MAZMUR 138:7 - KITAB NU TUMPU ALLA LELE MA'IMAI'

⁷ Tempo'nyo aku tinokanmo nu kasusa'an Belento na sabole-boleh nontoongi kantumuu'anku. Belento na nongewa anu monsampobali' mae aku anu notomuhukmo ka' pinosalamatmo nu Belento na aku nu kuasa nu Belento.

MAZMUR 138:7 ပူးပေါင်းရင်းမြစ်များ

YESAYA 41:10

Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

MAZMUR 85:6

Pa' sidu-sidutu'mo na belento montambuha'i mae kami, ka' sabole-bolemo motambuha' sampe molundu-lundu na tulunan?

SISIKON NU TO RASUL-RASUL 2:33

Ia i hangkat ka' pinosuhang i kasuhangan anu matangkas ka' binee'an kakuasa'an nu Tumpu, lantas nontalimamo Roh nu Tumpu Allah anu noko janji'mo nu Tuuma. Ka' anu ihongomo miu uuka aiya ka' tinoamo saba' Roh'mo ai-aijo' na anu ilambe'akon-Nyo hi kami.

YESAYA 5:25

Tumpu montambuha'imo bansa-Nyo. Ia binalasiapmo da mohukumo aha. To Bungku-bungkutnyo gayu'anmo; bangke' nu mian anu sinilakamo motanatamo susumo duhehe i tutuus jalan. Panyo Tumpu daagi' tataap motambuha' ka' mule' daagi ahi' mohukum.

YESAYA 10:4

Uki' nu belemiu madi' kosangalasannyo olamo ahi' opatei i uno nu pahampatean kabai oboamo salaku mian anu ihakop. Panyo Tumpu daagi' sabole-boleh motambuha' ka' tataap monabu'akon hukuman.

AYUB 13:15

Aku sabinmo, kalana madi'mo ko anu otaha'imani! De nu silakaimo nu Tumpu Allah na aku, ku halala'akonmo na butongku aiya, panyo ku poto'i ahi' na kahondoan nu kalakuanku i ahop-Nyo.

YEREMIA 51:25

O, Babel, beleyum sumomo ahi' bungkutnyo anu nohansunimo songko-songko na dunia. Panyo Aku, Tumpu mongewamo beleyum. Beleyum Ku hela'mo ka' Ku pobahangkangmo ka' mule' Ku pojohokmo mopapu sampe timbalimo abu'.

MAZMUR 60:5

Belento nompojohokmo mian anu palesayamo hi belento sahingga nonta'upmo kasansala'an anu maboat hondo; kami nahasulonanmo susumo mian anu nalangumo.

MAZMUR 17:7

Potoa mae na kalibosan nu Belento anu talalo hondo okabangangi kalana nuposalamat nu Belento na mian anu mihohung hi Belento, i sohipi' nu Belento madi' ko anu mompoposia aha ka' madi'mo ko anu molambani mae na sampobali' nu aha.

MAZMUR 77:10

Pa' kinolilimanmo nu Tumpu na mongkalibosi? Pa' notambuha'mo na Ia, sahingga madi'mo daagi' ko kalibosan?”

MAZMUR 44:3

Posi Belentomo ahi' na nolaa' to bansa-bansa da mian anu palesayamo hi Belento tataapmo ilipu' nu aha. To bansa-bansa sangga'at sinilakanmo nu Belento panyo mian anu palesayamo hi Belento na pinoloasmo ahi' nu Belento da ko pintu-pintuangnyo.

MAZMUR 18:35

Ia nompogulu'mo aku mahampate, sahingga aku moko alamo nompeletakon pana' anu talalo hondo mokut na o hela'.

MAZMUR 56:9

Belento nombilangmo iwi-iwi' na sinaa anu pinakengkumo lewa' namba noyaya, ka' nonsumbu'mo konjoo'nyo nu lolu'ku; pa' madi'o nu posoop i uno nu lekengan nu Belento na kasansala'anku aiya?

MAZMUR 20:6

Jadi kami montaligalaimo kalana lame'mo, kalana beleyum inguntungmo na nahampate, ka' nohangkatmo bandela' bau pompuji' Tumpu-nto. O'amalakon da Tumpu mombee' mae iwi-iwi' apaa na anu pinoitamo nu beleyum.

YESAYA 9:17

Palabuatan ma'idek nu bansa aijo' nompapu'i susumo apu nompapui kuhat anu kohii'nyo. Moaknyo sumomo alas na notoyo' anu lewa'mo nonsipunakon tibuknyo.

YESAYA 9:12

Bansa Israel ma'isa ahi' nompele-pele' mau aha ihukumo nu Tumpu Anu Daka' na Kuasanyo: aha ma'isa ahi' binalatobat hi Ia.

YESAYA 57:16

Madi' sampe toka sidu-sidutu'mo na Aku mompisala'i mian anu palesayamo hi beleng-Ku; madi' ahi' saja'mo Aku motambuha', da boli hente na kinyonyoa nu aha, padahan Akumo aiya na mompotumuu' aha.

MAZMUR 18:17

Lengkat mae aita' Tumpu nonguluakonmo mae lima-Nyo; tinoongan-Nyo na aku ka' i hela'-Nyomo lengkat mae akaong i uno nu uee anu maleeng hondo.

MAZMUR 18:18

Ia nomposalamatmo aku da madi' nupoposia nu sampobali' anu baani hondo, ka' suele hi to mia-mian anu mongka'ideki mae aku, kalana aha na talalo mahoson molingkudui aku.