MAZMUR 14:1 - KITAB NU TUMPU ALLA LELE MA'IMAI'

¹ Anu mongkapalai panyanyi. Mazmur i Daud. Mian anu ponga' motatae i uno nu kinyonyoanyo, “Madi' ko Tumpu.” Palabuatan nu aha ma'idek ka' okahegati madi'mo ko anu mombau anu ma'ima'.

MAZMUR 14:1 ပူးပေါင်းရင်းမြစ်များ

KAJADIAN 6:5

Tinoa nu Tumpu ma'idek hondo na kalakuan nu to mia-mian i dunia; iwi-iwi' na pikilan nu aha aijo' saja' ma'idek.

AYUB 15:16

Apaa mule' manusia anu palaganta ka' anu ko kasala'annyo, anu monggotup kalakuan anu ma'idek susumo uee.

AYUB 22:13

Panyo pinokilawa nu beleyum, “Te ia apaa naanu pisumbu-sumbu'? Ia kiita' mae i sambiha' nu kundom jadi madi' ahi' moko ala mongulus palakalanto.”

MAZMUR 10:4

Mian anu baladosa' madi'mo mompajuli Tumpu kalana ia talalo sombong sahingga koonyo madi' ko Tumpu.

MAZMUR 107:17

Daagi' ko anu ponga' ka' nongoa'imo kasansala'an, kalana to dosa-dosa' nu aha, ka' pinosakisamo kalana kasala'an nu aha.

MAZMUR 53:1

Anu mongkapalai panyanyi. Ingala ilagu' nu nyanyian: Mahalat. Nyanyian pangajalan i Daud.

MAZMUR 73:3

kalana aku nongka'idekimo mian anu saja' takabun, salatan aku nontoamo mian anu ma'idek na kinyonyoanyo nohumpakmo dale'.

MAZMUR 92:6

Talalo hondo daka' na hahan anu binaumo nu Belento, O, Tumpu, talalo hondo maleeng na pikilan nu Belento!

AMSAL 1:22

“O to mia-mian anu panggaga! Sampe toka hipian na kopinnyo na belemiu me saja' sumo aijo'. Hipianje na tempo'nyo belemiu madi'mo montee ilimu' ka' montulutimo pangajalan?

AMSAL 1:7

Da mohumpak ilimu' anu sahondo-hondonyo momonanyo mian tionyo ahi' mongadati ka' mabuhuk hi Tumpu. Mian anu ponga' madi' mongangga'i kapandean bapikin ka' madi' mongka'oho' opogulu'.

AMSAL 13:19

Palias na ko ima'nyo de ohumpakmo na anu oka'ima'i! Mian anu ponga' madi' mongka'oho' mompala'i palabuatan anu ma'idek.

AMSAL 27:22

Mau pe'e odoke hoso-hoson na mian anu ponga'; madi' mingkot na kaponga'annyo.

ANU MOMPOLELE POTATAE NU TUMPU 7:20

I dunia aiya madi' ko mian anu talakana'; madi' koa anu saja' mombau anu ma'ima' ka' madi' toho' binaladosa'.

YESAYA 1:4

Silakamo na belemiu bansa anu binaladosa', to mia-mian anu palalente ka' mian anu ma'idek na kinyonyoanyo! Belemiu inanabu'mo kalana-binaladosa'mo na belemiu. Belemiu madi'mo nonsumbu' Tumpu ka' nohikuhakonmo Tumpu anu Talalo hondo susi' anu tionyo ahi' osombah nu belemiu.

YEREMIA 5:12

Mian anu palesayamo hi Tumpu nontaloakonmo han anu madi' totu'u hi Tumpu. Aha nontaloakon, “Ah, Ia madi' mule' mombau apa-apaa. Kita madi' mule' nu kona nu balaa' ka' madi' mule' monta'up pahampatean kabai kasusa'an i anu okaan.

YEREMIA 6:28

Aha iwi-iwi' saja motomuhuk ka' panggaga hondo, sumomo ahi' ko kuutnyo nu tambaga ka' besak. Aha saja mombau palabuatan anu mabusik ka' lumajang pa' momoya mombebakon lele anu mombusiki sanggo nu mian sangga'at.

MATIUS 12:34

Komiu mian ma'idek, mosia na timbali komiu montaloakon hahan anu ma'ima', de komiu ma'idek? Apaa na anu otaloakon nu nganga', aijo'mo na anu mosabat lengkat i kinyonyoa!

MATIUS 15:19

Kalana lengkat i uno nu kinyonyoa lubat na pikilan-pikilan anu ma'idek, anu monsabapi mian mompatei, masala' mombau anu moko mahenyu, montomang, mombee'i sakisi baleko', ka' mompitana'akon.

LUKAS 12:20

Panyo Tumpu notatae hi ia, ‘O anu ponga'! Pihi uuka mule' beleyum matemo, lantas ihemo ahi' na mohumpak iwi-iwi' kakaya'an anu ilimu'umo bau kapentingan nu butongum?’

EFESUS 2:12

Tempo'nyo aitu komiu ma'isa nosa'angu' tiba i Kristus, komiu mian anu i salipu'an anu madi' minsoop i mian anu pinile'anmo nu Tumpu. Komiu madi' sinegotan nu palajanjian anu binaumo nu Tumpu Allah tiba mian anu palesayamo hi Ia. Komiu tumuu' i uno nu dunia aiya madi' ko anu otaha'imani, ka' madi' pilenje ko Tumpu.

TITUS 1:16

Aha notatae, tukoonyo aha monsumbu' nu Tumpu, padahan palabuatan nu aha madi' totu'u. Aha monsaduakon da mongkahumimi'i ka' madi' mongka'oho' tulu-tulutan; aha aijo'mo na to mia-mian anu madi' moko ala mombau apa-apaa na anu ma'ima'.

TITUS 3:3

Kalana naipuan mae kita suele ponga', sala' na jalan, ka' madi' tulu-tulutan. Kita binotuananmo nu ngangahan na napisu tiba anu o ka'ima'i; kita tumuu' ko makisut ma'idek ka' madi' sanang hi sangalu, tiba mule' mompaha ka'i-ka'ideki.

ANU PINOTO'I HI YOHANES 21:8

Panyo mian anu madi' sabaan, geguan, mian anu palaganta pampatei, mian masala', mian anu ko ajimat, monsombah pilogot, ka' iwi-iwi' na anu baleko' o'alin i uno nu apu anu sumo ndalangon ka' belelang anu lewa' moak, aijo'mo na kapatean anu kopinduannyo.”

1 SAMUEL 25:25

Bolimo kita Tuanku mompopikinakon i Nabal mian anu madi'mo kinokaliangannyo aijo'! Ia mian anu ponga' – pokakanamo susumo alati'nyo nu sanggonyo. Aku madi' nontoa to posa-posaihon anu sinai mae nu belento Tuanku.