MAZMUR 14:3 - KITAB NU TUMPU ALLA LELE MA'IMAI'

³ Panyo iwi-iwi' na mian noteba'mo na jalan nu aha ka' pinalagantamo, madi'mo daagi' ko samiannyo na anu mombau anu ma'ima'.

MAZMUR 14:3 ပူးပေါင်းရင်းမြစ်များ

KAJADIAN 6:12

Tumpu Allah nontoa dunia aijo' me saja' nontoa anu toto ide-idek, kalana manusia iwi-iwi' na'idekmo na kantumuu'annyo.

AYUB 14:4

Te toho' mule' na manusia anu baladosa' moko ala mompodaagi' anu talalo hondo ma'ima'?

AYUB 15:16

Apaa mule' manusia anu palaganta ka' anu ko kasala'annyo, anu monggotup kalakuan anu ma'idek susumo uee.

MAZMUR 119:176

Aku tinalasmo ijalan sumomo domba anu nolapusmo, jadi tokamo mae ka' liomo na posaihon nu Belento aiya, kalana aku madi' mongkolilimi iwi-iwi' na palentah nu Belento.

MAZMUR 14:1

Anu mongkapalai panyanyi. Mazmur i Daud. Mian anu ponga' motatae i uno nu kinyonyoanyo, “Madi' ko Tumpu.” Palabuatan nu aha ma'idek ka' okahegati madi'mo ko anu mombau anu ma'ima'.

MAZMUR 143:2

Aku aiya posaihon nu Belento, boli mae mompulusi aku, kalana madi' ko mian anu madi' kokasala'annyo i ahop nu Belento.

MAZMUR 38:5

Aku nolomosmo i uno nu iaba' kasala'anku, dosa'ku talalomo ahi' nompiboati mae aku.

MAZMUR 58:3

I madi', belemiu ola mule' ahi' nombaumo tanga'an anu ma'idek ilipu' aiya, ka' mompakisa mian i lipu' aiya.

NOSABATMO 12:30

Pihi-pihi' aijo' i tomundo ka' aha anu ko pangkatnyo ka' iwi-iwi' na mian nu Mesir, singkapmo nobula. I songko-songko na lipu' nu Mesir me saja' i hongo haang anu montando'i kalana madi' ko sa'angu' pe'e na laigan na madi' ko samian na anak mo'ane sinilaka.

NOSABATMO 8:31

ka' tinalimamo nu Tumpu na do'a i Musa. Lalo haha aijo' singkapmo i lumahap nompala'imo i tomundo, to mia-mian anu ko pangkatnyo ka' layat. Sa'angu' pe'e madi'mo ko anu jinojoong.

ANU MOMPOLELE POTATAE NU TUMPU 7:20

I dunia aiya madi' ko mian anu talakana'; madi' koa anu saja' mombau anu ma'ima' ka' madi' toho' binaladosa'.

ANU MOMPOLELE POTATAE NU TUMPU 7:29

Ola aiya na anu i humpaku: Tumpu nompojadimo kita, sinaimbangganmo ahi' na kino ima'nyo. Panyo posi kitamo ahi' na nombau kasusa'an ibutongto ka' palabuatan anu minggeo-geo'.

YESAYA 53:6

Kita iwi-iwi' tinalasmo susumo domba, toto samian mosi lio-liomo jalannyo. Pinotudunmo nu Tumpu hi ia na palabuatanto iwi-iwi' anu ma'idek.

YESAYA 64:6

Kami iwi-iwi' mian anu nahenyumo, ka' mule' palabuatan mami anu ma'ima' na'idekmo ka' kinotonmo. Kami mingkotmo kalana palabuatan mami anu na'idekmo susumo hon anu nagayoumo nu lahabakonmo nu mombun.

YEREMIA 2:13

Mian anu palesayamo hi belengku nombaumo ohua' na ngahan nu dosa': aha nohikumo mae Aku, mata nu uee anu mombee'i kantumuu'an hi manusia; aha nombaumo kolam nu butong nu aha, kolam anu losut madi' moko ala montahan ueenyo.”

YEHEZKIEL 36:25

Lapas aijo' belemiu Ku pipi'mo nu uee anu molino hondo da belemiu belesi'mo madi'mo ko pilogotnyo ka' mule' iwi-iwi' anu nohumimi'imo belemiu.

ROMA 3:23

Iwi-iwi' mian binaladosa'mo hi Tumpu anu kahanda' momposalamat aha.

1 KORINTUS 6:5

Mongambangi hondo! Tantu itina' hi komiu daagi' ko anu toto samian na pande hondo mongulus palakala nu po'uwalian anu itina' hi komiu to utu-utus anu bubuu' Kristen!

2 KORINTUS 7:1

To Utu-utus anu okanonongi! Iwi-iwi' na anu jinanji'mo aijo' kona hi kita. Mokonyo aijo' iwi-iwi' na anu mombusiki kinyonyoa ka' butongto tionyo ahi' opobelesi'. Tumpu tionyo ahi' okabuhuk da kita timbali tumuu' maima ka' hondo-hondo mombau apaa na anu nu palentahkon.

EFESUS 2:3

Naipuan mae kita iwi-iwi' suele pokakanamo tiba aha; kita tumuu' nombatukimo tabiat nu mian ka' nombaumo apaa na anu moko sanang butong ka' pikilanto. Tempo'nyo aitu kita singkona to mia-mian anu tinambuha'anmo nu Tumpu. Pokakanamo sumo to mia-mian sangga'at.

PO'ULE' INGULIT 1:35

‘Madi' ko samiannyo lengkat i tulunan anu maidek aiya mompisopi lipu maomuk' anu jinanji'kumo toka hi mompole'miu.