mae aku.

MAZMUR 140:10 ပူးပေါင်းရင်းမြစ်များ

KAJADIAN 19:24

Monti-montiik Tumpu nontudunakonmo ujan alilang anu ko apunyo hi Sodom ka' Gomora.

MAZMUR 11:6

Mian anu ma'idek na kinyonyoa-Nyo nu hukum nu balaa' nu Tumpu, tiba apu, belelang, ka' mombun anu montoyo'i.

MAZMUR 120:4

Tiba pana' anu matajom nu mian anu mahampate tiba oba nu apu anu noakmo!

MAZMUR 21:9

Nuboamo iwi-iwi' na anu monsampobali' ia ka' nu hakopmo iwi-iwi' na mian anu mongka'ideki Ia.

MAZMUR 55:23

De bata-batamo na beleyum kalana mabuhukmo asanakonmo hi Tumpu, sahingga Iaje na montulungi beleyum; kalana mian anu hodi' na kinyonyoanyo, madi' ola nu pojohok nu Tumpu na ia opatundu.

MAZMUR 64:9

Aha silakamo kalana potatae nu aha na monsaduakon; iwi-iwi' na anu montoa kino bilok-bilokmo.

MAZMUR 7:17

Jadi posi kalakuannyomo ma'i-ma'idek aijo' na nohukum ia ka' ia sinakisamo nu posi kasinggiannyo.

AMSAL 28:10

Ihe na pagala monsale'i mian anu madi' tageo' na kinyonyoanyo da mombau anu ma'idek, ia saidi mae minsoop mo i uno nu so'o. Mian anu belesi' na kinyonyoanyo saidi mae obalakati, sahingga mohumpakmo kantumuu'an ma'ima'.

AMSAL 28:17

Samian na anu saja' mompatei mian, saja' nu oa'i ololoi' sampe ia silaka, madi' ko samian pe'e na moko ala montahan ia.

MATIUS 13:42

Aha iwi-iwi' olumbu'akon i uno nu tolukun anu ko apunyo ka' moak hondo; i kiijo' aha humaangje ka' mongoa'i sansala.

MATIUS 13:50

Lapas aijo' to mia-mian ma'idek aijo' o'alinmo i uno nu tolukun anu ko apunyo. I kiijo'mo na aha humaang ka' mongoa'i sansala.”

ANU PINOTO'I HI YOHANES 20:15

To mia-mian anu madi' tinulis na sanggonyo i uno nu Kitab nu Mian anu Tumuu', o'alinmo i uno nu apu anu sumo ndalangon.

ANU PINOTO'I HI YOHANES 21:8

Panyo mian anu madi' sabaan, geguan, mian anu palaganta pampatei, mian masala', mian anu ko ajimat, monsombah pilogot, ka' iwi-iwi' na anu baleko' o'alin i uno nu apu anu sumo ndalangon ka' belelang anu lewa' moak, aijo'mo na kapatean anu kopinduannyo.”