MAZMUR 14:4 - KITAB NU TUMPU ALLA LELE MA'IMAI'

⁴ Tumpu notatae, “Pa' madi'mo ko kasinsumbu'annyo na mian toto ide-idek na kinyonyoanyo haha aijo'? Aha tumuu' ola saja' mompahuhui mian anu palesayamo hi Beleng-Ku ka' madi'mo toho' balado'a mae hi Beleng-Ku.”

MAZMUR 14:4 ပူးပေါင်းရင်းမြစ်များ

AYUB 21:15

Nututugi nu aha, “Montuluti anu nupoto'i nu Tumpu Allah madi' ko kaliangannyo, ka' balado'a hi Ia suele madi' mingguna.

AYUB 27:10

Sabenannyo ia saja' ahi' mongindi kasanangan anu lengkat mae hi Tumpu Allah, ka' balado'a hi Ia boli ma'osa.

MAZMUR 27:2

De aku nu tumbuhi mae nu mian anu ma'idek na kinyonyoanyo anu kahanda'mo mompatei mae aku ahamo ahi' na tosumpun ka' tombahangkangmo.

MAZMUR 79:6

Baumo totu-totu'u, na Belento motambuha' hi to bansa-bansa anu madi' monsumbu'i Belento ka' hi aha to kala-kalaja'an anu madi' monsombah Belento.

MAZMUR 82:5

Belemiu madi' ko anu opisumbu-sumbu', ponga' ka' sala' na bapikin, kalana belemiu, sahingga atulan nu kantumuu'an nu mian da'isan tinabuntala'mo.

AMSAL 30:14

Daagi' ko mian anu molio Kaanon nu jalan anu talalo buhingison, aha talalo hondo buhingison ka' molio ka'untungan hi mian kasiasi ka' hi mian anu madi' moko ala mombau apa-apaa.

YESAYA 27:11

De to panga-panga'nyo manggasmo ka' mopato'mo tokamo mae nu ala nu to bou-boune da bau kau' anu oposun. Bansa aijo' madi' ko anu nu pisumbu-sumbu', sahingga Tumpu anu nompotimbalimo ia madi'mo daagi' mongkalibosi aha.

YESAYA 29:14

Kalana aitu aha Ku potolokengkengmo nu pondoke anu ojojo'imo. Mian anu pande timbalimo ponga' ka' iwi-iwi na kapandean nu aha madi'mo mingkaliangan.”

YESAYA 45:20

Tumpu notatae, “Sihukmo ka' tokamo mae hingga-hinggat, belemiu iwi-iwi' anu madi' pinatean nu to bansa-bansa! Ponga' ahi' na to mia-mian anu molondakon patong kau' ka' balado'amo hi to pilo-pilogot anu madi' moko ala momposalamat.

YESAYA 5:13

Kalana aijo' mian anu palesayamo hi beleng-Ku anu pinonga'mo oboamo salaku mian anu ihakop. To pola-polaya' tiba aha mian da'isan saidi' mae mateje nu ohop ka' mule' mate nu megot.

YESAYA 64:6

Kami iwi-iwi' mian anu nahenyumo, ka' mule' palabuatan mami anu ma'ima' na'idekmo ka' kinotonmo. Kami mingkotmo kalana palabuatan mami anu na'idekmo susumo hon anu nagayoumo nu lahabakonmo nu mombun.

YESAYA 64:7

Madi'mo ko anu balado'a hi Belento, kabai mongkakase da otulungi nu Belento kalana pinosulukmo nu Belento na ohup nu Belento da madi' otoa mami, ka' mule' nompojohokmo kami da osilakaimo nu dosa' mami.

YEREMIA 10:25

Potudunje na kapusan nu Belento hi aha to bansa-bansa anu madi' mongakui Belento ka' madi' monsombah Belento. Kalana aha nonsilakaimo mian anu palesayamo hi Belento ingko-ingkot ka' mule nohansunimo lipu' mami.

HOSEA 7:7

I uno nu napisu nu pusa nu aha, aha nompateimo to pola-polaya' nu aha. Iwi-iwi' na tomundo' nu aha pinateanmo toto samian. Panyo maumo sumo aijo' na ka ada'an nu aha madi'mo tinalakana' madi' ahi' ko samian pe'e na balado'a mae hi beleng-Ku momoita tulung.”

AMOS 8:4

Potombihing mae o belemiu anu nongkabisa'imo mian anu kasiasi i lipu' aiya sahingga aha i hansunmo.

ROMA 1:28

Kalana mian madi'mo mongoa'i palalu monsumbu' Tumpu Allah, sahingga Tumpu mompojohok pikilan nu aha da timbali ma'idek, sahingga aha mombau hahan anu madi' timbali nubau nu aha.

GALATIA 5:15

Panyo de komiu mompaha pisa-pisala'i, jaga dumo saidi' mae komiu hingga-hinggat mongoa'i kasusa'an.